നാലുകെട്ട്

........ നാരായം ......താളിയോല .....

 

         മുത്തശ്ശൻ താളിയോലയിൽ നാരായം കൊണ്ടാണെഴുതുക .ആ നാരായവും ഗ്രന്ഥങ്ങളും അലമാരയിൽ ഭദ്രം .ഭാഗ്യം . ഒരറ്റം കൂർത്ത് മറ്റേ അറ്റത്തേക്ക് വണ്ണം കൂടി കൂടി വരും .ഇരുംപുകൊണ്ടുണ്ടാക്കിയത്.കൈ ഒരു പ്രത്യേക രീതിയിൽ പിടിച്ചാണ് എഴുതുക . ഇടത്ത് കയിൽ ഓലയും കാണും .മുത്തശ്ശന് വച്ചെഴുതാൻ ഒരു സ്ഥലം ആവശ്യമില്ല .   അതിൻറെ മുകളറ്റത്തു  ചിത്രപ്പണികൾ ഉണ്ട് .അതിൻറെ നീളവും ,വണ്ണവും ,തൂക്കവും സൌകര്യപ്രദമായി ക്രമപ്പെടുത്തിയിട്ടുണ്ട് .ഓലയിൽ അന്ന് മുത്തശ്ശൻ   എഴുതുമ്പോഴുള്ള ആ "കറു കറ "ശബ്ധം ഇന്നും ചെവിയിൽ മുഴങ്ങുന്നു .

    കരിമ്പന ഓല കൊണ്ടുവന്ന് അത് പാലും മഞ്ഞളും ചേർത്ത് പുഴുങ്ങി എടുക്കുന്നു .എന്നിട്ട് നല്ല തണലത്തിട്ട്‌ ഉണങ്ങിയെടുക്കുന്നു .അത് കൃത്യമായ നീളത്തിലും വീതിയിലും കീറി എടുക്കുന്നു .മഞ്ഞൾ കിഴി കെട്ടി നന്നായി തുടച്ചെടുത്താൽ എഴുത്തോല തയാർ .അതിൽ രണ്ടു തുളകൾ ഇട്ടു രണ്ടുവശത്തും പലകവച്ച് കോർത്ത്‌ കെട്ടുന്നു .അങിനെ മുത്തശ്ശൻ താളിയോല ഉണ്ടാക്കുന്നത്‌ കുറേശ്ശെ ഓർമ്മവരുന്നു .ആ എഴുത്താണിയും ,താളിയോല ഗ്രന്ഥവും തറവാടിന്റെ അമൂല്യ സമ്പത്താണ്‌ .  ഇത്രകാലമായിട്ടും ഇതൊന്നും നഷ്ട്ടപ്പെട്ടിട്ടില് എന്നത് ആശ്വാസകരം എൻറെ ഭാഗ്യം. ഉണ്ണി ഓർത്തു