നാലുകെട്ട്

   അച്ചുവിൻറെ  "ടൈം ഔട്ട്‌ "......

      ഇന്ന് അച്ചുവിനെ കൊണ്ടുവരാൻ മുത്തശ്ശനാണല്ലോ വന്നത് . അച്ചുവിന് സന്തോഷായി .എന്നാലും   അച്ചുവിന് ഇന്ന് ഒരു സങ്കടമുണ്ട്  . ഇന്നു  ജോബിനെ ടീച്ചർ  ടയിം ഔട്ടിൽ ഇരുത്തി . ജോബ്‌ എൻറെ ബെസ്റ്റ് ഫ്രണ്ടാ . "ടയിം ഔട്ട്‌ "എന്താണന്നു മുത്തശ്ശനറിയോ  ?.കുട്ടികൾ വികൃതി കാണിച്ചാൽ ക്ലാസിന്റെ മൂലയിൽ ഒരുകസേരയിൽ ഒറ്റക്കിരിക്കണം .മിണ്ടാൻ പാടില്ല .കൂടുത്തൽ "ക്രയ്സി " ആയാൽ വാണിംഗ് പോലും ഇല്ലാതെ "ഔട്ട്‌ സൈഡ് ടൈം ഔട്ട്‌ " ഉണ്ട് .കൂട്ടുകാരെ കാണാൻ പോലും പറ്റില്ല .ശരിക്കും സങ്കടം വരും .തെറ്റ് എന്താണന്നു തിങ്ക്‌ ചെയ്യാനാണത്. തെറ്റ് മനസിലാക്കി റിപ്പണ്ട് ചെയ്യണം അപ്പോൾ കയറ്റിയിരുത്തും .

      ഇന്ന് അച്ഛൻ എന്നെ  ടൈം ഔട്ടിൽ ഇരുത്തും എന്നാ തോന്നണേ .ഇന്നു ടിഫിൻ മുഴുവൻ കഴിച്ചില്ല .ഫുഡ്‌ കഴിക്കാതിരുന്നാൽ ടൈം ഔട്ടിൽ ഇരുത്തും എന്നാ പറഞ്ഞിരിക്കുന്നെ .  ജോബ്‌ പകുതി കഴിച്ച് ബാക്കി ട്രാഷിൽ ഇടും . അത് ചീറ്റിങ്ങാ . അച്ചു അത് ചെയ്യില്ല . ടൈം ഔട്ടിൽ  ഇരുത്തിയാലും അച്ഛനെ ചീറ്റ് ചെയ്യാൻ പാടില്ല .ആരേം ചീറ്റ് ചെയ്യാൻ പാടില്ല . ടൈം ഔട്ടിൽ ഇരുത്തിയാൽ അച്ചുവിന് സങ്കടം വരും .അച്ഛനും സങ്കടമുണ്ട് . കൂടുതൽ സങ്കടം അമ്മയ്ക്കാ .അതാ അച്ചുവിന് സങ്കടം .  ഇതെന്തിനാ മുത്തശ്ശാ എല്ലാവർക്കും സങ്കടത്തിന്‌ ഒരു ടൈം ഔട്ട്‌ .