നാലുകെട്ട്

        ഹോമപ്പെട്ടി [നാലുകെട്ട്-24 ]

     അറയിൽ സൂക്ഷിച്ചിരിക്കുന്ന പലതും അത്ഭുതപ്പെടുത്തുന്നതാണ് . ആ ചെറിയ ഹോമപ്പെട്ടി അതിലൊന്നാണ് . ദീർഗ്ഘ ചതുരത്തിലുള്ള ഒരു തടി പെ ട്ടി .  അതിൻറെ അടപ്പ് കുറിയ വശത്തേക്ക് വലിച്ചുതുറക്കാം . അതിൽ സമചതുരത്തിൽ ഉള്ള പന്ത്രണ്ട് അറകൾ . അതിൽ ഓരോന്നിലും പല മരുന്നുകളും നിറച്ചിട്ടുണ്ട് .  എന്തെല്ലാം മരുന്നുകൾ എന്നറിയില്ല .നല്ല പഴക്കമുണ്ട് .ഉറപ്പ് ! .പത്തുകൊല്ലമെങ്കിലും ആയിട്ടുണ്ടാകും അത് തുറന്നിട്ട്‌ .ഇതേ ആകൃതിയിൽ ഉള്ള പെട്ടി ഹോമപ്പെട്ടിയായും ഉപയോഗിക്കാറുണ്ട് .ഒരു ഹോമത്തിനു അത്യാവശ്യം വേണ്ട ദ്രവ്യങ്ങൾ അതിലാണ് സൂക്ഷിക്കുക . ഹോമപ്പാത്രങ്ങളും അതിനടുത്തായി സൂക്ഷിച്ചിട്ടുണ്ട് . ഈ  പെട്ടിയുടെ തന്നെ വലിയ ഒരു പതിപ്പാണ്‌ അടുക്കളയിൽ അന്ന് നമ്മൾ ഉപയോഗിക്കാറ് . പലവ്യഞ്ജനങ്ങൾ അതിൽ സൂക്ഷിച്ചിരിക്കും . അതിൽ പാറ്റയോ മറ്റ് കീടങ്ങളോ കയറാത്ത അത്ര കൃത്യമാണ് അതിൻറെ അടപ്പ് .ജലാംശം വലിച്ചെടുക്കാൻ കഴിവുള്ള ഒരുതരം പ്രത്യേക തടി കൊണ്ടാണ് അതുണ്ടാക്കിയിരിക്കുന്നതെന്ന് പഴമക്കാർ പറയുന്നു  .ഉപ്പ് ഇട്ടുവക്കാനുള്ള  ആലില ആകൃതിയിൽ ഉള്ള "മരിക " ,അതിനും ഇത്തരം മരമാണ് ഉപയോഗിച്ചിരുന്നതത്രേ  .

    

      തൻറെ നാലുകെട്ടിൻറെ അപൂർവതകളിലേക്ക് ഉണ്ണി നടന്നടുത്തുകൊണ്ടിരുന്നു