നാലുകെട്ട്

അച്ചുവിന്റെ ഗിത്താർ [ അച്ചു ഡയറി-254]

മുത്തശ്ശാ അച്ചു ഗിത്താർ പഠിക്കാൻ പോകുന്നുണ്ട്. കുറച്ചു കാലമായുള്ള ആഗ്രഹമായിരുന്നു. പകുതി വച്ച് ഇട്ടു പോകുമോ എന്നാണ് അച്ചനു് പേടി.ഏതായാലും തുടങ്ങി. തുടങ്ങിയാൽ അച്ചു പൂർത്തിയാക്കും. അച്ചൂന് ഉറപ്പുണ്ട്. എല്ലാ ശനിയും ഞായറും ആണ് ക്ലാസ്.ആദ്യമൊക്കെ കൈക്കും വിരളിനും നല്ല വേദന എടുത്തു. പക്ഷേ അച്ചൂന്പററുന്നുണ്ട്.ഒരു കാര്യം അച്ചൂ നുറപ്പായി. ഇതത്ര എളുപ്പമല്ല.എന്നും പ്രാക്ടീസ് ചെയ്യണം. എന്നാലേ പഠിക്കാൻ പറ്റൂ.അച്ചൂന് സ്വന്തമായി ഒരു ഗിത്താർ വാങ്ങിയാലേ അത് നടക്കൂ. എങ്ങിനെയാ അതച്ഛനോട് പറയുക. ആദ്യം അമ്മയോടു പറയാം. കുറച്ചു കൂടി ക്ലാസ്സുകൾ കഴിയട്ടെ. സ്വന്തമായി ഒരു ഗിത്താർ അതച്ചൂ ന്റെ മനസിൽ വലിയ ഒരാഗ്രഹമായി കിടപ്പുണ്ട് മുത്തശ്ശാ.

ഇന്നച്ചൂന്റെ പിറന്നാളാണ്. നാളുവച്ചുള്ള പുറന്നാൾ. ആരേം വിളിച്ചില്ല. ബർത്ത് ഡേ കേക്കില്ല. രാവിലെ കുളിച്ച് പൂജാമുറിയിൽപ്പോയി പ്രാർത്ഥിച്ചു.തിരിച്ചു വന്നപ്പോൾ അമ്മയും അച്ഛനും ചിരിക്കുന്നു.
"ഹാപ്പി ബർത്ത് ഡേ അച്ചൂ..." എന്നു പറഞ്ഞ് നീളമുള്ള ഒരു പെട്ടി സമ്മാനമായിത്തന്നു. അച്ചു അത് പതുക്കെ ത്തുറന്നു നോക്കി. അച്ചൂന്റെ ചങ്കിടിക്കുന്നുണ്ടായിരുന്നു. എന്തായിരിക്കും. അച്ചൂന് പെട്ടന്ന് തുറക്കാൻ പറ്റണില്ല. ഒരു വിധം തുറന്നു. അതിലൊരു " ഗിത്താർ "!.അച്ചു ഞട്ടിപ്പോയി. സ്വപ്നമാണോ. അച്ചൂന്റെ കണ്ണു നിറഞ്ഞു മുത്തശ്ശാ. ഓടിച്ചെന്ന് അമ്മയെ കെട്ടിപ്പിടിച്ചു. കുറച്ചു കഴിഞ്ഞാ അച്ചൂന് പരിസരബോധം വന്നത്. അച്ചു പെട്ടന്ന് ആ ഗിത്താർ കയ്യിലെടുത്തു. പൂജാമുറിയിലേക്ക് ഓടി.ഉണ്ണികൃഷ്ണന്റെ മുമ്പിൽ വച്ചു. അച്ചു ഇന്ന് പ്രാർത്ഥിച്ചപ്പോൾ ഉണ്ണികൃഷ്ണനോട് പറഞ്ഞേ ഉള്ളായിരു