നാലുകെട്ട്

ഇന്ന് പാച്ചുവിൻറെ "ഹാപ്പി ബർത്ത് ഡേ "..[അച്ചു ഡയറി -112 ]

   

     രാവിലെ അവനേ ഉണർത്തി .ഭയങ്കര വാശി .കുളിക്കാൻ മടിയാ .അവൻറെ പിറന്നാളല്ലേ ?. ഏട്ടൻറെ കൂടെ കുളിപ്പിച്ചു . പ്രാരഥിക്കണ്ടേ.അവൻ അനുസരിക്കനില്ല . ഏത്തം ഇടിക്കാനാ പാടുപെട്ടെ .വലതു കൈ ഇടത്ത് ചെവിയിൽ പിടിപ്പിച് .മറ്റേ കൈ വലത്ത് ചെവിയിലേക്ക് കൊണ്ടുവരുംപഴേ മറ്റേ കൈ വിടും .അവനെ കൊണ്ട് തോറ്റു .

   പിറന്നാൾ സദ്യ 'ബനാനാ ലീഫിലാ '. അമേരിക്കയിൽ അത് കിട്ടാനില്ല .അച്ഛൻ എവിടുന്നോ വാങ്ങി .എല്ലാവരും ഒന്നിച്ച് നിലത്തിരുന്നാ സദ്ദ്യ . പാച്ചു മര്യാദക്കിരിക്കില്ല . അവന് പപ്പടം മാത്രം മതി .എല്ലാം വിളബിക്കഴിഞ്ഞപ്പോൾ ഇലയുടെ ഒരറ്റത്ത് പിടിച്ച് ഒരൊറ്റ വലി .എല്ലാം കളഞ്ഞു .എട്ടന് ദ്വേഷ്യം വരണൂണ്ടുട്ടോ .

     വൈകീട്ടാ ഫ്രണ്ട്സ് ന് പാർട്ടി .കേക്ക് കട്ട് ചെയ്യണം . കേക്കിൽ പാച്ചുവിൻറെ ഫോട്ടോ ഉണ്ട് .മെഴുകുതിരിയും ,ബലൂണും കേക്കും എല്ലാം വാങ്ങി . എല്ലാവരും കൂടി മെഴുകുതിരി ഊതി കെടുത്തി കേക്ക് കട്ട് ചെയ്യും .കേക്കിന്റെ നടുക്കുള്ള അവൻറെ ഫോട്ടോ കട്ടുചെയണ്ടായിരുന്നു . എന്തുമാത്രം 'ഗിഫ്ടാ ' അവനുകിട്ടിയത് .അവൻറെ ബർത്ത് ഡേ ആയതുകൊണ്ടാ .അവന് കൊടുത്തത് .അല്ലങ്കിൽ അച്ചുവിനാ തരാറ് .അച്ചുവിന്‌ സങ്കടം ല്ലാട്ടോ .

   പക്ഷേ അച്ചുവിനിഷ്ട്ടം ബനാനാ ലീഫിൽ ,നിലത്തിരുന്നുള്ള സദ്യയാ .