നാലുകെട്ട്

മുത്തശ്ശാ നമുക്ക് സ്വിമ്മിഗിനു പോകാം .........

         മുത്ത ശ്ശാ നമുക്ക് സ്വിമ്മിംഗ് പൂളിൽ പോകാം .അച്ചുവിന് നീന്തൽ ഇഷ്ട്ടാണ് .  മുത്തശ്ശ ന് നീന്തൽ  

   അറിയോ .അവിടെ ഒരു ചൂട് മുറിയുണ്ട് ."ഹോട്ട് സ്പാ "എന്നാണ് ടീച്ചർ പറഞ്ഞത് . അവിടെ ഇരുന്നാൽ ശരീരം ചൂടാക്കാം . പത്തു മിനിറ്റിൽ കൂടുതൽ മുത്തശ്ശൻ ഇരിക്കണ്ട .കുട്ടികൾക്ക് അവിടെ കയറാൻ പാടില്ല . അതുകഴിഞ്ഞ് ഷവറിൽ കുളിച്ച് സ്വിമ്മിംഗ് സ്യൂട്ട് ഇട്ടു വേണം പൂളിൽ പോകാൻ . അവിടെ കുറേപ്പേർ ഉണ്ടാകും .മുത്തശ്ശനും നീന്താം . അവിടെ "ഡൈവിംഗ് "ഉണ്ട് .മുത്തശ്ശൻ അതിനുപോകണ്ട . അച്ചു നീന്താൻ നന്നായിപ്പടിച്ചു .പൂളിന്റെ അടിയിൽ നിന്ന് അച്ചു എല്ലാം മുങ്ങിയെടുക്കും ."അക്വാ എഗ്ഗ് ഹണ്ട് " ഉണ്ട് .കൂട്ടുകാരുമൊത്തു നല്ലരസാ .

        മുത്തശ്ശാ തണൂക്കുന്നുണ്ടങ്കിൽ ഇവിടെ ഒരു ചെറിയ പൂൾ ഉണ്ട് ."ജക്കൂസി "...ഒരു ഹോട്ട് സ്പാ .അതിനു      ചുറ്റുനിന്നും ചൂടുവെള്ളം ശക്ത്തിയായി പമ്പ് ചെയ്തുകൊണ്ടിരിക്കും . അത് ശരീരത്തിനു ഒരു മാസ്സേയ്ജു്  ആണ് .അച്ഛൻ പറഞ്ഞതാണ് .അവിടെ കുട്ടികൾ ഇറങ്ങാൻ സമ്മതിക്കില്ല .പൊള്ളും . "മസ്സേയ്യ്ജ് " എന്നു പറഞ്ഞാൽ എന്താണ് മുത്തശ്ശാ ? .മുത്തശ്ശന് ദാഹിക്കുന്നുണ്ടോ ? ഇവിടെ പ്രസ്സ് ചെയ്‌താൽ മതി .തണുത്ത വെള്ളം വരും .വായ്‌ അവിടെ വച്ച് വെള്ളം കുടിക്കാം . 

       മുത്തശ്ശന് മടുത്തങ്കിൽ പോകാം .വീണ്ടും സോപ്പ് തേച്ച് കുളിക്കണം . നനഞ്ഞ ഡ്രസ്സ്‌ അവിടെ ഒരു മിഷ്യനിലിട്ട് പ്രസ്‌ ചെയ്‌താൽ മതി ഉണങ്ങി ക്കിട്ടും .ഇന്ത്യയിൽ ഇതൊക്കെ ഉണ്ടോ ?. അച്ചുവിന് ഇന്ത്യയിലേക്ക്‌ പോകാൻ തിരക്കായി