നാലുകെട്ട്

ശ്രീകോവിൽ  നടതുറന്നു ...............

ശ്രീകോവിലിനുള്ളിൽ യുദ്ധം. കാര്യസാധ്യത്തിന്‌ കിട്ടിയ കാണിക്കയാണ് പ്രശ്നം. രണ്ടുകൂട്ടരും കൂടി ഒരു കുരുക്ഷേത്രയുദ്ധം തന്നെ നടത്തി. പല്ലും നഖവും ഉപയോഗിച്ച്. പടയാളികളുടെ അണികൾ അവർ എന്തുചെയ്താലും കൂടെ നിൽക്കും. കോടിക്കണക്കിന് രൂപയുടെ അഴിമതിക്ക് പിടിക്കപ്പെട്ടാലും ഇവർ ഐക്യദാർഢ്യം  പ്രഖ്യാപിക്കും. പക്ഷേ അണികളല്ലാത്ത കഴുതകൾക്ക് നോക്കി നിൽക്കാനാണ് വിധി. നിങ്ങൾ ഒന്നോർക്കുക നന്ന്. ഈ നാട്ടിൽ ഇവർ പരിഹസിക്കുന്ന ഈ കഴുതകളു്ടെ എണ്ണം കൂടിക്കൂടിവരുന്നു. ഒരിക്കൽ അവർ ചൂലും തോക്കുമെടുത്ത് തെരുവിൽ ഇറങ്ങും.

        അവസാനം പ്രസാദവിതരണം. ഇനി ദൂത് . ഒത്തുതീർക്കണം. ക്ഷേത്രഭരണം പോയാൽ ഇവരാരും ഇനി ഈ ക്ഷേത്ര പരിസരത്തു പോലും എത്തില്ല. എല്ലാവരും ഒത്തുകൂടി. ഇത്രവലിയ യുദ്ധത്തിൽ പങ്കുചേരാതെ നിസ്സംഗനായി സിംഹാസനത്തിൽ അമർന്നിരുന്ന ഒരുയുവനേതാവുണ്ട്. മധ്യതിരുവിതാംകൂറിലെ ഒരു ചെറിയ നാട്ടുരാജ്യത്തിനധിപൻ. അങ്ങേരുടെ ഈ നടപടി ശേരിയായില്ല. കൂട്ടായി വിധിച്ചു .അങ്ങേർക്കെതിരെ നടപടി എടുത്ത് ഈ യുദ്ധം അവസാനിപ്പിക്കാൻ തീരുമാനിച്ചു .

      ഒരു ശദ്ധി കലശം കൊണ്ടുപോലും ഇനി ഈ ക്ഷേത്ര പരിശുദ്ധി വീണ്ടെടുക്കാൻ പറ്റില്ലന്നു ലോകം മുഴുവൻ കോട്ടിഘോഷിച്ചു ഭരണ പ്രതിപക്ഷാംഗങ്ങൾ സായൂജ്യമടഞ്ഞു.