നാലുകെട്ട്

  ഹർത്താൽ [ ലംബോദരൻ മാഷും തിരുമേനീം _52]

"തിരുമേനീ ഇന്നു രക്ഷപെട്ടു.ഹർത്താൽ. ഇന്നു സ്ക്കൂളിൽപ്പോകണ്ട."
"ഇന്ന് മാഷ് സന്തോഷത്തിലാണല്ലോ? എങ്ങിനെ പണി എടുക്കാതിരിക്കാം എന്നാലോചിച്ചിരിക്കുമ്പഴാ വീണ് കിട്ടിയ ഒരു ഹർത്താൽ അല്ലേ? "
"ഞാൻ ഹർത്താലിനനുകൂലമാണ്.ഗവ ൺമെന്റിനെതിരെ ജന വികാരം പ്രകടിപ്പിക്കാൻ ഇത്ര എളുപ്പമുള്ള വേറൊരു വഴിയില്ല."
"മാഷ് ഈപ്പറയുന്ന ജനവികാരം ശരിക്കവർ രാഷട്രീയത്തിന് അതീതമായി പ്രകടിപ്പിച്ചാൽ ഇവിടെ ബന്ദും ഹർത്താലും ഒന്നുമുണ്ടാകില്ല"
"തിരുമേനീ ഒരു അരാഷ്ട്രീയ വാദിയാണ്."
"അല്ല. നല്ല വ്യക്തമായ രാഷ്ട്രീയാഭിപ്രായം ഉണ്ട് . ആർക്കും അത് ഇതുവരെപ്പണയം വച്ചിട്ടില്ലന്നേ ഒള്ളു. "
"ഒരു രാഷ്ട്രീയപ്പാർട്ടിയുടെ ശക്തിയല്ലേ അതു കാണിക്കുന്നത്. ജനാധിപത്യത്തിൽ അതാവശ്യമാണ്. "
"അല്ല. ദൗർബല്യമാണ്. ഭയപ്പെടുത്തി അനുസരിപ്പിക്കുന്ന കാടത്തം .പണ്ടത്തേപ്പോലെ ആത്മാർത്ഥതയുള്ള പ്രവർത്തകർ വേണമെന്നില്ല. ഹർത്താൽ വിജയിപ്പിച്ചു കൊടുക്കുന്ന മാഫിയാ സംഘം ഉണ്ട്. അവർക്ക് കാശു കൊടുത്തു് പ്രവർത്തകർ വെറുതെ വീട്ടിലിരുന്നാൽ മതി."
"ഈ അടിമത്വം ഒരാഭരണമായിക്കൊണ്ടു പോകുന്നിടത്തേക്ക് നമ്മുടെ പ്രബുദ്ധം എന്നു പറയുന്ന ജനത മാറിയില്ലേ തിരുമേനീ "
" കാരണം കേരളം വല്ലാതെ രാഷ്ട്രീയവൽക്കരിച്ചു പോയി. എല്ലാം രാഷട്രീയക്കണ്ണിലൂടേയേ കാണൂ.മാഷ് പറഞ്ഞ ശരിക്കുള്ള ജനവികാരമല്ലത്.പ്രതികരണ ശേഷിയില്ലാത്ത, ശബ്ദമില്ലാത്ത ഒരു ജനത ! മാഷ് അങ്ങിനെ അല്ലേ വിശേഷിപ്പിച്ചത്. മാഷേ ഇതധികം കാലം നിലനിൽക്കില്ല. ഒരു ദിവസം അവർ സഹികെട്ട് ഉയിർത്തെഴുനേൽക്കും. അന്ന് ഈരാഷ്ട്രീയപ്പാർട്ടികൾ ജനവികാരം മാനിച്ച് അവരുടെ വരുതിക്ക് വരും. മാഷ് നോക്കിക്കോ."