നാലുകെട്ട്

ലഞ്ച്  വിത്ത്  അച്ചു ......

      മുത്തശ്ശാ സ്കൂളിൽ എൻറെ കൂടെ ലഞ്ചിന് വരുന്നോ ?.12 -മണിക്ക് വന്നാൽ മതി .ഓഫീസിൽ വന്ന് "'വിസിട്ടേസ്സ് സ്റ്റിക്കർ " വാങ്ങണം . ഞങ്ങൾ ഖൂ ആയി ഡയ്നിംഗ് ഹാളിൽ എത്തും . വരുമ്പോൾ മുത്തശ്ശനോട് മിണ്ടില്ല .  'ബബിൾ  ആൻഡ്‌ ഹഗ് "  അങ്ങിനെയേ ഞങ്ങൾക്ക്  വരാവൂ .വായടച്ചുപിടിച്ച്  ആരേം ടച് ചെയ്യാതെ കൈകൾ കെട്ടി .. എൻറെ സ്റ്റിക്കർ അവിടെ കാണിച്ചാൽ ഫുഡ്‌ തരും .24-നമ്പർ ടേബ്ലിലെ ഇരിക്കാവൂ . ഞങ്ങൾ കൂട്ടുകാർ അവിടെ വട്ടം കൂടി ഇരിക്കും . ജോബും ,അവന്തികയും ,അർജുനനും  എല്ലാവരും .എന്തു രസമാണന്നോ .മുത്തശ്ശനും ഞങ്ങളുടെ കൂടെ ഇരിക്കാം .ഞാൻ വെജിട്ടേറീയൻ ആണ് . ജോബ്‌  ചിക്കെണ്‍ കഴിക്കും . ചിക്കനെന്താണന്ന് മുത്തശ്ശനയോ?..അയ്യേ ...            

        മിസ്‌ .കോളിൻ ആണ് എൻറെ ടീച്ചെർ .     എന്തിസ്ടാണന്നോ ഞങ്ങളെ . അടിക്കില്ല വഴക്കുപറയില്ല. പക്ഷെ മൂന്നാമത്തെ വണിങ്ങിനു "ടൈം ഔട്ടിൽ "ഇരുത്തും . അതാ സങ്കടം .പക്ഷെ അച്ചു നല്ലകുട്ടിയാ .വികൃതി കാണിക്കില്ല .എനിക്ക് "ഷയിനിംഗ് സ്റ്റാർ " കിട്ടിയിട്ടുണ്ട് .ചിലപ്പോൾ ജോബിനെ ഇരുത്തും .അപ്പോൾ അച്ചുവിന് സങ്കടം വരും .ജോബ്‌ വികൃതിയാ .പക്ഷേ നല്ല ഉടുപ്പിട്ടെ വരൂ .ഇന്ത്യയിലെ പ്പോലെ ഇവിടെ യൂണിഫോം ഇല്ല .

    സ്കൂളിൽ ഞങ്ങൾ ഗുഡ് ന്യൂസ്‌ പറയണം .അല്ലങ്കിൽ ബാഡ് ന്യൂസ്‌ ."ക്രിസ് ക്രോസിലോ  " അല്ലങ്കിൽ "ആപ്പിൾ ക്രോസിലോ "നിലത്തിരിക്കണം ..ടീച്ചറും നിലത്തിരിക്കും .ലഞ്ച് കഴിഞ്ഞ് ഞങ്ങൾ മേശ ക്ലീൻ ചെയ്യണം .ലഞ്ച് ടൈം കഴിഞ്ഞ് മുത്തശ്ശൻ പൊയ്ക്കോളൂ . ഇനി മുത്തശ്ശന് ഇവിടെ നിൽക്കാൻ പാടില്ല . ബൈ   ബൈ ...