നാലുകെട്ട്

കഴഞ്ചിക്കോൽ -വെള്ളിക്കോൽ -[നാലുകെട്ട് 23 ]

    പണ്ട് നമ്മുടെ തറവാടുകളിലെ ഒരു നിത്യോപയോഗ സാധനം .തൂക്കം അറിയാൻ "ഉത്തോലകതത്വം "ഉപയോഗിച്ച പ്രാചീനരീതി . അന്ന് അസുഖങ്ങൾക്ക് ആയുർവേദ ചികിത്സയാണ് പ്രധാനം . മരുന്നുകൾ നമ്മൾ തന്നെ ഉണ്ടാക്കും .അതിന് ഓരോന്നിന്റേയും തൂക്കവും ,മാത്രയും പ്രധാനം ..ചെറിയ ചെറിയ    

തൂക്കങ്ങൾക്ക് "കഴഞ്ചിക്കോൽ "ആണ് ഉപയോഗിക്കുന്നത് .ഒരറ്റത്തേക്ക് വണ്ണം കൂടി കൂടി വരുന്ന ,മരത്തിൻറെ ഒരു ഉരുളൻ വടി . വണ്ണം കുറഞ്ഞ അറ്റത്ത്‌ ഒരു കൊളുത്ത് .മൂന്നു വശത്തായി ചരടിൽ കെട്ടിയ ഒരു ചിരട്ട ഈ കൊളുത്തിൽ തൂക്കിയിരിക്കും . ഈ കോലിൽ തോത് അടയാളപ്പെടുത്തിയിരിക്കും .  കുറെ വരകളും ഇടക്ക് ഗുണന ച്ചിന്നവും .ചിരട്ടയിൽ തൂക്കം നോക്കാനുള്ളത് ഇടുക .മുകളിലത്തെ ചരടിൽ തൂക്കി   കഴഞ്ചിക്കോൽ തിരച്ചീനമായാൽ  തൂക്കം നോക്കാം .കഴഞ്ചു ,പലം ,റാത്തൽ അങ്ങിനെ പോകുന്നു അതിൻറെ യൂണിറ്റ് . കരിപിടിച്ച കഷായക്കലവും ,ഈ കഴഞ്ചിക്കോലും രോഗാവസ്ഥയുടെ പ്രതീകമായാണ് അന്ന് മനസ്സിൽ പതിയുന്നത്‌ .

    വെള്ളിയുമായി ഒരു ബന്ധവുമില്ല "വെള്ളിക്കൊലിനു ". തത്ത്വം കഴഞ്ചിക്കൊലിന്റെ തന്നെ . വലിയ തൂക്കങ്ങൾക്കാണിത് . തടിയുടെ രണ്ടറ്റത്തും പിച്ചള കെട്ടിയോ ,മുഴുവൻ ഇരുമ്പിൽ തീർത്തതോ ആകാം .