നാലുകെട്ട്

സ്കി ദൂ ബായി സ്നോപാർക്ക്.. [ ദൂ ബായി ഒരത്ഭുതലോകം - 68]

      ലോകത്തിലെ ഏറ്റവും വലിയ മോളുകളിൽ ഒന്നാണു് '' മോൾ ഓഫ് എമിറൈറ്റ്സ്" .അതിനുള്ളിൽ 22500-സ്ക്വയർ മീറററിൽ ഒരു സ്നോപാർക്കുണ്ട്. 85 മീറ്റർ ഉയരത്തിൽ.ഈ വിശാലമായ ഇടം മുഴുവൻ മഞ്ഞാണ്. അവിടെ ചൂട് - 4 ഡിഗ്രിയിൽ ക്രമീകരിച്ചിരിക്കുന്നു. അതാണ് "സ്കി ദൂബായി" . 

         ടിക്കറ്റെടുത്ത് അകത്തു കയറിയാൽ ഹിമാലയ സാനുക്കളിൽ എത്തിയ ഒരു പ്രതീതി. മഞ്ഞിൽ കൂടിയുള്ള എല്ലാ സാഹസികതക്കും ഇവിടെ സൗകര്യം ഒരുക്കിയിട്ടുണ്ട്. ഷൂസും കോട്ടും മറ്റു പകരണങ്ങളും അവിടെ കിട്ടും.സ്കൈ ചെയ്യാൻ ശാസ്ത്രീയമായി പഠിപ്പിച്ചു തരാൻ നല്ല പരിശീലകരും ഉണ്ടവിടെ. നമുക്ക് റൈഡറുകളിൽക്കയറി ഉയരത്തിൽ എത്താം. അവിടുന്ന്സ്ക്കൈയിഗ് നടത്താം. അവിടെ 3000 സ് സ്ക്കയർ മീറ്ററോളം മഞ്ഞുതന്നെയാണ്. ഒരു സ്പോഞ്ച് കിടക്കയിൽക്കിടന്ന് ഉയരത്തിൽ നിന്ന് മഞ്ഞിലൂടെ തെന്നിയിറങ്ങാം. അതൊരു വല്ലാത്ത അനുഭവമാണ്. അതുപോലെ ഒരു വലിയ കുമിളക്കകത്തു കയറി ഉരുണ്ട് താഴേക്ക് ഉരുളാം.45° ചൂടിൽ നിന്ന് _ 4°യിലേക്ക്. ഒരു വല്ലാത്ത അനുഭവമാണ്. 
  അവിടെ മറ്റൊരിടത്ത് പെൻഗ്വിനുമായി സല്ലപിക്കാം.കുട്ടികൾക്കും. വലിയ വർക്കും ഒരുപോലെ ആസ്വദിക്കാം. ,അതിനകത്ത് ഒരു കഫേ ഉണ്ട്. "ദി സെന്റ് മോറിറ്റ് കഫേ. സ്വിസ്റ്റർ ലറ്റിലുള്ള ഒരു മഞ്ഞുമൂടിയ സ്ഥലത്തിെന്റ പേരാണ് "സെന്റ്.മോരിറ്റ് ". അവിടെക്കിട്ടുന്ന സ്നാക്സും കാപ്പിയും പ്രസിദ്ധമാണ്. 

ഒരു പുതിയ അനുഭവമായി, അനുഭുതിയായി കുറച്ചു സമയം. അതാണ് ഈ സ്ക്കീ ദൂബായി നമുക്ക് സമ്മാനിച്ചത്.....