നാലുകെട്ട്

  അച്ചുവിൻറെ സോഷ്യൽ വർക്ക്‌ .[.അച്ചു ഡയറി -108 ]

      മുത്തശ്സാ അച്ചു സ്കൂളിൽ നിന്ന് "സോഷ്യൽ വർക്കിന് " പോകുവാ . പാവപ്പെട്ടവരെ സഹായിക്കാൻ പണമുണ്ടാക്കാനാ . അച്ചുവിൻറെ കൈലുള്ളത് കൊടുത്തു . ഞങ്ങൾ ഗ്രൂപ്പായി തിരിഞ്ഞ് ഓരോ വീട്ടിലും പോകുന്നു .അവിടെ നമുക്ക് പറ്റുന്ന പണി ചെയ്യുന്നു .അതിൻറെ കൂലി വാങ്ങുന്നു . പാവങ്ങളെ സഹായിക്കാനായതു കൊണ്ട് കൂടുതൽ കാഷ് തരും .മുത്തശ്ശനും ,മുത്തശ്ശിയും ഉള്ള വീടാ അച്ചുവിന് ഏറ്റവും ഇഷ്ട്ടം . അവർ വയ്യാത്തവരല്ലേ .അവർക്ക് ജോലി ചെയ്തു കൊടുത്താൽ അതും  നല്ലതല്ലേ .? 

   ഞങ്ങളുടെ ടീമിനാ ഏറ്റവും കൂടുതൽ ഡോളർ കിട്ടിയത് . അച്ചു അച്ചന്റെ മെയിലിൽ നിന്ന് ഒരു "റിക്വസ്റ്റ് " അയച്ചിട്ടുണ്ട് .അച്ഛന്റേയും അമ്മയുടെയും ഫ്രണ്ട്സിന് . അതും കുറെ കിട്ടുമായിരിക്കും . ചില വീടുകളിൽ ഞങ്ങൾക്ക് "ഐസ് ക്രീം"തരും .അമ്മയോട് പറയണ്ട  .ഒരു സ്ടലത്ത് നിന്ന് മാത്രമേ ഞങ്ങൾ വാങ്ങിച്ചുള്ളൂ .വേണ്ടായിരുന്നു .