നാലുകെട്ട്

    അച്ചൂന് ഒമ്പാമേ ഇഷ്ടായിരുന്നു........ [അച്ചു ഡയറി- 141]

   മുത്തശ്ശാ ഇവിടെ ഇലക്ഷനാ. പ്രസിഡന്റിനെ തിരഞ്ഞെടുക്കാൻ. ഒബാമാ തന്നെ മതിയായിരുന്നു. അച്ചൂ അത്രക്കും ഇഷ്ടായിരുന്നു. ഒബാമയെ രണ്ടു തവണ കാണാൻ ശ്രമിച്ചതാ. പറ്റിയില്ല. പക്ഷേ"സ്പീച്ച് " കേട്ടിട്ടുണ്ട്. വ്യക്തമായി കുട്ടികൾക്കു പോലും മനസിലാകാൻ പാകത്തിനേ പറയൂ. നല്ല സമാർട്ടാ... ഒബാമാ എന്താണോ മത്സരിക്കാത്തെ
    സ്ക്കൂളിൽ കുട്ടികൾ ട്രംമ്പിനും, ഹിലരി ക്കും വേണ്ടി വഴക്കാണ് .അച്ചു ന് ആരായാലും കൊഴപ്പമില്ല. പക്ഷേ ഹിലാരിയേയാ കൂടുതൽ ഇഷ്ടം. എപ്പഴും ചിരിച്ചു കൊണ്ടേ ഹിലരി സംസാരിക്കൂ. സന്തോഷായിട്ടിരിക്കുന്നവരേയാ അച്ചൂ നിഷ്ടം. ഇവിടെ ഞങ്ങൾക്ക് ആർക്കും ഓട്ടില്ല. പാച്ചുവിന് വേണമെങ്കിൽ ചെയ്യാം. അവൻ ഇവിടുത്തെ സിറ്റി സൺ അല്ലേ? പക്ഷേ അവനു് എയ്ജ് ആയില്ല.മുത്തശ്ശാ ഹിലരി ജയിച്ചാൽ മതിയായിരുന്നു.