നാലുകെട്ട്

  അച്ചുവിന് ആനേ ഇഷ്ട്ടാ ..............

മുത്തശ്ശൻ കൊണ്ടുവന്ന ആനയുടെ ഒരു കൊമ്പ് ഒടിഞ്ഞു പോയി . അതെങ്ങിനാ ശരിയാക്കുക. മുത്തശ്ശന് ആനേ ഇഷ്ട്ടാണോ ? .അച്ചുവിന് ഭയങ്കര ഇഷ്ട്ടാ . കഴിഞ്ഞ തവണ ഇന്ത്യയിൽ പോയപ്പോൾ ഹണ്ടെർഡ് എലെഫന്റിനെ കണ്ടു . ആറാട്ടുപുഴ പൂരത്തിന് . അച്ചുവിൻറെ ഇല്ലത്തിനു മുമ്പിലാ പൂരം . രാവിലെ തന്നെ ആനകൾ വരും . ലോറിയിലാ കൊണ്ടുവരുന്നെ .എന്നെ അച്ഛൻ കൊണ്ടുപോകും .വലിയ ആനകളാ .തിരുവമ്പാടി ശിവസുന്ദറിനെ  ആണ് അച്ഛനിഷ്ട്ടം . അച്ചുവിന് എല്ലാ ആനകളേം ഇഷ്ട്ടാ .ആനകളെ പുഴയിൽ കൊണ്ടുപോയി കുളിപ്പിക്കും .പുഴക്കരയിൽ പോയി ക്കാണും .അച്ചുവിന് പേടിയുണ്ട് . എന്നാലും ഇ ഷ്ട്ടാ .ആന തുമ്പിക്കയ്യിൽ വെള്ളമെടുത്ത്  ഫൌണ്ടൻ പോലെ  ചീറ്റും .

   വൈകിട്ട് ആനകളെ തലേക്കെട്ട് കെട്ടിക്കുന്നത് കാണാനും പോകും .എന്തു ഭംഗിയാണന്നോ.  ഇല്ലത്ത് എഴുന്നളിച്ച് വരും .ആനക്കാരൻ അച്ചുവിനെ ആനയുടെ ചുവട്ടിൽ കൂടി കൊണ്ടുപോയി .അച്ചുവിൻറെ പേടി മാറാനാ  അമ്മ പറഞ്ഞു .അന്നേരം അമ്മക്കാ പേടിയായത് . പക്ഷെ "ഫയർ വർക്ക്‌ " അച്ചുവിന് പേടിയാ . കാണാനിഷ്ട്ടാ .പക്ഷേ അതിൻറെ ശബ്ദം.അച്ചു ചെവി പൊത്തിപ്പിടിക്കും. ഈ "ഫയർ വർക്ക്‌ "ഇല്ലായിരുന്നെങ്കിൽ ആനയെ കാണാൻ ഒന്നുകൂടി പോകാമായിരുന്നു