നാലുകെട്ട്

  മുത്തശ്ശാ ..തൃശ്ശൂർ പൂരം .....[അച്ചു ഡയറി -113 ]

  

     മുത്തശ്ശാ തൃശൂർ പൂരം ഇത്തവണ ഇല്ലന്നു കേട്ടപ്പോൾ സങ്കടായി . വെടിക്കെട്ടപകടം കൊണ്ടാണന്നു അമ്മ പറഞ്ഞു . "ഫയർ വർക്സ്‌  "അല്ലങ്കിലും വേണ്ട അച്ചുവിന് പേടിയാ . പക്ഷേ ആന എഴുന്നളത്ത് അത് വേണം . അച്ചു ഇവിടെ അമേരിക്കയിൽ ഇരുന്നും ടി .വി .യിൽ കാണാറുണ്ട് .ഇനി ആറാട്ടുപുഴ പൂരവും നടക്കില്ലേ ആവോ ?. ആന പിണങ്ങിയാലോ എന്ന് വിചാരിച്ച് ആരെങ്കിലും പൂരം വേണ്ടാന്ന് വയ്ക്കുമോ .ആനയെ പുഴയിൽ കൊണ്ടുപോയി നന്നായി കുളിപ്പിച്ച് തീറ്റയും വെള്ളവും നിറച്ച് കൊടുത്തിട്ടാ പൂരത്തിന് കൊണ്ടുവരുന്നത് .'നൂറ് ആനകലുള്ള ആറാട്ടുപുഴ പൂരത്തിന് ആന പിണങ്ങിയതായിട്ടു അച്ചു കേട്ടിട്ടില്ല .

    ആര് പറഞ്ഞാലും തൃശ്ശൂർ പൂരം നടക്കും മുത്തശ്ശാ .അച്ചുവിനുറപ്പാ  . അച്ചുവിനെപ്പോലെ ആനയേയും ,മേളത്തിനെയും ഇഷ്ട്ടപ്പെടുന്നവരാ തൃശ്ശൂർ ക്കാർ മുഴുവൻ . പിന്നെ എങ്ങിനെയാ വേണ്ടാന്ന് വയ്ക്കാ . ഇനി എന്നാണാവോ പൂരം കാണാൻ പറ്റുക .