നാലുകെട്ട്

പൂവ്വൻ കോഴി [ ലാബോദരൻ മാഷും തിരുമേനീം - 15]

" എങ്ങോട്ടാ യാത്ര ഇനി എങ്കിലുo പറയൂ " മാഷ് അസ്വസ്ഥനായി. കാറിൽ ഈ കോളനിയിൽക്കൂടിയുള്ള യാത്ര അത്ര നല്ലതല്ല "
"മാഷക്ക് പേടിയുണ്ടോ?"
"ഈ സ്പീട് ഒന്നു കുറച്ചാൽ നന്നായിരുന്നു "
പെട്ടന്ന് ഒരു ബ്രക്ക്. എന്തോ വണ്ടിക്കടിയിൽപ്പെട്ടു. വണ്ടി നിർത്തി. ഇറങ്ങി.ഒരു വലിയ പൂവ്വൻ കോഴി.ആള കൾ ഓടിക്കൂടി. ചീത്ത പറഞ്ഞ് ആയുധങ്ങളുമായി. "തിരുമേനീ അകത്തു കയറൂ... ഞങ്ങൾക്ക് വിട്ടു പോകാം."
"സാരമില്ല മാഷേ.. അവർ വരട്ടെ "
അവർ ഞങ്ങളെ വളഞ്ഞു. തിരു മേനി ചീത്ത മുഴുവൻ കേട്ടു.ശാന്തമായി. എന്നിട്ട് അതിൽ പ്രധാനിയെ അടുത്തു വിളിച്ചു. എന്തായാലും പറ്റി. മനപ്രയാസമായി. എന്താ വേണ്ടേച്ചാൽ ചെയ്യാം " തിരുമേനി ശകലം താഴ്ന്നപ്പോൾ അവർക്ക് ആവേശം കൂടി.
"തിരുമേനീ.വേണ്ട... അപകടമാണ് "മാഷ് പേടിച്ചു പോയി.
"ഓഹോ. തിരുമേനിയാണോ...? എന്നിട്ടാണോ ഈ പാതകം;"
" ഇതിനു നഷ്ടപരിഹാരം എത്ര കൊടുക്കണം"
നേതാവ് എല്ലാവരോടും ആലോചിച്ച്. " പാവങ്ങളാണ് ഒരു അഞ്ഞൂറു രൂപാ കൊടുത്താൽ പ്രശ്നം തീരും ".
"ഒരു കോഴിക്ക് അഞ്ഞൂറു രൂപയോ!"മാഷക്ക് അത്ഭുതമായി
"അല്ലങ്കിൽ തിരുമേനി ഇവിടുന്നു പോകില്ല" നേതാവിന്റെ സ്വരം കടുത്തു.
തിരുമേനി ശാന്തമായി അഞ്ഞൂറു രൂപ എടുത്തു കൊടുത്തു.
നേതാവ് ആ ചത്ത കൊഴിയെയും എടുത്ത് പോകാനൊരുങ്ങി
"ഒന്നു നിൽക്കണം" തിരുമേനി നേതാവിന്റെ കയ്യിൽക്കയറിപ്പിടിച്ചു.കോഴിയെ പിടിച്ചു വാങ്ങി വണ്ടിയിലിട്ടു.
"തിരുമേനിക്കെന്തിനാ ഇത്. "
ഞാനതിന്റെ വില തന്ന് അവസാനിപ്പിച്ചതാണ് ഈ കൊഴിയുടെ അവകാശം എനിയ്ക്കാണ്.
സ്തംഭിച്ചു നിന്ന അവരെ നോക്കി ഒന്നു ചിരിച്ച് തിരുമേനി വണ്ടി സ്റ്റാർട്ട് ചെയ്തു....