നാലുകെട്ട്

 വൈദ്യമഠം ചെറിയ നാരായണൻ നമ്പൂതിരി ...........

അദ്ദേഹം എനിക്ക് ഈശ്വര തുല്യൻ . എൻറെ അമ്മക്ക് കാൻസർ ബാധിച്ച് മെഡിക്കൽ കോളേജിൽ നിന്ന് വെറും പത്തു ദിവസത്തെ ആയുസ് പ്രവചിച്ച് വിട്ടതാണ് .അങ്ങിനെ അദ്ദേഹത്തിൻറെ അടുത്തെത്തിച്ചു .ആ അത്ഭുത ചികിത്സയിൽ  വേദനയില്ലാതെ ,അത്യാവശ്യം ആഹാരം കഴിച്ച് ,ഉറക്കത്തിന് കുഴപ്പമില്ലാതെ ഒരു വർഷം കൂടി എൻറെ അമ്മ ജീവിച്ചു . ആദ്യം തന്നെ അവിടെ ചെന്നിരുന്നെങ്കിൽ മോഹിച്ചുപോയി . അമ്മയുടെ അവസാന ആഗ്രഹമായിരുന്നു അദ്ദേഹത്തെ ഒന്നുകൂടി കാണണമെന്ന് . സബരിമലക്ക് പോണ വഴി അദ്ദേഹം കുറിചിതാനത്തുകൂടി വന്നു .ഇവിടെ കയറി പിറ്റേ ദിവസമാണ് പോയത് . ആ മഹാമനസ്കത മറക്കില്ല . അന്നദ്ദേഹം അമ്മയുടെ മരണസമയം ,വ്യൻഗ്യമായി ,പ്രവചിച്ചിരുന്നു .

       അമ്മ മരിചുഒരുവർഷം കഴിഞ്ഞ് അമ്മയുടെ ആണ്ടുബലിക്കു അദ്ദേഹത്തെ കൃത്ഞ്ഞതയോടെ ഓർത്ത്‌ ഞാനോരുകത്തയച്ചിരുന്നു .അദ്ദേഹത്തിൻറെ മറുപടി ഞാൻ പൊന്നുപോലെ സൂക്ഷിച്ചിരുന്നു .

     "ചികിത്സ പരാജയപ്പെട്ടിട്ടും ഒരുവർഷം കഴിഞ്ഞും വൈദ്യനെ ഓർക്കുന്നത്,പതിനായിരക്കണക്കിനാളുകളെ ചികിൽസിച്ചിട്ടുള്ള,എനിക്ക് ആദ്യാനുഭവമാണ് ..നന്ദി    "

 

 പക്ഷേ ആ ചികിത്സ വിജയമായിരുന്നു .വേദനയില്ലാതെ ഒരുവർഷം കൂടി എൻറെ പ്രിയപ്പെട്ട അമ്മയെ എനിക്ക് തിരിച്ചുതന്ന ആ മഹാ ഭിഷഗ്വരന്റെ വിജയം .