നാലുകെട്ട്

മുല്ലക്കൽ തേവർക്കു "കൊട്ടും ചിരിയും "  [നാലുകെട്ട് -20 ]

                   

               ഭരദേവതക്കു പുറമേ  "മുല്ലക്കൽ തേവർ " ഉണ്ട് . നാലുകെട്ടിൻറെ പുറത്ത് ഈശ്സാനുകോണിൽ . ഭദ്രകാളിയും ,യക്ഷിയും ശ്രീകൊവിലിനകത്തും വനദുർഗ പുറത്തും . ഇടിഞ്ഞു പൊളിഞ്ഞ് വീഴാറായത് നന്നാക്കിയിട്ടുണ്ട് . കുട്ടിക്കാലത്ത് എത്രയോ പ്രാവശ്യം "നർക്കിലയിൽ "നേദിച്ചിട്ടുണ്ട്   . ഉണ്ണിയുടെ ഓർമ്മ ഒത്തിരി പുറകോട്ട് പോയി . അന്ന് നാട്ടുകാർക്ക് പലർക്കും അതിന് പരിസരത്തുപോലും പോകാൻ ഭയമാണ് . ഇന്നും . 

             കുട്ടിക്കാലത്ത് എന്തെങ്കിലും കാണാതെ പോയാൽ ഞങ്ങൾ എല്ലാവരും കൂടി മുല്ലക്കൽ ചെല്ലും . വിളക്കു വയ്ക്കും . എന്നിട്ട് ഉറക്കെ ഉറക്കെ കൈ കൊട്ടി  ചിരിച്ചുകൊണ്ട് പ്രദിക്ഷിണം വയ്ക്കും .കളഞ്ഞു പോയ സാധനം കിട്ടുമത്രേ . അതൊരു വഴിപാട് പോലെയാണ് . ചിരിക്കുമ്പോൾ "ടെൻഷൻ "പോകും .അങ്ങിനെ സമാധാനമായി തിരയുമ്പോൾ അതു  കിട്ടുന്നു . അതാകാം അതിൻറെ മനശാസ്ത്രം .

               ശ്രീകോവിലിന് വടക്കുവശത്ത്   നന്നായി ചാണകം കൊണ്ട് മെഴുകിയ ഒരു തറയുണ്ട്. സൂര്യ നമസ്ക്കാരത്തിന് . ത്വക്ക് രോഗങ്ങൾക്ക് രാവിലെ ഇളവെയിലത്ത് ഇവിടെ 101 -സൂര്യനമസ്ക്കാരം,.അതന്നത്തെ ഒരു ചികിത്സാ രീതി തന്നെ ആയിരുന്നു .

               ആചാരങ്ങളെ എത്ര അധികം, ആരോഗ്യവുമായി ബന്ധപ്പെടുത്തുന്ന ഒരു രീതി ലോകത്ത് നമുക്ക് മാത്രമേ ഉള്ളു എന്നു തോന്നുന്നു .

Reply

Forward