നാലുകെട്ട്

മഷികുപ്പിയും -സ്റ്റീൽ പേനയും     -[നാലുകെട്ട് - 25     ]

     കേരളത്തിൽ ആദ്യമായി "ഫൌണ്ടൻ പേന " കണ്ടുപിടിച്ചത് 1920 -ൽ . അതിനുമുമ്പ് 1829 -ൽ 'ബഞ്ചമിൻ ബെയിലി 'അച്ചടി കൊണ്ടുവന്നു .പിന്നീട് തൂവലുകൊണ്ട് മഷിയിൽ മുക്കി എഴുതിയിരുന്നത്രേ . പിന്നെയാണ് 'സ്റ്റീൽ പെന്നിന്റെ 'വരവ് .

       തടി കൊണ്ടുള്ള ആ മഷിക്കുപ്പിയും നീളത്തിൽ പിടിയോടുകൂടിയ  സ്റ്റീൽ പെന്നും ഈ തറവാടിന്റെ വിലപ്പിടിപ്പുള്ള സമ്പാദ്യം . കുപ്പിയുടെ വക്ക് ഒന്നടർന്നതോഴിച്ചാൽ ഇന്നും ഒരു കേടും ഇല്ല . കുപ്പിയിൽ മഷി കട്ടപിടിചിരിക്കുന്നു . എഴുത്തിനെ സ്നേഹിച്ച എനിക്ക് അവ സമ്മിശ്ര വികാരമാണ് സമ്മാനിച്ചത്‌ . മണ്മറഞ്ഞ ഈ കുടുംബചരിത്രം ഈ പേനത്തുമ്പുകൊണ്ട്  രേഖ പ്പെടുത്തിയിട്ടുണ്ടാവാം . ഇതുപയോഗിച്ചിരുന്ന പ്രതിഭാസമ്പന്നരായ എഴുത്തുകാർ പൂർവികരിൽ കണ്ടിരിക്കാം . അതിൻറെ തിരുവിശേഷിപ്പുകൾ കൂടാരമച്ചിൽ ഭദ്രമായി കണ്ടേക്കാം .

എല്ലാം ഒന്നരിച്ചു പെറുക്കണം  ആ പുരാതന കുപ്പിയിൽ 'ക്യാമൽ ഇങ്ക് 'വാങ്ങി ഒഴിച്ച് ആ സ്റ്റീൽ പേനകൊണ്ട് എഴുതി നോക്കി . ഗതകാലവിഞ്ജാനത്തിന്റെ  ഒരു മിന്നൽപ്പിണർ ഏറ്റതുപോലെ ഉണ്ണി ഒന്ന് ഞട്ടി .