നാലുകെട്ട്

  നിറങ്ങളുടെ രാജകുമാരി.....

   ഓപ്പറേഷനു മുമ്പ് പത്തു ദിവസം. അതിനു ശേഷം ഒരു മാസം. വേദനയുടെയും യാതനയുടേയും കാലം. ഇത്രയും കാലം ICU - വിൽത്തന്നെ വേണം. അവൾക്ക് പ്രത്യേക മുറിയാണ്. എങ്ങിനെ ഈ അവസ്ഥ ഈ കുട്ടി തരണം ചെയ്യും.എനിക്കു ഭയമുണ്ടായിരുന്നു.പക്ഷേ പതിനായിരക്കണക്കിന് രോഗികളെ കൈകാര്യം ചെയ്തിട്ടുള്ള എനിക്ക് അവൾ ഒ രത്ഭുതമായിരുന്നു. വെറും ഇരുപത്തിമൂന്നു വയസു പ്രായം. വിവാഹം കഴിഞ്ഞിട്ടധികമായില്ല. .നല്ല ഒരു ജോലി കിട്ടിയതേ ഒള്ളൂ. അവൾക്ക് അവളുടെ അസുഖത്തെപ്പറ്റി എല്ലാം അറിയാം. അതു പൂർണ്ണമായും ഭേദമാക്കാമെന്ന് ഒരു ഡോക്ട്ടർ എന്നുള്ള നിലക്ക് എനിക്കുറപ്പുണ്ട്. പക്ഷേ രോഗിയുടെ ഇഛാശക്തി ഇതിനു പ്രധാനമാണ്. അതുപോലെ വേണ്ടപ്പെട്ടവരുടെ സപ്പോർട്ടും.
     ഒരു ദിവസം റൗണ്ട് കഴിഞ്ഞ് കുശലം ചോദിച്ചിറങ്ങിയപ്പോൾ അവൾ നാലായി മടക്കിയ ഒരു ഫേഷ്യൽ ടിഷ്യൂ എനിക്കു നേരേ നീട്ടി. അതു വിടർത്തി നോക്കിയപ്പോൾ ഞാൻ ഞട്ടിപ്പോയി. അതിൽ എന്റെ തന്നെ ഒരു ഛായാചിത്രം വരച്ചിരിക്കുന്നു. 
"സർ: ഒരപേക്ഷയുണ്ട് പറ്റുമെങ്കിൽ പടം വരക്കാൻ ഒരു ക്യാൻവാസും, ബ്രഷും പെയിന്റും ഈ|Cu വിൽ എനിക്കനുവദിച്ചു ത രൂ. നിറങ്ങളെ എനിക്കത്ര മാത്രം ഇഷ്ടമാണ്.. "
ഞാന ത്ഭുതത്തോടെ അവളെ നോക്കി
"ഡൺ "
         പിന്നീട് ഒരത്ഭുതമാണ് അവിടെ നടന്നതു്. ഒരോ ദിവസവും മനോഹരമായ പെയിൻറി ഗ്കളുടെ ഈറ്റില്ലമായി ആ മുറി. ഇത്ര മനസാന്നിദ്ധ്യത്തോടെ ഈ അവസ്ഥയെ നിറങ്ങളിൽ ചാലിച്ച് തരണം ചെയ്യുന്ന അവളെപ്പറ്റി എനിക്ക് ബഹുമാനം കൂടി ക്കൂടി വന്നു.
   അവൾക്കസുഖം ഭേദമായി. നാളെ സിസ്ച്ചാർജ് ചെയ്യും. അന്നു തന്നെ അവൾക്കായി അവളുടെ പെയിന്റിഗ്കളുടെ ഒരെക്സിബിഷൻ ആശുപത്രിൽത്തന്നെ ഞാൻ പ്ലാൻ ചെയ്തിരുന്നു. അവൾ സമൂഹത്തിനു മാതൃകയാകണ്ടതാണ്. അതിന്റെ വാർത്താപ്രാധാന്യം മാധ്യമങ്ങൾ നന്നായി ആഘോഷിച്ചു. സോഷ്യൽ മീഡിയയിൽ അവൾ ഇന്നൊരു റോൾ മോഡലാണ്.
  ചായക്കൂട്ടുകൾ കൊണ്ട് ജീവിതത്തിലെ വലിയ പ്രതിസന്ധി ഘട്ടം ലാഖ വത്തോടെ തരണം ചെയ്ത ധീരവനിത. നിശ്ചയദാർഢ്യം കൊണ്ട് സ്വന്തം ജീവിതം കരുപ്പിടിപ്പിച്ച നിറങ്ങളുടെ രാജകുമാരിക്കഭിനന്ദനം.