നാലുകെട്ട്

അമൂല്യ ഗ്രന്ഥശേഖരം---നാലുകെട്ട് ഭാഗം -11

  ഉണ്ണി സാവധാനം പൂജാമുറിയിൽ പ്രവേശിച്ചു .നാലുകെട്ടിന്റെ "വടുക്കിണി " യിലാണ് പൂജാമുറി .കുട്ടിക്കാലത്ത് പൂജമുറിയിലെ ഗന്ധം ഉണ്ണിക്കിഷ്ട്ടായിരുന്നു .കർപ്പൂരത്തിന്റെയും ,ചന്ദനത്തിരിയുടേയും;അഷ്ട്ട ഗന്ധതിന്റെയും മണം .പൂജാമുറിയുടെ മുകളിൽ ഒരു പ്രത്യേക അറയുണ്ട് .അവിടെ ചൂരൽ കൊണ്ട് മെടഞ്ഞ ഒരു വലിയപെട്ടിയുണ്ട് .അടപ്പും .അതിനുള്ളിലാണ് ആ അമൂല്യ ഗ്രന്ഥങ്ങൾ സൂക്ഷിച്ചിരുന്നത്‌ . അറിവ് ദേവതയാണ് .ഭരദെവതയായ ഭദ്രക്ക് വാണീദേവിയുടെ ഒരു ഭാവം കൂടിയുണ്ട് .അതവിടെ തന്നെയാണ് സൂക്ഷിക്കപ്പെടെണ്ടത്.  അമ്മ പറയും .താളിയോല ഗ്രന്ഥങ്ങളുടെ ഒരു വിപുല ശേഖരം തന്നെ പരമ്പരാഗതമായി സംരക്ഷിച്ചു വന്നിരുന്നു . നവരാത്രിക് അത് പൂജക്ക്‌ വക്കാറുണ്ട് . ദേവിപ്രസാദമായി ത്രുമധുരം ,മലർ ശർക്കര പിന്നെ "ഗുരുതി ".അതിനോടാണ് കുട്ടികൾക്ക് അന്ന് പ്രിയം .

അതി പ്രശസ്ഥനായ ഒരു "വിഷഹാരി "ഉണ്ടായിരുന്നു ഇവിടെ .വിഷചികിൽസയുടെ ഗ്രന്ഥങ്ങൾ അദ്ദേഹമായിരുന്നു സൂക്ഷിച്ചിരുന്നത് . താൻ ജീവനുതുല്യം സ്നേഹിച്ചിരുന്ന ഒരു സുഹൃത്തിന് "സർപ്പ ദംശം "ഏറ്റു .അദേഹത്തിന്റെ അടുത്താണ് കൊണ്ടുവന്നത് .ചികിത്സ പിഴച്ചു ! ആ മരണത്തിൽ മനം നൊന്ത് അദ്ദേഹം ചികിത്സ നിർത്തി . ആ ഗൃന്ഥങ്ങൾ മുഴുവൻ അഗ്നിദേവന് സമർപ്പിച്ചു .അതിൽ കത്താതെ അവശേഷിച്ച ചില ഗ്രന്ധങ്ങളും ആ ശേഖരത്തിലുണ്ടായിരുന്നു. പിൽക്കാലത്ത് അതു നോക്കി മുത്തശ്സൻ "വിഷക്കല്ല് "നിർമ്മിച്ചിരുന്നത് ഇന്നും ഓർക്കുന്നു .

     ഈ വിലപിടിപ്പുള്ള ഗ്രന്ഥങ്ങൾ ആർക്കും പ്രയോജനപ്പെടാതെ ഇവിടെ വച്ചിട്ടെന്താ പ്രയോജനം അങ്ങിനെയാണ് ആ ഗ്രന്ഥങ്ങൾ തിരുവനന്തപുരം "മാൻ സ്ക്രിപ്റ്റ് ലൈബ്രറിക്ക് "കൈ മാറിയത് . അച്ഛന്റെ തീരുമാനമായിരുന്നു അത് .ഇന്നും അതവിടെ ഭദ്രം . പരമ്പരാഗതമായി അതിൽ നിന്ന് മാറ്റി വച്ച ദിവ്യ ഗ്രന്ഥങ്ങൾ ആണ് .പൂജാമുറിയിൽ ഇന്നു കാണുന്നത് . അന്ന് ഇല്ലപ്പറംപിൽ കാണുന്ന ഒരുതരം സസ്യത്തിന്റെ ഇലയും തണ്ടും തിരുമ്മി അതുകൊണ്ടുതുടച്ചാൽ ഒലയിലെ എഴുത്തുകൾ തെളിഞ്ഞ് വരും . ഇതു പലപ്രാവശ്യം ചെയ്തത് ഉണ്ണി ഓർക്കുന്നു . .