നാലുകെട്ട്

എൻറെ നാലുകെട്ടിൻറെ നടുമുറ്റത്ത് --ഭാഗം -9

          അറ --നിലവറ -കൂടാരം ....

             അറതുറന് അകത്തു കയറിയാൽ മൂന്ന് വശത്തും പത്താഴം ക്രമീകരിച്ചിരിക്കുന്നു . വലുതും ചെറുതുമായി ഏഴെണ്ണം . ധാന്യങ്ങൾ സൂക്ഷിക്കാനാണത് .കായ് പഴുപ്പിക്കാൻ പത്താഴതിൽ കായ്‌ വച്ചു പുകയിടുന്നു . ചൂട്ടുകെട്ടി കത്തിച്ച് അതുകൊണ്ടാണ് പോകയിടുന്നത് നാലുകെട്ടിലേക്ക് ആ പുക വ്യാപിക്കുന്നത് നോക്കിനിന്നിട്ടുണ്ട് . അതിൻറെ മുകളിൽ മച്ച് .അതിൻറെ മുകളിലാണ് കൂടാരം . മുകളിലേക്ക് ഒരു രഹസ്യ വാതിൽ ഉണ്ട് .അങ്ങിനെ ഒരു വാതിൽ അവിടെ ഉണ്ടന്ന് മനസിലാക്കാൻ വിഷമം . കൂടാരം കോണിക്കൽ ആകൃതിയിൽ ആണ് .അതിൻറെ മുകൾവശവും നല്ല കട്ടിയുള്ള പലകകൊണ്ടു ഉറപ്പിച്ചിരിക്കുന്നു . വിശാലമായ ആ മുറിയിൽ കയറിനിൽക്കാം . വായൂപോലും കിടക്കാതെ അത് ബന്ധിക്കാം . കൂടാരമച്ചുള്ള നാലുകെട്ടുകൾ വിരളം .

           മണിച്ചിത്ര താഴ് പൂട്ടി തളത്തിലേക്ക്‌ ഇറങ്ങി . തളത്തിന്റെ വടക്കേ അറ്റത്തുനിന്ന് ഒരു കിളിവാതിൽ ഉണ്ട് .അതിൽ കൂടെ നിലവറയിലേക് ഊർന്നിറങ്ങാം  . ഭൂമിക്കടിയിലുള്ള ആ അറ പഴയ പാത്രങ്ങൾ കൊണ്ടും ,ചീന ഭരണികൾകൊണ്ടും നിറഞ്ഞിരിക്കുന്നു .അവിടെ പ്രത്യേകമായി ഒരു വലിയ ചീനഭരണി വച്ചിട്ടുണ്ട് . അത് അടച്ചു മണ്ണ് പൊതിഞ്ഞിരിക്കുന്നു .അത് തുറന്നുനോക്കാൻ മുത്തശ്ശൻ ഒരിക്കലും സമ്മതിച്ചിട്ടില്ല .അതിലെന്താണന്ന്  ആർക്കും അറിയില്ല .തറവാടിന്റെ രക്ഷക്കുവേണ്ടിയാണ് അതുവച്ചിരിക്കുന്നത്.   തുറന് അപകടം അപകടം വിളിച്ചുവരുത്തണ്ടാ .അത് തുറക്കാനുള്ള ആവേശം ഇന്ന് ഇരട്ടിയായി .അതിലെ രഹസ്യത്തിൻറെ ചുരുളഴിക്കാൻ തന്നെ ഉണ്ണി  തീരുമാനിച്ചു .