നാലുകെട്ട്

    ഷെർലക്ക് ഹോംസ് ,22 1B ,ബേക്കർ സ്ട്രീറ്റ് [ഇംഗ്ലണ്ട്-13]

      ലണ്ടൻ യാത്രക്കിടയിൽ ബേക്കർ സ്ട്രിറ്റ് കണ്ടപ്പോൾ ഉള്ളൊന്നു കാളി. ഷെർലക്ക് ഹോംസ് താമസിച്ചിരുന്നതവിടെയാണ്. ആർതർ കോനൻ ഡോയിലിന്റെ ", ഷർലക്ക് ഹോംസ് " എന്ന കഥാപാത്രം എന്നെ അത്ര അധികം സ്വാധീനിച്ചിരുന്നു. ഒരു അപസർപ്പകളുടെ ആ നുതനാവതരണം വായനക്കാരെ കുറൊച്ചൊന്നുമല്ല സ്വാധീനിച്ചത്. ഹോംസിനെ നായകനാക്കി നാല് അപസർപ്പക നോവലുകളും അമ്പത്തി ആറോളം കഥകളും അദ്ദേഹം രചിച്ചിട്ടുണ്ട്.ഇത് എത്ര പ്രാവശ്യം വായിച്ചു എന്ന് എനിക്കു തന്നെ നിശ്ചയമില്ല. അവസാനം അദ്ദേഹം എഴുത്ത് മടുത്തു് ഒരു കഥയിൽ ഒരു വില്ലനുമായുള്ള ഏറ്റുമുട്ടലിൽ ഹോംസിനെ കൊന്നുകളഞ്ഞു. പക്ഷേ അന്ന് വായനക്കാരുടെ വൻ പ്രക്ഷോപമാണ രങ്ങേറിയത്.നിവർത്തിയില്ലാതെ അദ്ദേഹം അടുത്ത കഥയിൽ ഹോം സിനെ ജീവിപ്പിക്കണ്ടി വന്നു. 

       ആ കഥാപാത്രം ജീവിച്ചിരുന്ന 221 B, എന്ന അപ്പാർട്ട്മെന്റ് ബക്കർ സ്ട്രീറ്റിൽ ഇന്നും അതേപടി നിലനിർത്തിയിരിക്കുന്നു. ആ മുറിയിൽക്കയറിയാൽ ഹൊംസിന്റെ തോക്കും, പൈപ്പും,വയലിനും ഒക്കെ അതേപോലെ സൂക്ഷിച്ചിരിക്കുന്നു. ഇടക്ക് മയക്കുമരുന്ന് കുത്തിവയക്കാറുള്ള ആ സിറിഞ്ച് വരെ. ആ മുറിയുടെ ഒരോ കോണും എനിക്ക് പരിചിതമാണ്. എത്രയോ കഥകളിൽ ഈ പരിസരം എന്റെ മനസിൽ കുടിയേറിയിരിക്കുന്നു. ഇന്നും ഈ അഡ്രസിൽ ഒരുപാട് കേസുകൾ വരുന്നു. സഹായം അഭ്യർദ്ധിച്ച്.അതിനൊക്കെ പരിഹാരമുണ്ടാക്കാൻ സമർധരായ ആൾക്കാരെ നിയമിച്ചിട്ടുണ്ടവിടെ.

      അടുത്ത മുറി ഹോംസിനെ സബ ന്ധിച്ച തെല്ലാ അറിയാനായി, വാങ്ങാനായി ഉള്ള ഒരു മ്യൂസിയം ആണ്. എഴുത്തുകാരനേക്കാൾ വളർന്ന ആ കഥാപാത്രത്തിനൊപ്പം നിന്ന് നമുക്ക് ഫോട്ടോയും എടുക്കാം. ലോകപോലീസ് അക്കാഡമികളിൽപ്പോലും റഫറൻസ് ഗ്രന്ഥമായി ഉപയോഗിക്കുന്ന ഈ കഥകൾ വായിക്കാത്തവരുണ്ടങ്കിൽ വായിയ്ക്കണം. ലണ്ടൻ യാത്രയിലെ വലിയൊരനുഭവമായി, അനൂ ഭൂതിയായി മാറി ആ. അപ്രതീക്ഷിത സന്ദർശനം