നാലുകെട്ട്

.........അടക്കാ വെട്ടി ...

    മുത്തശ്ശൻറെ കസേരക്കടുത്ത് മുത്തശ്ശി ഉണ്ടാകും . ആവണി പ്പലകയിൽ കാലുനീട്ടിവച്ച് ,സ്വൽപ്പം കുനിഞ്ഞ് ,ഇലക്കുറിയും  അണിഞ്ഞ് ,തുളസിക്കതിരും ചൂടി ഭാസ്മ്മമിട്ടു വിളക്കിയ നിലവിളക്കുപോലെ .  രണ്ട് കാതിലും" തോട ". സത്രീ സൌന്ദര്യത്തിൻറെ ഒരു പ്രവ്ഡ ഭാവം !...

   ആ വെള്ളിചെല്ലത്തിനു അരുകിൽ ഒരു അടക്കാവെട്ടി യുണ്ട് .മുത്തശ്ശിയാ ആതുപയോഗിക്കാറു്.  . അറ്റം തത്ത ചുണ്ട് പോലെ വളഞ്ഞ ഒരു വിജാഗിരിയിൽ കത്തി പിടിപ്പിച്ചിരിക്കുന്നു . അടിയിലുള്ള ദണ്ടും ആ വിജാഗിരിയുടെ ഭാഗമാണ് . അത് നിലത്തുവച്ച് ഒരു ഉത്തോലകം പോലെ കത്തി ഉയർത്താം .അതിനിടയിൽ അടക്ക വച്ച് അമർത്തിയാൽ അത് നിഷ്പ്രയാസം പിളർന്ന് കിട്ടും .അതുകൊണ്ട് തന്നെ അതിൻറെ തോണ്ടും കളയാം .അവിലുപോലെ ചെറുതായി അടക്ക നുറുക്കി എടുക്കാനും പറ്റും .പക്ഷേ മുത്തശ്ശിക്ക് അതുപോര .പൊടിയായി കിട്ടണം .അതിനൊരു തകര പ്പെട്ടി അടുത്തുണ്ട് .അതിൻറെ അടപ്പിൽ നിറയെ തുളയാണ് .ഓരോ തുളയിലും താകരത്തിന്റെ വക്കു പുറത്തേക്ക് തള്ളിനിൽക്കുന്നു .തൊണ്ടുകളഞ്ഞ അടക്ക അതിൻറെ മുകളിൽ ഉരച്ചാൽ അടക്കാപ്പൊടി പെട്ടിക്കകത്ത് വീഴും . അടുത്തു" മൂന്നും കൂട്ടാൻ" ഇടിച്ചു കൂട്ടാൻ ഒരു കുഴി കല്ലും പിള്ളക്കല്ലും . മൂന്നും കൂട്ടുന്നത്‌ "നെടുമങ്ങല്യത്തിനാണ് ". മുത്തശ്ശൻറെ ആയുസ്സിന് ..

"ഉണ്ണീ "  മുത്തശ്ശീയുടെ ആ വിളി കാതിൽ മുഴങ്ങുന്നോ? .ഭർത്താവിൻറെ പെരുച്ചരിക്കാൻ പാടില്ല .അതാണ്‌ ഉണ്ണി എന്ന വിളിപ്പേര് മുത്തശ്ശി എനിക്ക് സമ്മാനിച്ചത്‌ .  ആ നാലുകെട്ടിറെ ഓർമ്മകളിലേക്ക് ഉണ്ണി ഊളിയിട്ടു .