നാലുകെട്ട്

   മേഘസന്ദേശത്തിന്റെ ഇഴയടുപ്പം  ........

          അതൊരനുഭവമായിരുന്നു . "മുഖപട "ത്തിലൂടെ മാത്രം അറിഞ്ഞിരുന്ന മഹത് വ്യക്തികളെ നേരിൽക്കണ്ടപ്പോൾ ,പരിചയപ്പെട്ടപ്പോൾ ഉള്ള അനുഭവം . വായൂ സന്ദേശങ്ങൾ വഴി അക്ഷരങ്ങൾ പങ്കുവക്കുമ്പോൾ ഈ ബന്ധങ്ങളുടെ ആഴം ഇത്രയെന്ന് അറിഞ്ഞിരുന്നില്ല .ഞങ്ങൾ ചിരപരിചിതർ ആയിരുന്നു . അറിവിൻറെ ഇഴയടുപ്പങ്ങൾ തുന്നിച്ചേർത്ത ബന്ധങ്ങൾ മുഖദാവിൽ കൂടുതൽ ഹൃദ്യമായി .അതും ഹൃദ്യയുടെ വിവാഹത്തിൻറെ അന്ന് .ആദ്യമായാണ്‌ പലരേയും തമ്മിൽ കാണുന്നത് . കോട്ടയത്ത് മരുമകളുടെ വിവാഹത്തിന് .നല്ല വിമര്ശനത്തോടെ ,ആസ്വാദനത്തിലൂടെ,നിരന്തരം പ്രോത്സാഹിപ്പിച്ചിരുന്നവരോടുള്ള നന്ദി നേരിട്ടറിയിക്കാനുള്ള ആ അവസരം ഹൃദ്യമായിരുന്നു .

       "അച്ചുവിൻറെ ഡയറി "ക്ക് വലിയ എഴുത്തുകാരുടെ അവതാരികയും ,ആസ്വാദനവും അവർ സംഘടിപ്പിച്ചു തന്നു .വരയുടെ തമ്പുരാക്കന്മാരെ എൻറെ അച്ചുവിന് വേണ്ടി പരിചയപ്പെടുത്തിത്തന്നു    .നല്ല പ്രസാധകരെ വരെ അവർ ഏർപ്പാടാക്കി തന്നു .ഇതിൽപ്പരം ഒരെഴുത്ത് കാരനെന്തുവേണം. .

     നന്ദിയുണ്ട് .ഒരുപാട് നന്ദി .എൻറെ "മുഖപുസ്തക "സുഹൃത്തുക്കൾക്ക് . അക്ഷരങ്ങളെ സ്നേഹിക്കുന്നവർക്ക് ,ഇനിയും "മരിച്ചിട്ടില്ലാത്ത വായന "അനുഭവവേദ്യമാക്കിയത്തിനു .