നാലുകെട്ട്

  മുത്തശ്ശാ അച്ചുവിന് ആറാട്ടുപുഴ പൂരം കാണണം -[അച്ചു ഡയറി -109 ]

    മുത്തശ്ശാ ഇന്നല്ലേ ആറാട്ടുപുഴ പൂരം .അച്ചൂന് പോണന്നു തോന്നണു  . ആനകളെ കാണണം . ഇത്തവണ "പാമ്പാടി രാജൻ "ഉണ്ടന്നറിഞ്ഞു .അച്ചു കണ്ടിട്ടില്ല . കാണണന്നുണ്ടായിരുന്നു.പാമ്പാടി രാജൻറെ ഫോട്ടോ അച്ചുവിൻറെ കൈലുണ്ട് . നല്ല ഭംഗിയുണ്ട് .അച്ചു അമേരിക്കയിൽ അല്ലായിരുന്നെങ്കിൽ എന്തായാലും പോയേനെ . അമ്പലത്തിൽ രണ്ടാം നിലയുടെ മുകളിൽ ഞങ്ങൾക്ക് ഒരു കട്ടിലിടാനുള്ള സ്ഥലമുണ്ട് .അവിടെ ഇരുന്നാൽ പൂരം നന്നായി കാണാം .

     ഊരകത്തമ്മത്തിരുവടിയുടെ യക്ഷികൾ വേഷം മാറി പൂരത്തിന് വരും എന്ന് പറഞ്ഞ് അമ്മ പേടിപ്പിച്ചു . അച്ചുവിന് യക്ഷികളെ പേടിയില്ല . പക്ഷേ കോൺപല്ലുള്ള യക്ഷികളെ പേടിയാ .യക്ഷികൾക്ക് കൊൺ പല്ല് വേണ്ടായിരുന്നു .