നാലുകെട്ട്

അച്ചുവിൻറെ  "ചക്കി ചീസ് "....

          മുത്തശ്ശാ നമുക്ക് ചക്കി -ചീസിൽ ഒന്ന് പോയാലോ .  അവിടെ നല്ല രസമാണ് . കൌണ്ടറിൽ പത്ത് ഡോളർ കൊടുത്താൽ കുറേ കൊയിണ്‍ കിട്ടും .അതുകൊണ്ട് അകത്തുപോയാൽ പലതരം "ഗെയിംസ് "കളിക്കാം . ഈ കൊയിണ്‍ ഇട്ടുവേണം കളിക്കാൻ . . ഒത്തിരിതരം വീഡിയോ ഗെയിം ഉ ണ്ട് ' .കാർ ചയിസ് ,ബൈക്ക് റയിസ് എല്ലാം അവിടുണ്ട് .  കളിക്കുമ്പോൾ നമുക്ക് കിട്ടുന്ന പൊയന്റിനു ടിക്കറ്റുകൾ കിട്ടും .അവസാനം ഈ ടിക്കറ്റുകളുടെ വില അനുസരിച്ച് നമുക്ക് സമ്മാനങ്ങൾ കിട്ടും .  ചക്കി -ചീസ് ഇന്ത്യയിൽ ഉണ്ടോ? .അമേരിക്കയിൽ പലിടത്തും ഉണ്ട്. അച്ചുവിന്റെ "ബർത്ത് ഡേ സെലിബ്രെഷൻ" ഇവിടെ വച്ചായിരുന്നു .  

       ചക്കി ഒരെലിയാണ് .ആ കാർട്ടൂണ്‍ കഥാപാത്രത്തെ അച്ചുവിന് ഇഷ്ടാ .ചക്കിയുടെ വേഷം കെട്ടി ഒരാൾ ഇപ്പം വരും . അതിൻറെ കൂടെ നിന്നു ഫോട്ടോ എടുക്കാം . ഡാൻസ് ചെയ്യാം .മുത്തശ്ശന് ഫോട്ടോ എടുക്കണോ .? അവിടെ നമുക്ക് "ഫുഡ്‌ "കിട്ടും . "ചക്കി ചീസ് പിസ്സ " ആണ് അച്ചുവിനിസ്ട്ടം. മുത്തശ്ശന് എന്താ വേണ്ടത് . നോണ്‍ വെജിറ്റെറിയനും ഉണ്ട് .അതുപോലെ  ആ കുപ്പിയിലെ  ബ്ലാക്ക് ജൂസ് ഇല്ലേ   ...അയ്യേ ..നമുക്കങ്ങോട്ടു പോകണ്ട .നമ്മൾ ആ ജ്യൂസ്  കഴിക്കാൻ പാടില്ല . ജോബിന്റെ ഡാഡി കുടിക്കും .ജോബ്‌ പറഞ്ഞതാണ് . കുടിച്ചാൽ ബോധമില്ലാതാകും . പിന്നെ എന്തിനാ മുത്തശ്ശാ ഇവരു അത് കുടിക്കുന്നെ ?...