നാലുകെട്ട്

     മദ്യപാനം      [കീശക്കഥ-17]

      ചാക്കോച്ചൻ ഉഗ്രപ്രതാപിയാണ്. ഒരു കാഞ്ഞിരപ്പിള്ളിക്കാരൻ ക്രിസ്ത്യാനി.കുറ്റിത്തല മുടി. ക്ലീൻ ഷേവ് വെള്ള ഖദർ ഷർട്ടും മുണ്ടും. ഒരു രാഷ്ട്രീയക്കാരന്റെ മട്ടും ഭാവവും. അന്ന് ലയൻസ് ക്ലബിന്റെ മീററി ഗ് കഴിഞ്ഞു വരുകയാണ്. കൂടെ ഭാര്യയും ഉണ്ട്.അസമയമായി.മാടനും,മറുതയും കള്ളനും പോലീസുകാരും മാത്രം ഇറങ്ങി നടക്കുന്ന സമയം. വഴിക്ക് കാറ് പൊലീസ് തടഞ്ഞു. 
"നിങ്ങൾ മദ്യപിച്ചിട്ടുണ്ടോ? മദ്യപിച്ച് വണ്ടി ഓടിക്കരുതെന്നറിഞ്ഞുകൂടെ."
"ഞാൻ മദ്യപിച്ചിട്ടില്ല. അല്ലങ്കിലും ആരെങ്കിലും ഈ അസമയത്ത് മദ്യപിക്കുമോ?"
"നുണ പറയണ്ട ഈ മിഷ്യനിൽ ഒന്ന് ഊതിക്കെ?"
"ഞാൻ മദ്യപിച്ചിട്ടില്ലന്നു പറഞ്ഞില്ലേ "ചാക്കോച്ചന്റെ സ്വരവും കടുത്തു.
ഊതാനാണ് പറഞ്ഞത്.കൂസലില്ലാതെ ചാക്കോച്ചൻ ഊതി.
" ഇതിൽ റീ ഡിഗ് കാണിക്കുന്നുണ്ടല്ലോ? പൊലീസിനോട് നുണ പറയുകയാണല്ലേ."
"ഞാൻ മദ്യപിച്ചിട്ടില്ല. സാറിന്റെ മിഷ്യൻ കേടായിരിക്കും. മാന്യന്മാരെ അപമാനിച്ചാൽ സാറ് വിവരമറിയും"
പോലീസുകാരൻ ഒന്നു പരുങ്ങി.
"സാ റൊരു കാര്യം ചെയ്യ് കാറിൽ എന്റെ ഭാര്യയുണ്ട് അവളെക്കൊണ്ടു കൂടി ഒന്നൂ തി ക്ക് "
"എന്നാൽ ഊത്,
ചാക്കോച്ചന്റെ ഭാര്യ ഊതിയപ്പഴും റീഡിഗ് കാണിച്ചു.. പോലീസുകാരന് സംശയമായി.മിഷ്യൻ കേടായിരിക്കുമോ? ഒരു സ്ത്രീ ഊതിയിട്ടും..... ക്ഷമിക്കണം സാറു പൊയ്ക്കോളൂ"
കുറച്ചു ദൂരം ചെന്നപ്പഴാണ് രണ്ടു പേരും പൊട്ടിച്ചിരിച്ചത്:
"നീ എന്നേക്കാൾ രണ്ടു പെഗ് കൂടുതൽ കഴിച്ചതു് ആ പാവം പോലീസുകാരന്റെ ഭാവനക്കപ്പുറമായിരുന്നു.