നാലുകെട്ട്

..പാച്ചുവിൻറെ കുത്തിവയ്പ്പ് --[അച്ചു ഡയറി -110 ]

     മുത്തശ്ശാ  അച്ചുവിനാകെ സങ്കടായി . ഇന്നു പാച്ചുവിൻറെ "ഇഞ്ജക്ഷൻ "ആയിരുന്നു .അച്ചുവും പോയ്യി .അച്ചുവിൻറെ ഡോക്ടർ തന്നെ . അവനേ വേദനിപ്പിക്കരുതെന്ന് അച്ചു പറഞ്ഞതാ . മൂന്ന് കുത്ത് കുത്തി .അവനുറക്കെ കരഞ്ഞു .അച്ചുവിന് സങ്കടം വന്നു .അച്ചുവിനോട് അവൻറെ കൈ പിടിച്ചു വയ്ക്കാൻ പറഞ്ഞതാ . എനിക്ക് വയ്യ . പാവം . അവൻ ഏങ്ങലടിച്ചു കരഞ്ഞു .കണ്ണിൽ നിന്ന് വെള്ളം വന്നു . നന്നായി വേദനിചിട്ടുണ്ടാവും .അച്ചുവിനും കരച്ചിൽ വന്നു .വാതിലിൻറെ മറവിൽ പോയി ആരും അറിയാതെ കരഞ്ഞു . അമ്മയ്ക്കും സങ്കടായിക്കാണൂ ൦ .

     കുത്തിവച്ചാൽ ചിലപ്പം പനി വരും എന്ന് ഡോക്ടർ പറഞ്ഞു .പിന്നെ എന്തിനാ ഈ കുത്തിവയ്പ്പു . അച്ചുവിന് ഒന്നും മനസിലായില്ല ഇപ്പം അവൻ എൻറെ മടിയിൽ തലയിണ വച്ച് തളർന്ന് ഉറങ്ങുകയാ .അനങ്ങിയാൽ ഉണരും .അനങ്ങണ്ടാ