നാലുകെട്ട്: 2024

   മുത്തശ്ശാ കേരളാ അസോസിയേഷൻ ഓഫ് ഗ്രയ്റ്റർ വാഷിംഗ്ടൻ മുത്തശ്ശൻ ഒർക്കുന്നില്ലെ?അന്ന് അവർ ഒരു വലിയ പരിപാടിയിൽ വച്ച് അച്ചൂൻ്റെ ഡയറിയുടെ രണ്ടാം ഭാഗം പ്രകാശനo ചെയ്തത്.അവർ ഇന്ന് ഓണാഘോഷം ഗംഭീരമായി നടത്താൻ തീരുമാനിച്ചിരിക്കുകയാണ്. അന്ന് ക്യാൻസർ രോഗികളെ സഹായിക്കാൻ അച്ചു മുൻ കൈ എടുക്കാൻ പോകുന്നു മുത്തശ്ശാ.അച്ചുസും കൂട്ടുകാരും കൂടി ആയിരക്കണക്കിന് ഗ്രീററി ഗ്കാർഡുണ്ടാക്കി അവിടെ നിൽക്കും. കിട്ടുന്ന ക്യാഷ് മുഴുവൻ ക്യാൻസർ രോഗികളെ സഹായിക്കാൻ തിരുവനന്തപുരത്തുള്ള "ആശ്രയ " എന്ന സംഘടനക്ക് അയച്ചു കൊടുക്കും.അവർ ക്യാൻസർ രോഗികൾക്കായി എന്തൊക്കെയാണ് ചെയ്യുന്നതെന്ന് മുത്തശ്ശനറിയോ?
    ലോകത്ത് പല സ്ഥലത്തു നിന്നും അവർക്ക് ഇതുപോലെ സഹായം ലഭിക്കുന്നുണ്ട്. അതവർ ഭംഗിയായി അർഹതയുള്ളവർക്ക് വിതരണം ചെയ്യുന്നു. രോഗികൾക്കും ആശ്ര7തർക്കും ഒരു പാട് സഹായം അവർ ചെയ്തിട്ടുണ്ട്. "അണ്ണാറക്കണ്ണനും തന്നാലായത് " എന്നു മുത്തശ്ശൻ പറയാറില്ലേ.അതു പോലെ ഒരു ജോലി.
    കേട്ടപ്പോൾ നിസാരമെന്ന് മുത്തശ്ശന് തോന്നിയെങ്കിൽ തെറ്റി. അതൊരു വലിയ മൂമൻ്റ് ആക്കാൻ അച്ചൂന്പററി. നല്ല ഒരു തുക സംഘടിപ്പിച്ചു കൊടുക്കണം'ഞങ്ങൾ തന്നെ വരച്ചുണ്ടാക്കിയതാണ് ഗിഫ്റ്റ് കാർഡുകൾ.എല്ലാവരും സഹായിക്കുന്നുണ്ട്.ഇതിന് ഒരു മോട്ടിവേഷൻ്റെ അംശം കൂടി ഉണ്ട് മുത്തശ്ശാ.ഇതുവിജയിച്ചാൽ നമ്മുട്ടെ വയനാട്ടിലെ ദുരിതബാധിതർക്ക് വേണ്ടി ഒരു ചലഞ്ച് കൂടി ഏറ്റെടുക്കണമെന്ന് അച്ചൂന് മോഹമുണ്ട്.

Monday, August 12, 2024

സുഗന്ധവ്യഞ്ജനോദ്യാനം [ കാനനക്ഷേത്രം - 45]

കാനനക്ഷേത്രത്തിൽ ഒരു സ്പൈസസ് ഗാർഡൻ കൂടി .വൃത്തത്തിൽ ഒരു സ്ഥലം ക്രമീകരിച്ച് അതിൽ ചുറ്റും മിയാ വാക്കി രീതിയിൽ നിലം ഒരുക്കി അതിൽ ഒരു നിശ്ചിത അകലത്തിൽ സുഗന്ധവ്യഞ്ജനങ്ങൾ നട്ടുപിടിപ്പിക്കുന്നു.

എലവറുങ്ങം, പതിമുഖം, ഏലം, കുരുമുളക്, കറുവാ പ്പെട്ട, ജാതി, ഗ്രാംപൂ ,കരിവേപ്പ്, നാരകം;സർവ്വ സുഗന്ധി അയമോദകം എന്നിവ ആവൃത്തത്തിനു ചുറ്റും വച്ചു പിടിപ്പിക്കുന്നു. അതിൻ്റെ മദ്ധ്യഭാഗം പേൾ ഗ്രാസ് പിടിപ്പിച്ച് കമനീയമാകുന്നു. നമ്മുടെ ആഹാരത്തിന്നും മരുന്നിനും ആവശ്യമുള്ളത് നമുക്ക് ഒരു സ്ഥലത്ത് നിന്ന് സംഘടിപ്പിക്കാം. ഇതിനിടയിലുള്ള സ്ഥലത്ത് പനിക്കൂർക്കയും, പച്ചകൊത്തമല്ലിയും കൃഷി ചെയ്യാം.

Tuesday, August 6, 2024

ഈ ഹൃദയ സ്വാന്തനം കേരളത്തിനു മാത്രം സ്വന്തം: സമാനതകളില്ലാത്ത ആ മഹാദുരന്തം നാടിനെ അപ്പാടെ വിഴുങ്ങിയപ്പോൾ നമ്മൾ പകച്ചു നിന്നില്ല. രാഷ്ട്രീയം നോക്കാതെ മതവൈരം മറന്ന് ഒറ്റക്കെട്ടായി അതിനെ നേരിട്ടു. ആയിരക്കണക്കിനാൾ ക്കാരെ രക്ഷിച്ചു.സൈന്യവും പൊലീസും ഫോറസ്റ്റ് ഡിപ്പാർട്ടുമെൻ്റും, മററു ഗവന്മേൻ്റ് മിഷ്യനറികളും ജനങ്ങൾക്കൊപ്പം കൂടി .നൊടിയിടയിൽ ദുരന്തഭൂമിയിലേയ്ക്ക് ഒരു സ്വാന്തന സേതു സൈന്യം നിർമ്മിച്ചു.മരിച്ചവരുടെ ബന്ധുക്കൾക്ക് സ്വാന്തനമേകാൻ കേരള ജനത ഒറ്റക്കെട്ടായി നിന്നു.ഒ രപസ്വരവും ഇല്ലാതെ . ഇനി പുനരധിവാസം! അതിനു കുറെ കെട്ടിടങ്ങൾ പോരാ. ഒരു വലിയ ടൗൺഷിപ്പ് തന്നെ രൂപകൽപ്പന ചെയ്തു വരുന്നു. എല്ലാം നഷ്ടപ്പെട്ടവർക്ക് താങ്ങായി തണലായി ഉടനേ അത് പ്രാവർത്തികമാകട്ടെ. അവർക്ക് ഒരു തൊഴിൽ കണ്ടെത്താൻ ഈ സഹായവുമായെത്തിയ വലിയ സംരംഭകർക്ക് കഴിഞ്ഞെങ്കിൽ .വീടു പണിതു കൊടുക്കാമെന്നു പറഞ്ഞവരെ ഒക്കെ ഈമാസ്റ്റർ പ്ലാനിൽ നമുക്ക് പങ്കാളി ആക്കാം എല്ലാവരും ആ ആശയം സ്വാഗതം ചെയ്തിട്ടുണ്ട്.അധികം വൈകാതെ ആ ടൗൺഷിപ്പ് ഉയർന്നു വരും. കാരണം ഇതു കേരളമാണ്.

Sunday, August 4, 2024

അച്ചൂന്ബർത്ത്ഡെ ആഘോഷം ഇല്ല മുത്തശ്ശാ. [ അച്ചൂ ഡയറി-570] മുത്തശ്ശാ അച്ചൂന് വെക്കേഷനാണ് ഇത്തവണ നാട്ടിൽ വരാൻ പറ്റിയില്ല." പ്ലാൻ യുവർ വെക്കേഷൻ " അച്ഛൻ പറഞ്ഞതാണ്. യാത്രകൾ പോയി. ഇപ്പോൾ അച്ചു ജോലിയ്ക്ക് പോകുന്നുണ്ട്. സോഷ്യൽ വർക്കാണ്. പ്രതിഫലമില്ലാതെ.അതു പോലെ കുട്ടികളെ സൗജന്യമായി ഗിത്താർ പഠിപ്പിക്കുന്നുണ്ട്. അങ്ങിനെയാണ് എല്ലാവരും കൂടി അച്ചൂൻ്റെ ബർത്ത് ഡേ ആഘോഷിക്കാൻ തീരുമാനിച്ചത്. എല്ലാവരെയും ക്ഷണിക്കുകയും ചെയ്തു. മുത്തശ്ശാ അച്ചൂന് ഒരുത്സാഹവും തോന്നണില്ല. നാട്ടിലെ ദുരന്തങ്ങൾ അറിഞ്ഞപ്പോൾ ആകെ മനസിന് ഒരു വിഷമം. എന്തൊരു ഭീകരമാണ് അവിടുത്തെ അവസ്ഥ. ലാൻ്റ് വൈസ്ലയിഡി ഗ് ഇത്ര ഭീകരമായി കെട്ടിട്ടുപോലുമില്ല. കഴിഞ്ഞ തവണ അച്ചു നാട്ടിൽ വന്നപ്പോൾ നമ്മൾ വയനാട്ടിൽ പോയതല്ലെ. എത്ര മനോഹരമായ നാട് .അതു മുഴുവൻ തകർത്തുകളഞ്ഞല്ലോ മുത്തശ്ശാ. ആകെ വിഷമായി.ഒരു സ്കൂൾ മുഴുവൻ മണ്ണിനടിയിലായി അത്രേ. നാൽപ്പത്തി ഒമ്പത് കുട്ടികൾ ഒലിച്ചുപോയി . അച്ചൂന് ബർത്ത് ഡേ ആഘോഷിക്കാൻ മനസ്സ് വരുന്നില്ല.കാലാവസ്ഥ പ്രവചനത്തിന് നമ്മുടെ നാട്ടിൽ കുറേക്കൂടി സാങ്കേതിക വിദ്യ ഉപയോഗപ്പെടുത്താമെന്നു തോന്നുന്നു.ഇവിടെ അമേരിക്കയിൽ ഒരോ സമയത്തെയും കൃത്യമായി പ്രവചിക്കും. അതിനുള്ള ആധുനിക സൗകര്യങ്ങൾ ഉണ്ട്. നമുക്കും അതിനായി കൂടുതൽ ശ്രമിക്കാം. അവിടത്തെ ജനങ്ങളുടെ കൂട്ടായ്മയും ഗവന്മേൻ്റിൻ്റെ നിശ്ചയദാർഡ്യവും കാണുമ്പോൾ അതും നടപ്പിൽ വരുത്തും എന്നച്ചൂന് ഉറപ്പുണ്ട് ഇത്തവണ ആഘോഷം വേണ്ടന്നു വച്ച് നാട്ടിലെ ദുരന്തം അനുഭവിക്കുന്നവർക്ക് എന്തെങ്കിലും ചെയ്താലോ എന്നാലോചിക്കുകയാണ് മുത്തശ്ശാ. ന്യൂസ് കണ്ടിട്ട് അച്ചൂന് ഉറങ്ങാൻ പറ്റുന്നില്ല .എന്തെങ്കിലും സഹായിക്കണമെങ്കിൽ പുറന്നാൾ വേണ്ടന്നു വച്ചിട്ടു വേണോ? പാച്ചുവിൻ്റെ ചോ

Wednesday, July 17, 2024

മുത്തശ്ശാ പാച്ചുപണി തുടങ്ങി. [അച്ചു ഡയറി-569] അമേരിക്കയിലെ അച്ചൂസ് ഡയറിയുടെE Book സെയിൽ പാച്ചുവിനെയാണ് മുത്തശ്ശൻ ഏൾപ്പിച്ചിരിക്കുന്നത് എന്നാണവൻ പറയുന്നത്. അവനത് വളരെ പ്രൊഫഷണലായാണ് പ്ലാൻ ചെയ്യുന്നത്. കാണുന്നവരോടൊക്കെ അവൻ കാര്യങ്ങൾ വിശദീകരിക്കും. എങ്ങിനെയും ബുക്ക് ഏർപ്പിക്കും.ക്യാ ഷൂം വാങ്ങും. അതിന് അച്ഛനേ സേവ പിടിച്ച് ഒരക്കൗണ്ട് തുടങ്ങിയിട്ടുണ്ട്. ചിലർ ക്യാഷായി പേ ചെയ്യും. എല്ലാത്തിനും അവന് വ്യക്തമായ കണക്കുണ്ട്. അതിനു വേണ്ടി ഒരു പ്രൊമോഷൻ വീഡിയോ വേണമെന്ന് പറഞ്ഞ് ഭയങ്കര ബഹളമായിരുന്നു. അവസാനം അച്ചു ഒന്നു ശരിയാക്കിക്കൊടുത്തു. അച്ഛനും അമ്മയും സഹായിച്ചു. പക്ഷേ ഞങ്ങളെഞട്ടിച്ചു കളഞ്ഞത് അവൻ്റെ പ്രസ ൻ്റെഷൻ ആണ്. എന്തു ഭംഗിയായാണ് അവൻ കാര്യം അവതരിപ്പിച്ചത്. അവൻ ആദ്യ അമ്പതു സെയിലുകൾക്ക് ഒരു റിഡക്ഷനും പ്രഖ്യാപിച്ചു.അഞ്ച് ഡോളർ മതി അത്രേ.ഇക്കണക്കിനു പോയാൽ അവൻEBook കുറെ വിൽക്കുന്ന ലക്ഷണമുണ്ട്. കൊച്ചു കുട്ടി ആയതു കൊണ്ട് എല്ലാവർക്കും കൗതുകമാണ്. ഒരു കുടുംബത്തിൽ നിന്നു തന്നെ രണ്ടും മൂന്നും എടുക്കുന്നുണ്ട്. രണ്ടെണ്ണം എടുത്താൽ ഒന്നു ഫ്രീ കൊടുക്കാൻ പറഞ്ഞിട്ട് അവൻ സമ്മതിച്ചില്ല. ജോലി ചെയ്ത് ക്യാഷ് ഉണ്ടാക്കുന്നതിൻ്റെ സുഖം ഒന്നു വേറേ ആണ് മുത്തശ്ശാ.അച്ചുവും വെക്കേഷന് ജോലിക്കു പോകുന്നുണ്ട് പക്ഷേ സോഷ്യൽ വർക്കാണന്നു മാത്രം.കുട്ടികൾക്ക് ഗിത്താർ പഠിപ്പിച്ചു കൊടുക്കുന്നുണ്ട്. പക്ഷേ അച്ചു ക്യാഷ് വാങ്ങാറില്ല."ഏട്ടൻ്റെ കൂട്ടല്ല.ഞാൻ ഒരു പ്രോഡക്റ്റ് കൊടുത്തിട്ടാ ക്യാഷ് വാങ്ങുന്നെ." അവൻ്റെ ന്യായീകരണം. അവൻ്റെ കൊൺഫിഡൻസ് കാണുമ്പോൾ അച്ചൂന് സന്തോഷാ മുത്തശ്ശാ.

Friday, July 12, 2024

തൊണ്ണൂറ്റി അഞ്ചിൻ്റെ ചെറുപ്പവുമായി ജസ്റ്റീസ് സുകുമാരൻ സാർ ..... ഒരു വലിയ എൻവയർമെൻ്റ് പ്രോജക്റ്റ് ഡിസ്ക്കസ് ചെയ്യാൻ വിളിച്ചിട്ടാണ് ഇന്നലെ സുകുമാരൻ സാറിൻ്റെ അടുത്തു പോയത്. അദ്ദേഹത്തിൻ്റെ തൊണ്ണൂറ്റി അഞ്ചാം പിറന്നാൾ ദിനം. വേണ്ടപ്പെട്ടവരെല്ലാം പിറന്നാൾ ആഘോഷമാക്കാൻ തുനിഞ്ഞപ്പോൾ അദ്ദേഹത്തിൻ്റെ മറുപടി അദ്ദേഹത്തിൻ്റെ സാമൂഹിക പ്രതബദ്ധത വിളിച്ചോതുന്നതായിരുന്നു."എനിക്ക് തൊണ്ണൂറ്റി അഞ്ച് വയസായി. ആഘോഷങ്ങൾ ഒന്നും വേണ്ട. എന്നാൽ നാടിന് ധാരാളം ശുദ്ധവായൂ പ്രദാനം ചെയ്യുന്ന തൊണ്ണൂറ്റി അഞ്ച് മുളകൾ മംഗളവനത്തിൽ വച്ചുപിടിപ്പിച്ചാൽ മതി;" അതാണ് സുകുമാരൻ സാർ. പ്രകൃതിസംരക്ഷണത്തിൻ്റെ കാര്യം വരുമ്പോൾ അദ്ദേഹം ഇന്നും ചെറുപ്പമാണ്. എറണാകുളത്ത് ഹൈക്കോർട്ടിനടുത്തുള്ള മംഗളവനം അതിനടുത്ത് കാടുകയറി അനാഥമായി കിടക്കുന്ന റയിൽവേ ഭൂമിയും ചേർത്ത് ഒരു വലിയ എൻവയർമെൻ്റ് പ്രോജക്റ്റിൻ്റെ പണിപ്പുരയിലാണദ്ദേഹം.ആ പ്രോജക്റ്റ് സെൻ്ററൽ ഗവന്മേൻ്റിൽ സമർപ്പിച്ച് അനുമതി വാങ്ങണം. അദ്ദേഹത്തിന് സംശയമില്ല. അതു കിട്ടും.എന്നാൽക്കഴിവതെല്ലാം ചെയ്ത് ഈ ബ്ര ഹ്മ്മാണ്ഡൻ പ്രോജക്റ്ററിൻ്റെ ഭാഗമാകാം എന്നദ്ദേഹത്തിന് നാക്കു കൊടുത്താണ് അവിടന്നിറങ്ങിയത്.ആ നിശ്ചയദാർഡ്യത്തിന് ഒരു വലിയ സല്യൂട്ട്‌

Wednesday, July 10, 2024

കാനനക്ഷേത്രത്തിൽ ഒരു പ്രകൃതി സൗഹൃദ തീയേറ്റർ [കാനനക്ഷേത്രം - 44] ഗ്രൂപ്പ് കളായി കാനന ക്ഷേത്രം സന്ദർശിക്കുന്നവർക്ക് ഒരു പരിപാടിക്കൊരു വേദി. നേച്ചർ ക്ലബുകാരും, കോളേജുകളിലെ NSS ഗ്രൂപ്പുകളും യോഗാചാര്യൻമാരും ഒക്കെ ആഗ്രഹം പ്രകടിപ്പിച്ച തരത്തിൽഒരു വേദി. അതിനൊക്കെ പ്പരിഹാരമായി കാനനക്ഷേത്രത്തിൽ ഒരു പ്രകൃതി സൗഹൃദ തീയേറ്റർ ഒരുങ്ങുന്നു. തീയേറ്റർ എന്നാൽ വലിയ നിർമ്മാണ പ്രവർത്തനങ്ങൾ ഒന്നുമില്ല." വനതീർത്ഥത്തിന് സമീപം മുകളിലുള്ള പറമ്പിൽ ഒരു വേദി. ഒരു ഓപ്പൺ സ്റ്റേജ്.മേൽക്കൂരയോ ആർഭാടമായ അതിരുകളോ ഇല്ല. അതിന് താഴെ വിശാലമായ പുൽത്തകിടി .ഫല വൃക്ഷത്തണലിൽ ഇരിപ്പിടങ്ങൾ .വലിയ കല്ലുകൾ കൊണ്ട് ക്രമീകരിച്ച ഇരിപ്പിടം. പഴയ റോമാ സാമ്രാജ്യത്തിൻ്റെ "ആംഫി തീയേറ്ററിൻ്റെ "വേറൊരു ലളിതമായ രൂപം. അവിടെ വേദി ന ടു ക്കാണ്. ഇരിപ്പിടങ്ങൾച്ചുറ്റും'. പ്രസിദ്ധമായ പോര ങ്കങ്ങൾ ക്കുള്ള വേദി.ഇവിടെ വെള്ളച്ചാട്ടത്തിൻ്റെ കളകളാരവത്തിൽ, പക്ഷികളുടെ കളകൂജനവും, അണ്ണാറക്കണ്ണൻ്റെ "ഛിൽഛിൽ " ശബ്ദവും, മന്ദമരുതനിലുലയുന്ന ഇലകളുടെ മർമ്മരവും പക്കമേളം ഒരുക്കുന്ന ഒരു വേദി. ഇന്നത്തേ തീയേറ്റർ എന്ന കോൺക്രീറ്റ് ചൂളയിൽ നിന്നൊരു മോചനം.മെഡിറ്റേഷൻ പാർക്ക് എന്ന സങ്കൽപ്പത്തിന് കൂടുതൽ സൗകര്യം നൽകുന്ന ഒരു സംരംഭം.

Tuesday, July 2, 2024

മേസ് ലാൻ്റ് കെറി ഗ്- ചലിക്കുന്ന ഒരു ആർച്ച് ഡാം. [ യൂറോപ്പിൻ്റെ ഹൃദയ നാളിയിലൂടെ 72 ] സമുദ്രനിരപ്പിൽ നിന്നു താഴ്ന്നു കിടക്കുന്ന സൗത്ത് ഹോളണ്ടിനെ വരുണ കോപത്തിൽ നിന്ന് രക്ഷിക്കാൻ തനതായ ഡച്ച് സാങ്കേതിവിദ്യ. .എന്നും വെള്ളപ്പൊക്ക ഭീഷണി നേരിടുന്ന നതർലൻ്റിലെ ചില പ്രവിശ്യകൾ 1953 ലെ വെള്ളപ്പൊക്കത്തിൽ മുങ്ങി എന്നു തന്നെ പറയാം. അന്ന് 'ആയിരത്തി എണ്ണൂറിലധികം പേരാണ് മരിച്ചത്. ഇനി ഇങ്ങിനെ ഒരു ദുരന്തം ഉണ്ടാകരുത്. സമുദ്ര ദേവനെ തടയണം.അതിന് അവർ വികസിപ്പിച്ചെടുത്ത കൈകൾ ആണ് ആ ചലിക്കുന്ന ഭീമൻ തടയിടണകൾ. ചെറിയ രണ്ട് ആർച്ച് ഡാം എന്നു തന്നെ പറയാം. രണ്ടു വശത്തും രണ്ടു ഭീമൻ ലിവറുകളിൽ ബന്ധിച്ചിരിക്കുന്ന ആ രണ്ടു ഭീമൻ ഭിറ്റികൾ അർദ്ധവൃത്താകൃതിയിൽചലിച്ച് ഒന്നിച്ച് സമുദ്രത്തിനു കുറുകെ ഒരു വലിയ ഡാം തന്നെ തീർക്കുന്നു. ആഗോള വ്യാപാര കേന്ദ്രമായ നതർ ലൻ്റിലെ ആ തുറമുഖത്തിൽ കപ്പൽ വരുന്നതിനും പോകുന്നതിനും തടസമില്ലാതെ ആണ് ആ ഭീമാകാരമായ ചലിക്കുന്ന കൈകൾ നിർമ്മിച്ചിരിക്കുന്നത്. ഇത്തരത്തിലുള്ള ലോകത്തു തന്നെ ഏറ്റവും വലുതാണ്. ഇരുനൂറ്റി പ ത്ത് മീററർ വീതി. ഇരുപത്തിരണ്ടു മീററർ ഉയരം പതിനഞ്ചു മീറ്റർ ആഴം ഉള്ള ആ കൈകൾ കറങ്ങുന്നത് രണ്ടു ബ്രഹ്മാണ്ഡൻ ലിവറുകളിലാണ്. അതിന് ഫ്രാൻസിലെ ഈഫൽ ഗോപുരത്തേക്കാൾ പൊക്കമുണ്ട്. വേലിയേറ്റവും വെള്ളപ്പൊക്കവും വന്ന് ജലനിരപ്പുയരുമ്പോൾ ഇത് താനേ തിരിഞ്ഞ് ഒരു വൻമതിൽ തന്നെ സൃഷ്ട്ടിക്കുന്നു. അവിടെ ഇതിൻ്റെ സാങ്കേതികവിദ്യ വിവരിക്കുന്ന ഒരു മ്യൂസിയം ഉണ്ട്. അവിടെ ഒരു മിനി തീയേറ്ററിൽ അര മണിക്കൂർ ദൈർഘ്യമുള്ള ഒരു ഡോക്കുമെൻ്ററി ഉണ്ട്. അതു കണ്ടു കഴിയുമ്പഴാണ് ആ സാങ്കേതിക വിദ്യയുടെ പൊരുൾ പൂർണ്ണമായും മനസിലായത്.പിന്നെ ആ മ്യൂസിയം നടന്നു കാണാം.ഒത്തിരി അറിവ് പകർന്നു തരുന്ന പ്രദർശനം. അവസാനം നമ്മൾ ഒരു വലിയ ലോബിയിലാണെത്തന്നത്.വശങ്ങളിലുള്ള ഗ്ലാസിലൂടെ അത് നമുക്ക് നേരിട്ട് കണ്ടാസ്വദിക്കാം. അവിടെയുള്ള ചൂരലുകൊണ്ടുള്ള ഒരു ഊഞ്ഞാലിൽ ഇരുന്ന് അവരുടെ ആഹാരവും കഴിച്ച് വിശ്രമിക്കാം. പുറത്തിറങ്ങിയാൽ അവിടെ ഒരു കുന്നുണ്ട്. അനേകം പടികൾ ചവിട്ടിക്കയറി മുകളിലെത്തിയാൽ ഈ ദൈവത്തിൻ്റെ കൈകളുടെ ഒരാകാശക്കാഴ്ച്ച നമുക്ക് കാണാം. അവിടുന്ന് കറങ്ങിത്തിരിഞ്ഞ് സമുദ്രതീരത്തുകൂടി അരയന്നങ്ങളോട് ചങ്ങാത്തം കൂടി അങ്ങിനെ നടക്കാം. മനോഹരമായ ഒരു വാൾപേപ്പർ പോലെയുള്ള ആ കാഴ്ചാനുഭവം ഒരു പടുകൂറ്റൻ കപ്പലിൻ്റെ വരവോടെ പൂർണ്ണമായി. ഇവിടുത്തെ വൃത്തിയും വെടിപ്പുമാണ് അഭിനന്ദിക്കപ്പെടേണ്ടതു്. ഈ കാഴ്ച്ചകളൊക്കെ നതർലൻ്റിന് മാത്രം സ്വന്തം.

Sunday, June 30, 2024

OPC W - രാസായുധ നിമ്മാർജ്ഞനത്തിനുള്ള ഒരു യുഎൻ സംഘടന [ യൂറോപ്പിൻ്റെ ഹൃദയ നാളങ്ങളിലൂടെ - 70] ഹേഗിലെ രാജപാതയിലൂടെ സഞ്ചരിക്കുമ്പോൾ എല്ലാ രാജ്യങ്ങളുടെയും പതാകകൾ പാറിക്കളിക്കുന്ന ഒരു സ്ഥലത്തെത്തുന്നു. അതിൻ്റെ വലത്തുഭാഗത്ത്‌വൃത്താകൃതിയിലുള്ള പ്രൗഡഗംഭീരമായ ഒരു മന്ദിരം കാണാം. ഐക്യരാഷ്ടസഭയുടെ ഒരനുബന്ധ സംഘടനയുടെ ആസ്ഥാനം."ഓർഗനൈസേഷൻ ഫോർ ദി പ്രൊഹിബിഷൻ ഓഫ് കെമിക്കൽ വെപ്പൺ സ്. "ലോകം മുഴുവൻ രാസായുധങ്ങൾ ഉൻമൂലനം ചെയ്യുന്നതിന് മേൽനോട്ടം വഹിക്കുന്ന ഒരു സംഘടന .നൂറ്റി തൊണ്ണൂറ്റി മൂന്ന് രാജ്യങ്ങൾ ഇതിൽ അംഗങ്ങൾ ആണ്.ഇസ്റായേൽ ഉൾപ്പെടെ വിരലിലെണ്ണാവുന്ന കുറച്ചു രാജ്യങ്ങളെ പുറത്തുള്ളു. ആയിരത്താതൊള്ളായിരത്തി തൊണ്ണൂറ്റി ഏഴിൽ രൂപീകൃതമായ ഈ സംഘടന ലോകസമാധാനത്തിന് ചെറുതല്ലാത്ത സംഭാവനകൾ ചെയ്തിട്ടുണ്ട്. അവിടെയാണ് വരുൺ ജോലി ചെയ്യുന്നത്. മുൻകൂട്ടി അനുവാദം വാങ്ങി പാസ്പ്പോർട്ട് സെക്യൂരിററി തലവനെ ഏർപ്പിച്ചാൽ ഒരു എൻ ഡ്രി കാർഡ് ലഭിക്കും.കയ്യിലുള്ള ബാഗും നമ്മളേ ത്തന്നേയും സ്ക്കാൻ ചെയ്‌തേ അകത്തേക്ക് പ്രവേശിപ്പിക്കൂ. ആദ്യമായി ഒരു വലിയ ലോബിയിലേക്കാണ് കാലെടുത്തു വയ്ക്കൂന്നത്. അവിടെ ഭിത്തിയിൽopc wവിൻ്റെ പ്രസിദ്ധമായ എബ്ളം ആലേപനം ചെയ്തിട്ടുണ്ട്. അതിനു താഴെ ചെറിയ മനോഹരമായ ഒരു വേദി .രണ്ടു വശങ്ങളിലും നൂറ്റി തൊണ്ണൂറ്റി മൂന്നു രാജ്യങ്ങളുടെയും പതാക പാറിക്കളിക്കുന്നുണ്ട്. ഫോട്ടോ എടുക്കാൻ അനുവാദം വാങ്ങിയിരുന്നു. ആ എംബ്ലത്തിൻ്റെ മുമ്പിൽ നിന്ന് ഒരു ഫോട്ടോ എടുത്തു. പിന്നെ നമ്മുടെ ഭാരതത്തിൻ്റെ പതാകയ്ക്കു് മുമ്പിൽ നിന്നും .അവിടുന്ന് അകത്തു കടക്കാൻ വീണ്ടും സെക്യൂരിറ്ററി ചെക്കിഗിന് വിധേയമാകണം. പിന്നെ ഒരു വലിയ സാമ്രാജ്യത്തിലേക്കാണ് പ്രവേശനം: ഒരു വലിയ അന്താരാഷ്ട്ര സംഘടനക്ക് വേണ്ടതെല്ലാo അവിടെ കാണാം. അവിടത്തെ ഭിത്തിയിൽ അലങ്കരിച്ച് ഒരു വലിയ അവാർഡ് പ്രദർശിപ്പിച്ചിട്ടുണ്ട്. 2013 ലെ ലോകസമാധാനത്തിനുള്ള നോബൽ സമ്മാനം ഈ സംഘടനയ്ക്കായിരുന്നു. അതിൻ്റെ എല്ലാ അന്തസോടും കൂടി അവിടെ അലങ്കരിച്ച് അത് സ്ഥാപിച്ചിരിക്കുന്നു .അതിവിശാലമായ കഫേ .ജിം, പൂന്തോട്ടം എല്ലാം അവിടെ കാണാം. അവിടുന്നു ഒരു വലിയ ഹാളിലേക്കാണ് നമ്മൾ കയറുന്നത്. അവിടെ ഒരു ഉയർന്ന മനോഹര വേദി. അവിടെ ഭാരവാഹികൾക്ക് ഉള്ളതാണ്. മുൻവശം അർത്ഥ വൃത്താകൃതിയിൽ കസേരകൾ.അതിനു മുമ്പിൽ മൈക്കും ഒരോ ടാബും. അവിടെ സംസാരിക്കുന്നത് ഒരോ രാജ്യക്കാരുടെയും ഭാഷയിൽ അവർക്ക് കേൾക്കാൻ കഴിയും.ലോകസമാധാനത്തിനുള്ള പല പ്രധാന തീരുമാനങ്ങളും ഉരുത്തിരിഞ്ഞത് ഇവിടെയാണ്. അവിടുന്ന് മുകളിലേയ്ക്ക് കയറിയാൽ അവിടെ ആണ് മോൻ്റെ ക്യാമ്പിൻ .അവൻ്റെ ബോസ് സുമിത്തിനെ എനിക്കറിയാം. അദ്ദേഹം നമ്മളെ സ്വീകരിച്ചു. അവൻ്റെ സീറ്റിൽത്തന്നെ പിടിച്ചിരുത്തി. അവിടുത്തെ നെറ്റ് വർക്കിൻ്റെ സിരാകേന്ദ്രമാണവിടം. മൊന് ഇതൊരു ഭാഗ്യമാണ്. അവനവിടെ ജോലി കിട്ടിയപ്പോൾ " ഇത് വെറും ഒരു ഐറ്റി ജോലി അല്ല. അതിലൊക്കെ മേലേ ഉദാത്തമായ ലക്ഷ്യത്തോടെ ലോകസമാധാനത്തിന് വലിയ പങ്കുവഹിക്കുന്ന ഒരു ഉത്തരവാദപ്പെട്ട സംഘടനയിലാണ് നിനക്കീ ഭാഗ്യം വന്നത്. അതിൻ്റെ അന്തസും കാഴ്ച്ചപ്പാടും പൂർണ്ണമായും ഉൾക്കൊണ്ടു വേണം അവിടെ ജോലി ചെയ്യാൻ " എന്നു ഞാൻ പറഞ്ഞതാണ്. അവനതു ശരിക്കും ഉൾക്കൊണ്ടിട്ടുണ്ട് എന്നെനിക്കു മനസിലായി.അവൻ്റെ ഒരോ ചലനത്തിലും ഞാനതു ശ്രദ്ധിച്ചു. എല്ലാവരോടും നന്ദി പറഞ്ഞ് പുറത്തിറങ്ങിയപ്പോൾ ലോകം മുഴുവൻ സന്ദർശിച്ച ഒരു പ്രതീതിയാണെനിക്കുണ്ടായത്..

Friday, June 28, 2024

മാരീ ടൈം ബീച്ച് കോമ്പേഴ്സ് മ്യൂസിയം [ യൂറോപ്പിൻ്റെ ഹൃദയ നാളിയിലൂടെ - 67] ടെസ്റ്റൽ എന്ന ദ്വീപിലെ കാഴ്ച്ചകൾക്കവ സാനമില്ല. യാത്രക്കിടയിൽ അവിചാരിതമായാണ് ആ മ്യൂസിയത്തിൻ്റെ ബോർഡ് ശ്രദ്ധിച്ചത്.ദൂരെ നിന്നു നോക്കയപ്പോൾ നാട്ടിലെ ഒരു വലിയ ആക്രിക്കട ആയാണ് തോന്നിയത്.സമുദ്രയാനങ്ങളുടെ ഒരു ശവപ്പറമ്പ്. പഴയ കാല കപ്പലുകളുടെ എല്ലാ ഭാഗവും എന്തിന് ഒരു തകർന്ന കപ്പൽ പൂർണ്ണമായും അവിടെ പ്രദർശിപ്പിച്ചിരിക്കുന്നു. അത് മനോഹരമായി കോർത്തിണക്കി ഒരോ പവലിയനിലായി അതിൻ്റെ ചരിത്രം രേഖപ്പെടുത്തി പ്രദർശിപ്പിച്ചത് കണ്ടപ്പോൾ അവരോടുള്ള ആദരവ് കൂടി .അതൊരു ചരിത്ര മ്യൂസിയമായി രൂപാന്തിരം പ്രാപിച്ചത് അൽഭുതപ്പെടുത്തി. പണ്ട് കപ്പൽ സഞ്ചാരികളുടെ ഒരു പറുദീസ ആയിരുന്നു ഈ ദ്വീപ്. കച്ചവടക്കപ്പലുകൾ ഇവിടെ നങ്കൂരമിട്ടാണ് യൂറോപ്പിൻ്റെ പല ഭാഗത്തും ചരക്കുകൾവിതരണം ചെയ്തിരുന്നത്.പണ്ടു മുതലുള്ള ആ വിളക്ക് മാടം അന്നവർക്ക് തുണ ആയി.അപകടകാരികളായ സമുദ്രജീവികളോടും പ്രവചനാതീതമായ കാലാവസ്ഥ യോടും മല്ലടിച്ചാണന്നവർ ഇവിടെ വന്നിരുന്നത്.പലകപ്പലുകളും ഇവിടെ തകർന്നിട്ടുണ്ട്. പുറംകടലിൽ തകർന്ന കപ്പലുകൾ പിൽക്കാലത്ത് തീരത്തടിഞ്ഞിട്ടുണ്ട്. അതൊക്കെപ്പറുക്കിക്കൂട്ടി അതിൻ്റെ ഭൂതകാലം രേഖപ്പെടുത്തി അതൊരു മ്യൂസിയമാക്കിയ ഭാവന ഗംഭീരം എന്നേ പറയേണ്ടു.ഇവിടത്തെ മണ്ണിൽ നിന്നും തകർന്നതും ഉപേക്ഷിക്കപ്പെട്ടതുമായ അനേകം കപ്പലുകളുടെ അവശിഷ്ട്ടങ്ങൾ അവർ കുഴിച്ചെടുത്തിട്ടുണ്ട്. രണ്ടു രണ്ടര മണിക്കൂർ കണ്ടാസ്വദിക്കാനുണ്ടിവിടെ. ചരിത്ര വിദ്യാർത്ഥികൾക്കിതൊരു പാഠപുസ്തകമാണിത് മറൈയിൻ ടെക്കനോളജി ഇഷ്ടപ്പെടുന്നവർക്കുള്ള ഒരു സർവ്വവിജ്ഞാനകോശവും പല പവലിയനിലും ഇനം തിരിച്ച് കപ്പലുകളും ബോട്ടുകളും അന്നുപയോഗിച്ച ഉപകരണങ്ങളും വ്യക്തമായ കുറിപ്പോടെ പ്രദർശിപ്പിച്ചിട്ടുണ്ട്. ഒരോന്നിനോടും ചേർന്ന് ഒരോ മിനി തിയേറ്റർ ഉണ്ട്. അവിടെ മുഴുവൻ സമയവും സ്ക്രീനിൽ ഇവയുടെ വിവരങ്ങൾ വിശദീകരിക്കുന്നതും നമുക്ക് കാണാം. പണ്ട് സന്ദേശം അയക്കാനുപയോഗിച്ച മോഴ്സ് ക്കോഡ് കൗതുകമുണർത്തി. മൈതാനമദ്ധ്യത്ത് ഒരു കപ്പലിൻ്റെ മുകൾ ഭാഗം കാണാം.ഗോവണി കയറി ആദ്യ നിലയിൽ ഒരുലൻസിൽക്കൂടി അതിനകത്തള്ള ഒരു വലിയ കപ്പലിൻ്റെ വീഡിയോ കാണാം. അവിടുന്നു മുകളിൽ കയറിയാൽ രണ്ടു ക്യാപ്റ്റൻ മാർ കപ്പൽ നിയന്ത്രിക്കുന്നത് കാണാം. അവരുടെ അടുത്തു നിന്ന് ഫോട്ടോ എടുക്കാം. പുറത്ത് മൈതാനത്ത് പല തരം കപ്പലുകളുടെ അവശിഷ്ടങ്ങൾ ഉണ്ട്.. പലതിലും അകത്തു കയറാം.ഒരു ഭീമൻ കപ്പലിൻ്റെ പ്രൊപ്പല്ലർ അവിടെ പ്രദർശിപ്പിച്ചിട്ടുണ്ട്.ഭീമാകാരമായ അതു തുരുമ്പെടുത്തിട്ടുണ്ട്. പുറത്ത് ഒരു ചെറിയ കുടിലിൽ പരമ്പരാഗത വസ്ത്രം ധരിച്ച ഒരു ഡച്ചു സുന്ദരിയെക്കാണാം. പുറത്ത് കുട്ടികൾക്ക് വിശാലമായ പാർക്കുണ്ട്.അതു പോലെ ഒരു നല്ല കഫെയും. അധികവുo സമൂദ്രവിഭവങ്ങൾ. പിന്നെ അവരുടെ തനതു ബിയറും. പരമ്പരാഗത സാധനങ്ങൾ വിൽക്കുന്ന സ്റ്റാളിൽ കൂടിപ്പുറത്തിറങ്ങി. ലോകത്തെ ആദ്യത്തെയും വലുതുമായ ഈ ചരിത്ര മ്യൂസിയം എൻ്റെ യാത്രയിലെ ഒരു ബോണസ് ആയിരുന്നു.

Thursday, June 27, 2024

ടെസ്റ്റലിലേക്കുള്ള ക്രൂയിസ് യാത്ര ഒരനുഭവം [ യൂറോപ്പിൻ്റെ ഹൃദയ നാളിയിലൂടെ - 65] ടെസ്റ്റൽ ദ്വീപിലേക്കുള്ള ക്രൂയിസ് യാത്ര ഒരനുഭവമാണ്. ഏതാണ്ട് അര മണിക്കൂർ ദൈർഖ്യമേയുള്ളു യാത്രക്ക്. പക്ഷെ അതിൻ്റെ ആസ്വാദ്യത ഒന്നു വേറെയാണ്. നമ്മുടെ കാറും അതിൽ കൊണ്ടു പോകാം. ഫെറി ഒരു വലിയ കപ്പൽ തന്നെ. മുപ്പത്തിനാലു മീററർ നീളം ഒമ്പതു മീറററിൽ താഴെ വീതി.. 1904 മുതൽ ടെസ്സോഫെറാ സേവനo ലഭ്യമാണ്. ലാഭേഛയില്ലാത്ത ഈ സംവിധാനം പൊതുജന പങ്കാളിത്തത്തോടെ ആണ് നടത്തുന്നത് ആയിരത്തി എഴുനൂററി അമ്പത് യാത്രക്കാർക്കും മണ്ണൂററി എമ്പതോളം കാറുകൾക്കും ഈ ഭീമൻ ഫെറിയിൽ ഇടമുണ്ട്. ഫെറിയിലേയ്ക്ക് കാറുകൾ ഓടിച്ചു കയറ്റി പാർക്കു ചെയ്യാം. അവിടുന്ന് ഒരു ഗോവണി യിലൂടെ വിസിറ്റേഴ്സ്റൂമിലേക്ക് കയറാം. വിശാലമായ ഒരു ഹാൾ. മനോഹരമായ ഇരിപ്പിടം': അത്യാവശ്യം ആഹാരവും മദ്യവും കിട്ടും. കാറ്റിൻ്റെ ശല്യമില്ലാതെ നമുക്ക് യാത്ര ചെയ്യാം.അല്ലങ്കിൽ മുമ്പിലുള്ള ഡക്കിലേക്ക് കയറിയാൽ മതി.മുമ്പിലെ കമ്പിയിൽ പ്പിടിച്ച് കാഴ്ച്ചകൾ കാണാം. ടൈറ്റാനിക്കിലെ നായികാ നായകന്മാരെപ്പോലെ.നല്ല കാററാണ്. ധാരാളം സീഗൾ പറന്നു നടക്കുന്നുണ്ട്. അപൂർവ്വം കടൽ കാക്കകളും '. നല്ല തിരയിൽ വെള്ളം തെറിക്കും. ആഹാരസാധനങ്ങൾ ചിലർ എറിഞ്ഞു കൊടുത്തപ്പോൾ അവയുടെ എണ്ണം കൂടി.അവർ ആ കാശത്തിൽ നിന്നു തന്നെ ആ ആഹാരം കൃത്യമായി കൊത്തി എടുക്കുന്നത് ഒരു കാഴ്ച്ചയാണ്. ഇത്രയും അധികം പക്ഷികൾ അതിനായി ശ്രമിക്കുമ്പോൾ അവ തമ്മിൽ ഒരു കലഹം കാണുന്നില്ല എന്നുള്ളത് അൽഭുതമായിത്തോന്നി. സത്യത്തിൽ ഇവരുടെ കളികൾ കണ്ട് ചുറ്റുപാടുകൾ കാണാൻ മറന്നു. ക്രൂയിസ് തീരത്തോടുക്കുന്നു.ഇത് ഡബിൾ എൻ ൻ്റ് ഫെറി ആയതു കൊണ്ട് നേരേ ഓടിച്ച് ദ്വീപിലേക്ക് കയറി. നിരനിര ആയി അതിൽ നിന്ന് കാറുകൾ ഇറങ്ങി വരുന്നത് ഒരു കാഴ്ച്ചതന്നെ.

ടെക്സൽ ഒരു അൽഭുതദ്വീപ്.[ യൂറോപ്പിൻ്റെ ഹൃദയനാളിയിലൂടെ - 64] ടെക്സൽ പിൽക്കാലത്ത് രൂപപ്പെട്ടു വന്ന ഒരു " വാടൻഐലൻ്റാ "ണ്. ഇത്തരത്തിൽ രൂപപ്പെട്ട ഈ ഫ്രീസിയർ ദ്വീപ് ഇത്തരത്തിൽ രൂപപ്പെട്ടവയിൽ ഏറ്റവും വലുതാണ്. പ്രകൃതിയുടെ നിരന്തരമായ താഡനം ഏറ്റ് സമുദ്രത്തിൽ രൂപപ്പെട്ടതാണിത്.പണ്ട് പാലാഴിക Sഞ്ഞപ്പോൾ കിട്ടിയ പോലെ ഒരു മനോഹര ദ്വീപ് ഉയർന്നു വന്നതാണ്ടന്നു പറയാo: ഈ സമുദ്രത്തിലെ ജൈവസമ്പത്ത് മുഴുവൻ സമാഹരിച്ച് വരുണ ദേവൻ സമ്മാനിച്ച ഒരമൂല്യ സമ്പത്ത്.ഇവിടെ മററു തീരപ്രദേശങ്ങളേക്കാൾ കളിമണ്ണിൻ്റെയും കരിങ്കല്ലിൻ്റെയും അളവ് കൂടുതൽ ഉണ്ടിവിടെ. അതാണ് ഇത്ര ഫലഭൂയിഷ്ടമായി ഈ ഭൂമി മാറിയത്. ആയിരത്തി ഒരു നൂറ റി എഴുപതിലെ ഒരു വലിയ വെള്ളപ്പൊക്കത്തിൽ ഈ പ്രദേശം മുഴുവൻ വെള്ളത്തിനടിയിലായതാണ്. ഇന്നിവിടെ ഏഴു ഗ്രാമങ്ങളാണുള്ളത്. ഇരുപത്തി അഞ്ചു കിലോമീറ്റർ നീളവും ഒമ്പത് കിലോമീറ്റർ വീതിയുമുള്ള ഈ ചെറിയ ദ്വീപിൻ്റെ ജൈവസമ്പത്ത് നമ്മെ അൽഭുതപ്പെടുത്തും.യൂണസ് ക്കൊയുടെ പൈതൃക പട്ടികയിൽ ഇടം പിടിച്ച ഇവിടെ നാൽപ്പത് പ്രകൃതിസംരക്ഷണ കേന്ദ്രങ്ങൾ ഉണ്ട്. ഗോട്ട്ഫാമും, കൃഷിയും, ബ്രൂവറിയും ഇവിടുത്തെ സമ്പത്താണ്. ഈ ദ്വീപിൻ്റെ പകുതിയിൽ താഴെ വ്യാപിച്ചുകിടക്കുന്ന "ഡൂൺ ഓഫ് നാഷണൽ പാർക്ക് "പ്രകൃ സംരക്ഷണത്തിനുള്ള ഇവരുടെ മുൻ കൈ വിളിച്ചോതുന്നതാണ് ഈ മരതക ദ്വീപിൽ താമസിച്ച്, പ്രകൃതി ഭംഗി ആസ്വദിച്ച് ഇവരുടെ തനതായ ബിയറും രുചിച്ച്, ജലവിഭവങ്ങൾ കഴിച്ച് അങ്ങിനെ അല്ലലില്ലാതെ കൂടാൻ മോഹം തോന്നി. നല്ല ഫൈവ് സ്റ്റാർ റിസോർട്ടു മുതൽ നാടൻ ഹോം സ്റ്റെവരെ ഇവിടെ സുലഭം. കാലങ്ങളായി എക്കൽ അടിഞ്ഞ് രൂപപ്പെട്ട ഈ ദ്വീപിലെ മണ്ണ് ഫലഭൂയിഷ്ട്ടമാണ്. അവിടുത്തെ വിളക്കുമാടവും, പ്രസിദ്ധമായ ബീച്ചുകളും, അത്യന്താധുനിക ബീച്ച് റിസോർട്ടുകളും, അഗ്രികൾച്ചറൽ ഫാമുകളും - സീൽ മ്യൂസിയവും എല്ലാം വിസ്ഥരിച്ച് കാണാൻ ഒരു ദിവസം തികയില്ല. വെറും കാഴ്ച്ച കാണൂകയല്ല അത് അനുഭവിക്കുകയാണ് ചെയ്യേണ്ടത്.

Tuesday, June 25, 2024

ഗീതൂർണ് - ഡച്ചിലെ വെനീസ് [ യൂറോപ്പിൻ്റെ ഹൃദയ നാളിയിലൂടെ - 62] റോഡുകൾ ഇല്ലാത്ത ഒരു ഗ്രാമം. ഒരു ഗ്രാമം മുഴുവൻ തലങ്ങും വിലങ്ങും കനാലുകൾ'. അതെല്ലാം വിശാലമായ ഒരു തടാകവുമായി ബന്ധിച്ചിരിക്കുന്നു. കനാലിൻ്റെ വശത്തുകൂടി ചെറിയ വീതി കുറഞ്ഞ വഴികൾ. സൈക്കിൾ യാത്രക്കാർ ക്കും കാൽനടയാത്രക്കാർക്കും വേണ്ടി. പാതയോരം മുഴുവൻ പരമ്പരാഗത പുൽ മേഞ്ഞ വീടുകൾ.ഫാം ഹൗസുകൾ, ചെറിയ ചെറിയ ഭക്ഷണശാലകൾ.അതു പോലെ കനാലിൻ്റെ മറുവശവും. പലഭാഗത്തായി കനാലിനെ ക്രോസ് ചെയ്ത നൂറ്റി എമ്പത്തിനാലോളം തടിപ്പാലങ്ങൾ .അടിയിൽ കൂടി ബോട്ട് പോകാൻ പാകത്തിന് ഉയർന്നതാണ് ഈ പാലങ്ങൾ. കാറ് പാർക്ക് ചെയ്യാൻ ആരംഭത്തിൽത്തന്നെ ഒത്തിരി കാർപാർക്കുകൾ ഉണ്ട്. അവിടെ നല്ല ഹോട്ടലുകളും കാണാം. ആദ്യ പാർക്കിൽ തന്നെ കയറി. അവിടെ തൊണ്ണൂററി അഞ്ച് വയസായ ഒരു സുന്ദരി ഇരിപ്പുണ്ട്. അവിടെ പാർക്കിഗ് ഫീസ് അടയ്ക്കണം. അവരുടെ ബോട്ട് എടുത്താൽ ഈ ഫീസ് തിരിച്ചു തരും.. ഈ ജല ഗ്രാമം ഹരിതാഭമാണ്. ഗ്രാമീണ ഭംഗി മുറ്റിനിൽക്കുന്ന അന്തരീക്ഷം. ഈ കനാൽ തീരത്തുകൂടി ഇങ്ങിനെ നടക്കാം. താറാവിൻ്റെയും മറ്റു പക്ഷികളുടേയും ശബ്ദം മാത്രം. തൂവെള്ള അരയന്നങ്ങളുടെ ലാസ്യഭംഗി. വഴിവക്കത്തുള്ള കടയിൽ നിന്ന് ബിയറും മറ്റ് ചെറുകടികളും വാങ്ങി ആ ഗ്രാമഭംഗിയിൽ മുങ്ങി നടക്കാം. സൈക്കിൾ യാത്രക്കാരും ധാരാളം ഉണ്ട്. ആ കനാലിൽ നിരനിര ആയി ബോട്ടുകൾ കാണാം. പലതരത്തിലുള്ള ബോട്ടുകൾ സ്വന്തമായി ഓടിയ്ക്കുന്നവയാണധികവും. കൺ ണ്ടക്ക് റ്റഡ് ക്രൂയിസുകളും ഉണ്ട്. വലിയ ബോട്ട്. അതിൽ ബോട്ടിൻ്റെ ക്യാപ്റ്റനും ഗൈഡും കാണും. സ്വന്തമായി ഒരു ബോട്ട് എടുക്കാം. പത്തൊമ്പതാം നൂറ്റാണ്ടിൽ നടന്ന ഒരു വലിയ വെള്ളപ്പൊക്കത്തിൽ ആ നാടു മുഴുവൻ വെള്ളത്തിൽ മുങ്ങി. അവരുടെ ആയിരക്കണക്കിന് ആടുകൾ ചതുപ്പിൽ മുങ്ങിച്ചത്തു. പിൽക്കാലത്ത് അവിടം പഴയ രീതിയിലാക്കാനുള്ള ശ്രമത്തിനിടെ അവിടെ ഈ ആടുകളുടെ അനേകംകൊമ്പുകൾ ആണ് കാട്ടിയത്. അതുകൊണ്ടാണത്രേ ഈ ഗ്രാമത്തിന് ഗോട്ട്ത്രോൺ എന്നു പേരു വന്നത്. നടന്നു നടന്നു അങ്ങിനെ ആ ഗ്രാമത്തിൻ്റെ അങ്ങേത്തലയ്ക്കൽ എത്തി. അവിടുന്ന് ബോട്ട് എടുത്ത് തിരിച്ചു പോരാം. അടുത്തത് സാഹസികമായ ആ ബോട്ട് യാത്ര.

Monday, June 24, 2024

ഹേഗിലെ പനോരമമെസ് ഡാഗ് മ്യൂസിയം [ യൂറോപ്പിൻ്റെ ഹൃദയ നാളിയിലൂടെ - 61] ഹേഗിലെ മനോഹരമായ ഒരു ആർട്ട് മ്യൂസിയമാണിത്.ചിത്രകാരന്മാരുടെ നാടാണ് നതർലൻ്റ് എന്നു തോന്നിയിട്ടുണ്ട്. ലോക പ്രസിദ്ധമായ പെയിൻ്റിഗുകൾ വലിയ ഫെയിം ചെയ്തു ഭിത്തിയിൽ പ്രദർശിപ്പിച്ചിട്ടുണ്ട്. അതിൻ്റെ ഒരോ മുറിയും ഈ അമൂല്യമായ പെയ്ൻ്റി ഗിൻ്റെ ഒരോ ഗ്യാലറി ആണ്. അത്ര ഭംഗിയായാണ് അത് പ്രദർശിപ്പിച്ചിരിക്കുന്നത് 'ഇതൊന്നുമല്ല എന്നേ അമ്പരിപ്പിച്ചത്., ഹെൻസിക്ക് വില്യം മെസ് ഡാമിൻ്റെ പനോര മിക്ക് പെയ്ൻ്റി ഗ് ആണ്. മ്യൂസിയത്തിൻ്റെ പ്രധാന മുറിയിൽ നിന്ന് വളഞ്ഞ ഒരു ഗോവണിയുണ്ട്. ആ ഗോവണി കയറി മുകളിൽ വൃത്തത്തിലുള്ള ഒരു പവലിയനിൽ എത്താം. അതിൻ്റെ ചുറ്റും മുട്ടോളം പൊക്കത്തിൽഗ്രില്ലിട്ടിട്ടുണ്ട്. അവിടുന്നു ചുറ്റും മുള്ള കാഴ്ചയാണ് നമ്മളെ ഞട്ടിയ്ക്കുന്നത്.ആ പവലിയനു ചുറ്റും ദൂരെ മു ണ്ണൂറ്റി അറുപത് ഡിഗ്രിയിൽ വിശാലമായ ഒരു പെയ്ൻ്റി ഗ് കാണാം. പതിനാലു മീറ്റർ ഉയരവും നൂറ്റി ഇരുപതു മീററർ ചുറ്റളവും ഉള്ള ഒരു വലിയ പെയ്ൻ്റി ഗ്' പരമ്പരാഗത ഗ്രാമവും , നെതർലൻ്റിൻ്റെ വടക്കൻ കടൽ, മണൽ കൂനകൾ, കടൽ തീരം, മത്സ്യത്തൊഴിലാളികൾ, അവരുടെ ഉപകരണങ്ങൾ എല്ലാം ഒരു ക്യാൻവാസിൽ മു ണ്ണൂറ്റി അറുപത് ഡിഗ്രിയിൽ നമുക്ക് കാണാം. നടുക്ക് നിന്ന് ചുറ്റും കാണുന്ന പോലെയാണ് ആ പെയിൻ്റിഗ്‌ ആ മണൽപ്പുറത്ത് സൈനിക പരിശീലനം നടത്തുന്ന കുതിരപ്പടയാളികളേയും കാണാം. ഒരാകാശം മുഴുവൻ ക്യാൻവാസാക്കിയ പോലെ. അവിടെ ഒരു മൂലക്ക് ചിത്രകാരൻ്റെ ഭാര്യയേയും വരച്ചു വച്ചിട്ടുണ്ട്. ത്രിമാന ഭാവമുള്ള ഈ പെയിൻ്റിഗിൻ്റെ മുകളറ്റം പവലിയൻ്റെ റൂഫ് തള്ളി നിൽക്കുന്നതു കൊണ്ട് കാണില്ല. നിലത്തുള്ള മണൽതിട്ടയുടെ ബാക്കി ആയാണ് ആ പെയിൻ്റിഗ് അനുഭവപ്പെടുക സ്ക്കേ വനിഗൻ ബീച്ചും ഹേഗിലെ പരമ്പരാഗതമായ പ്രദേശവും എങ്ങിനെ ഇത്ര വലിയ ഒരു ക്യാൻവാസിൽ , അൽഭുതം തോന്നും സിലിണ്ടറിയ്ക്കൽ ക്യാൻവാസ് ഇതിൻ്റെ മദ്ധ്യത്തിലുള്ള ഒരു ഗ്ലാസ് സിലിണ്ടറിൽ വരച്ച് ആ വലിയ പനോരമിക്ക് പെയിൻ്റ് പ്രോജക്റ്റ് ചെയ്ത് ചുറ്റുമുള്ള ഒരു വലിയ വൃത്തത്തിൽ പതിപ്പിച്ച രീതിയിലാണ് അതിൻ്റെ കാഴ്ച്ച.ഇതൊരു വലിയ അനുഭവമാണ്.'ബൈനാക്കുലർ വച്ച് നോക്കുമ്പോൾ അതിൻ്റെ അതിസൂഷ്മമായ തലങ്ങളുടെ പോലും കൃത്യത നമ്മേ അൽഭുതപ്പെടുത്തും. അവിടെ അങ്ങിനെ ആസ്വദിയ്ക്കാൻ ബൈനാകുലർ വച്ചിട്ടുണ്ട്. ആ വിശ്വ പ്രസിദ്ധപെയിൻ്റിഗിൻ്റെ ചെറിയ വിശദാംശങ്ങൾ കാണുമ്പഴാണ് അതിൻ്റെ മനോഹാരിത നമുക്ക് കൂടുതൽ ഹൃദ്യമാകുന്നത് '

മദ്രാസ് ഡയറീസിലെ പഴയിടം രുചി. [ യൂറോപ്പിൻ്റെ ഹൃദയ നാളിയിലൂടെ - 60] ദേഹാർ കൊട്ടാരത്തിലേയും ഉദ്യാനത്തിലേയും മനം മയക്കുന്ന കാർഴ്ച്ചകൾ കണ്ട് സമയം പോയതറിഞ്ഞില്ല. വിശപ്പും ദാഹവും അറിഞ്ഞില്ല. അഞ്ചു മണിക്കൂർ.! പുറത്തിറങ്ങി. നല്ല വിശപ്പുണ്ട്. ആനയെ ത്തിന്നാനുള്ള വിശപ്പ്!ബർഗ്ഗറും, പിസ്സയും, പാസ്തയും പോരാ.നല്ല നാടൻ സസ്യാഹാരം തന്നെ വേണം. ഗൂഗിളിൻ്റെ സഹായത്താൽ ഉട്രക്ററിൽ തന്നെയുള്ള മദ്രാസ് ഡയറിയുടെ മുന്നിലെത്തി.കോട്ട് മുന്നിൽ തൂക്കി അകത്തു കടന്നു.വലത്ത് വശത്ത് ഒരു ഗണേശ വിഗ്രഹം ഉണ്ട്.വിശപ്പിൻ്റെ പ്രതീകമായി. നല്ല ചന്ദനത്തിരിയുടെ ഗന്ധം.നിലവിളക്ക് കൊളുത്തിയിരിക്കുന്നു. അകത്തു കടന്നു. നല്ല വൃത്തിയും വെടിപ്പുമുള്ള ഒരു ചെറിയ റസ്റ്റോറൻ്റ്. ഉറക്കെ തമിൾ പാട്ട് വച്ചിട്ടുണ്ട്. ഇടക്കിടെ മലയാളം പാട്ടും. ഒരു തമിഴ് പ്പയ്യൻ ഓടി വന്നു. സൗകര്യമുള്ള ഒരിരിപ്പിടത്തിലേയ്ക്ക് ക്ഷണിച്ചു. ഒരു വലിയ ബുക്ക് കൊണ്ടു വച്ചു. മെനുവാണ്. ഏതു വേണം തീരുമാനിക്കാം. നല്ല സ്പടികഗ്ലാസിൽ ജീരകവെള്ളം കൊണ്ടു വച്ചു. മിനി ഇഡ്ഡലിയുണ്ട്. സാമ്പാറും. ഒരു വലിയ പ്ലെയിറ്റിൽ ഇരുപത് ഇഡ്ഡലിയുണ്ട്. നല്ല ചൂട് സാമ്പാറിൽ കുളിച്ച് .പിന്നെ സാമ്പാർ വട.സാമ്പാറിൻ്റെ ഗൃഹാതുരത്വം ഉണർത്തുന്ന മണം. പിന്നെ ഒരു വലിയ പേപ്പർ റോസ് റ്റും' തത്ക്കാലം അതു മതി. യുദ്ധം തുടങ്ങി.ആർത്തി ആസ്വാദ്യകരമാകുന്നതിവിടെയാണന്നു തോന്നി. അവസാനം ഒരു തൈയിർവട .വയർ നിറഞ്ഞു.ഇനി ഒരു സ്ട്രോ ഗ് ചായ .ഇവിടെ ചായ ക്ക് കടുപ്പം കാണില്ല. പുറത്തു നിന്ന് കടുപ്പമുള്ള ചായവേണമെങ്കിൽ ഇവിടെ വരണം എന്നു തോന്നി. ഇവിടുത്തെ ടിഫിൻ സമ്പാർ പ്രസിദ്ധമാണ്. മദ്രാസി സാമ്പാറിൻ്റെ മണവും രുചിയും മത്ത് പിടിപ്പിച്ചു. പഴയിടം മോഹനൻ നമ്പൂതിരിയുടെ പ്രസിദ്ധമായ സാമ്പാറിൻ്റെ രുചിക്കൊപ്പം നിൽക്കുന്ന രുചി. യുദ്ധം അവസാനിച്ചു. ബില്ല് മൊബൈൽ ഉപയോഗിച്ച് പേചെയ്യുമ്പോൾ വെയിറ്ററുടെ ടിപ്പ് കൂടി അതിൽ ഉൾപ്പെടുത്താം. കൗണ്ടറിലെ ജീരകവും രുചിച്ച് പുറത്തിറങ്ങുമ്പോൾ മനസ്സിനിണങ്ങുന്ന രുചിക്കൂട്ടുകളുടെ രസതന്ത്രം എന്നെ അൽഭുതപ്പെടുത്തി.

Friday, June 21, 2024

പാച്ചുവിൻ്റെ ഫുട്ബോൾ [അച്ചു ഡയറി-568] മുത്തശ്ശാ ഇന്ന് പാച്ചൂന് ഫുട്ബോൾ മത്സരമായിരുന്നു. തോറ്റു തുന്നo പാടി ആണ് വന്നത്. അവൻ ആരേം മൈൻ്റ് ചെയ്യാതെ ബാഗും വലിച്ചെറിഞ്ഞ് സോഫയിൽപ്പോയി ഇരുന്നു.ആള് സങ്കടത്തിലാണ്. പക്ഷേ അവൻ തോൽവിയ്ക്കെന്തെങ്കിലും കാരണം കണ്ടു പിടിക്കും എന്നെനിയ്ക്കറിയാമായിരുന്നു. അവൻ പറഞ്ഞത് തോൽക്കാൻ കാരണം മുത്തശ്ശനാണന്നാണ് .അതായത് ഹാൻ്റ് ബോൾ ഒരുപാട് വന്നു. ചവിട്ടിയാൽ തൊട്ടു തലയിൽ വയ്ക്കണമെന്ന് മുത്തശ്ശനാ പഠിപ്പിച്ചതത്രേ. അവൻ അങ്ങിനെ തൊട്ടു തലയിൽ വച്ചതൊക്കെ ഹാൻ്റ് ബോളായാ ഫൗളായി. എതിരാളികൾക്ക് ഗോളടിയ്ക്കാൻ അവസരമായി. ഈ ന്യായീകരണം കുറച്ചു കടന്നു പോയി മുത്തശ്ശാ. ഇത്രയും പ്രതീക്ഷിച്ചില്ല. അവൻ സീരിയസാണ്.' മുത്തശ്ശന്മാരെ അനുസരിക്കുന്നത് തെറ്റാണോ? അവൻ കുറേക്കൂടിക്കടന്ന് ഒരു പ്രസ്താവന കൂടി നടത്തി"വെറുതേ അല്ല ഇൻഡ്യ ഫുട്ബോളിൽ ഇങ്ങിനെ തോൽക്കുന്നത്. ഇങ്ങിനെ ഉള്ള ആചാരങ്ങൾ പറഞ്ഞു കൊടുത്തിട്ടാണ്. "ദുഷ്ടൻ അവൻ്റെ തോൽവിക്ക് അവൻ കണ്ടെത്തിയ ന്യായം കുറേ കടന്നു പോയി മുത്തശ്ശാ സത്യത്തിൽ അവൻ വരുത്തർച്ച രണ്ട് ഹാൻ്റ്ബോളിൽ നിന്നുള്ള പ്രീ കിക്കാണ് കളിയിൽ തോൽക്കാൻ കാരണം. ഒന്നു പെനാൽറ്റി ഏരിയാ യിൽ ആയിരുന്നു. അവനെ കൂട്ടുകാർ പൊരിച്ചു കാണും. അതിനാണ് ഈ ന്യായീകരണങ്ങൾ അവൻ നിരത്തിയത്. അവനെ എന്തു ചെയ്യണം. മുത്തശ്ശൻ പറയൂ

Thursday, June 20, 2024

വരുണിൻ്റെ ഡച്ച് മോഡൽ വീട് [ യൂറോപ്പിൻ്റെ ഹൃദയ നാളിയിലൂടെ - 57 ] ഡച്ചുടച്ചുള്ള ഒരു വീട്. അതവൻ്റെ സ്വപ്നമായിരുന്നു.അത് ആ ശൈലിയിലുള്ള ഒരപ്പാർട്ട്മെൻ്റിൽ അവനേ എത്തിച്ചു. ഏതാണ്ട് ഒരു മയിൽ നീളത്തിൽ നാലു നിലകളിൽ നീണ്ടു നിവർന്നു കിടക്കുന്ന ഒരപ്പാർട്ട്മെൻ്റ്.ദി ഹേഗിനുള്ളിൽത്തന്നെ. നടുക്കള്ള ഒരു മൈതാനം അതിനിരുവശവും റോഡ് സൈക്കിൾ പാത്ത് ഫുട്പാത്ത്' പിന്നെ അപ്പാർട്ട്മെൻ്റ് .പുറമേ നിന്നു നോക്കുമ്പോൾ ഒരു പോലെ. വീട്ടുനമ്പർ മറന്നാൽ ഇന്നും കണ്ടു പിടിക്കാൻ പറ്റില്ല. ഇതുപോലത്ത ഒരഞ്ചു നിര 'സങ്കൽപ്പിച്ചു നോക്കൂ. ഇഷ്ടികയിലും തടിയിലും തീർത്ത അവരുടെ പരമ്പരാഗതമായ നിർമ്മാണ ശൈലി.ഗോവണി കയറി എത്തുന്നിടത്ത് മൂന്നു കതകുകൾ കാണാം. അതിൻ്റെ വലത്തു വശം പൂട്ടു തുറന്ന് അകത്തു കയറിയാൽ ഷൂസ് വയ്ക്കാനും കോട്ട് തൂക്കാനുമുള്ള സ്ഥലം. അവിടുന്ന് വളഞ്ഞ ഒരു ഗോവണിയാണ്. ഇടുങ്ങിയ ആ ഗോവണി അവരുടെ ഒരു പ്രത്യേക തയാണ് അത് ചെന്നെത്തുന്നത് ഒരു ചെറിയ മുറിയിൽ .വലത്ത വശത്ത് വിശാലമായ ഒരു ഹോൾ: രണ്ടുവശവും ഗ്ലാസിട്ട .മുഴുനീള ജനൽ ' ദീർഘചതുരാകൃതിയിലുള്ള ആ മുറി കെട്ടിടത്തിൻ്റെ മുഴുവൻ വീതിയും എത്തി നിൽക്കുന്നു. അവിടെലിവിഗ് റൂം ' ടി വി.അതിനടിയിൽ തീ കത്തിച്ച് തണുപ്പകറ്റാനുള്ള പഴയ മോഡൽ ചിമ്മിനി .അതിൻ്റെ മറ്റേ അറ്റത്ത് ഡൈനിംഗ് ടേബിൾ' പിന്നെ ഒരു വലിയ പോർട്ടിക്കൊ. അതിനിടത്തു വശത്ത് എല്ലാ ആഡംബര സൗകര്യവുമുള്ള ഓപ്പൺ കിച്ചൻ .അടുപ്പ് ഇലട്രിക്ക് ആണ് . ആദ്യം എത്തിയിടത്തു നിന്ന് വേറൊരു ഇടുങ്ങിയ ഗോവണി' അവിടെ ആ ഹോളിൻ്റെ രണ്ടറ്റത്തും ബഡ്റൂമുകൾ.രണ്ടിനും പോർട്ടിക്കൊ.കുറിയ വശം മുഴുവൻ ഗ്ലാസിട്ട ജനാലകൾ. ആ രണ്ടു കിടപ്പുമുറിയുടെ നടുക്ക് ഒരു വിശാലമായ കുളിമുറി. ആ അത്യാഡംബര കുളിമുറിയിൽ ബാത്തി ഗ് ടബ് ഉൾപ്പടെ എല്ലാം സഞ്ജീകരിച്ചിരിക്കുന്നു. ഗോവണി കയറി എത്തുമ്പോൾ ഇടത്തുവശത്ത് ഓഫീസ് റൂം. വർക്കിഗ് സ്പെയിസ് .ആ ഇ ട നായിയുടെ വശത്ത് കക്കൂസ്.അവിടെ മുകളിൽ ഒരു തടി ഗോവണി വച്ചിട്ടുണ്ട്. അത് താഴേക്ക് വലിച്ച് നിലത്തറപ്പിക്കാം. അതിനു മുകളിലുള്ള കൂടാരമയിലേക്ക് കയറാം. അവിടെ വിശാലമായ ഒരു ഹാൾ ആണ്.മുഖപ്പുകൾ വെളിച്ചം തരുന്നു. ഒരു വലിയ ഹോം തിയേറ്ററിന് പറ്റിയ സ്ഥലം. ഈ വിവരണം ഇവിടുള്ള അയ്യായിരം വീടുകൾ ക്കും ബാധകമാണ്. ഒരു വ്യത്യാസവുമില്ല. ഗ്രൗണ്ട് ഫ്ലോറിലുള്ളവർക്ക് വിശാലമായ ബാക്ക് യാർഡുണ്ട്.അത്രയേ ഒള്ളു.ഇതിന് പുറമേക്ക് ഒരു ഡക്കറേഷനും അവർ സമ്മതിക്കില്ല. കാർ പാർക്കിഗ് പാതയോരത്താണ്. ഏതാണ്ട് നൂറ്റി അമ്പത് വർഷം പഴക്കം കാണുമി തിന്. ഇപ്പഴും ഒരുകേടും ഇല്ല പ്രോസസ് ചെയ്ത തടിയാണ്.പിന്നെ ഇവിടെ ചിതൽ തുടങ്ങിയവയൊന്നുമില്ല. പല ഇടുങ്ങിയ ഫ്ലാറ്റുകളിലും ജീവിച്ചവർക്ക് ഇതൊരു സ്വർഗ്ഗമാണ്.

Wednesday, June 19, 2024

Iക്രിസ്തുദേവൻ്റെ ദിവ്യ രക്തം സൂക്ഷിച്ച ബസലിക്ക [ യൂറോപ്പിൻ്റെ ഹൃദയ നാളങ്ങളിലൂടെ - 54]

      ബ്രൂഗ്സ് ക്വയറിൽ വലതു മൂലയിൽ ഒരു പള്ളി കാണാം. ഹോളി ബസലിക്ക. അവിടെ യേശുദേവൻ്റെ ദിവ്യരക്തം സൂക്ഷിച്ചിട്ടുണ്ടത്രേ. രണ്ടു നിലകളുള്ള ആ റോമൻ കത്തോലിക്കാ ചർച്ചിലേയ്ക്ക് കാലെടുത്തു വച്ചപ്പോൾ ത്യാഗത്തിൻ്റെ കഥകൾ പറഞ്ഞു പഠിപ്പിച്ച ആ മഹാത്മാവിനെ മനസ്സിൽ ഓർത്തു.ഗോഥിക്ക് റിവൈവൽ ശൈലിയിൽ പ്പണിത ആ ദേവാലയത്തിൻ്റെ ചാരുത ഒന്നു വേറേ തന്നെയാണ്. രണ്ടു നിലകളാണതിന്. മുപ്പത് കിലോഗ്രാം സ്വർണ്ണവും വെള്ളിയും പിന്നെ നൂറോ ളം അമൂല്യ രത്നങ്ങളും കൊണ്ടലങ്കരിച്ച ആ പള്ളി മനസിൽ 'ഓളങ്ങൾ സൃഷ്ടിച്ചു.അവിടുത്തെ സ്റ്റെയിൻ ഗ്ലാസ് ജാലകങ്ങൾ മനോഹരമാണ്. അതിൽ നിന്ന് രണ്ടാം നിലയിലേക്ക് ഒരു ഗോവണിയുണ്ട് അതു കയറിച്ചെല്ലുമ്പോൾ വിശുദ്ധ കുരിശിൻ്റെ ചാപ്പലിൽ എത്തുന്നു' അവിടെ ആണ് യേശുദേവൻ്റെ രക്തം സൂക്ഷിച്ചിരിക്കുന്നത്
    അരിമേത്തിയിലെ ജോസഫ് ആ ദിവ്യ രക്തം സംരക്ഷിച്ച് ഇവിടെ എത്തിച്ചു എന്നാണ് വിശ്വാസം '. ക്രിസ്തുവിൻ്റെ ജീവിതത്തിലെ നിരവധി മൂഹൂർത്തങ്ങൾ അവിടെ ചിത്രീകരിച്ചിട്ടുണ്ട്. അവിടുത്തെ അൾത്താരയിൽ പ്രവേശിക്കാൻ ക്യൂ നിൽക്കണം. അവിടെ പരിപൂർണ്ണ നിശബ്ദതയാണ്. ആരും സംസാരിക്കുന്നില്ല. ചിത്രം എടുക്കുന്നില്ല. അർത്ഥവൃത്താകൃതിയിലുള്ള അൾത്താരയിലേക്ക് കയറാൻ വളഞ്ഞ പടികൾ ഉണ്ട് 'അവിടെ ഒരു കന്യാസ്ത്രീ ക്രിസ്തുവിൻ്റെ രക്ത മടങ്ങിയ ആ ചെറിയ ചെപ്പ് കയ്യിൽപ്പിടിച്ചിട്ടുണ്ട്. നല്ല ക്രിസ്റ്റലിൽ നിർമ്മിച്ച ഒരു ചെറിയ സിലിണ്ടർ. അതിൻ്റെ അറ്റങ്ങളിൽ സ്വർണ്ണം കെട്ടിച്ചിട്ടുണ്ട്. രത്നങ്ങൾ പതിച്ചിട്ടുണ്ട്. അതിലാണ് ആ ദിവ്യരക്തം സൂക്ഷിച്ചിരിക്കുന്നത്. അതിനു മുകളിലെ ക്രിസ്റ്റൽ സുതാര്യമാണ് അതിലൂടെ ആരക്തം നമുക്ക് കാണാം.
   ആ പരിശുദ്ധാത്മാവിൻ്റെ ത്യാഗത്തിൻ്റെ കഥകൾ മനസിലൂടെ കടന്നു പോയി. തൊട്ട് വന്ദിച്ചു. അവർ ഒരു ലീഫ് ലറ്റ് എടുത്തു തന്നു. അതിൽ പല ഭാഷകളിൽ വിവരങ്ങൾ വിശദമായി രേഖപ്പെടുത്തിയിട്ടുണ്ട്. അവിടുത്തെ ശാന്തത മനസ്സിനൊരു വിങ്ങൽ ഉണ്ടാക്കി.ഇതു ശരിക്കും ക്രൈസ്റ്റിൻ്റെ രക്തം തന്നെയോ? ആ വിവാദങ്ങൾക്കൊന്നു oഅപ്പോൾ മനസിൽ സ്താന്നമുണ്ടാകില്ല.അവർ ഉണ്ടന്നു പറയുന്ന ഒരു വസ്തുവിന് ഒരു ദിവ്യ ഭാവമുണ്ട്. ഇതൊരു വലിയ വിശ്വാസവുമായി ബന്ധപ്പെട്ടതാണ്. ആ വിശ്വാസത്തെ പൂർണ്ണമായും ഉൾക്കൊണ്ടാലേ ഈ സന്ദർശ്ശനം കൊണ്ട് കാര്യമുളളു. ആ വലിയ തിരക്കിനിടയിൽ ശാന്തി കിട്ടിയ കുറേ നിമിഷങ്ങൾ എന്നു തോന്നിച്ചു .