നാലുകെട്ട്

    അച്ചൂന് റഡ് ബൽറ്റ് കിട്ടി [അച്ചു ഡയറി- 16 O]
 
  തൈ അക്കൊണ്ടയിൽ റഡ് ബൽറ്റിനുള്ള ടെസ്റ്റായിരുന്നു. അമ്മയാണ് കൊണ്ടുപോയത്. അതു കൊണ്ട് പാച്ചുവും വന്നു. അതാ കൊഴപ്പായെ. മുത്തശ്ശാ അവനെക്കൊണ്ട് ഒരു രക്ഷയുമില്ല. മഹാവികൃതിയാ.  ആരേയും പേടിയില്ല. സാറു പറയുന്ന പോലെ പറയുക. കാണിച്ചു തരുന്നപോലെ കാണിക്കുക. അവന്റെ കളി കാണാൻ നല്ല രസമാ. പക്ഷേ ഇന്ന് ടസ്റ്റ് ആണ്. കുട്ടികളുടെ ശ്രദ്ധ തെറ്റാൻ പാടില്ല. അച്ചു ന്ടൻ ഷൻ ആയി. അമ്മ അവനെ പുറത്തു കൊണ്ടു പോകാൻ ശ്രമിക്കുന്നുണ്ട്. അവൻ പുറത്തു പോയില്ലങ്കി അച്ചൂന്റെ ശ്രദ്ധ തെറ്റും.റഡ് ബൽറ്റ് നഷ്ടപ്പെടും.
    അവസാനം സാറ് അവനെ പുറത്തേക്ക് കൊണ്ടു പോകാൻ പറഞ്ഞു. അമ്മ ഒരു പ്രകാരത്തിൽ അവനെ പുറത്തൂ കൊണ്ടുപോയി. നന്നായി. പക്ഷേ അവനെ 'ഗററ് ഔട്ട് അടിച്ചപ്പോൾ അച്ചൂന് വിഷമായി . അച്ചുവിന്റെ ടസ്റ്റ് കഴിഞ്ഞു. അവൻ പുറത്തിരുന്നു ബഹളം കൂട്ടുന്നുണ്ട്. അവന്റെ അടുത്തെത്താൻ അച്ചൂന്  തിരക്കായി.അങ്ങിനെ ഇടക്ക് പുറത്തു പോയി കൂടാ. എല്ലാം കഴിഞ്ഞപ്പോൾ പാച്ചൂ നെം മറ്റെല്ലാവരേയും അകത്തേക്ക് വിളിച്ചു. അവസാനം റിസൽട്ട് അനൗൺസ് ചെയ്തു. അച്ചൂന് റഡ്ബൽറ്റ്. അച്ചു സന്തോഷം കൊണ്ട് തുള്ളിച്ചാടി.പാച്ചുവും കൈ കൊട്ടുന്നുണ്ട്. ഞങ്ങൾ എല്ലാവരും സാറിന്റെ അടുത്തുവന്ന് ബോ ചെയ്ത് വന്ദിച്ചു. അവനും ഓടി വന്ന് അങ്ങിനെ ചെയ്തു. സാറിന് സന്തോഷായി. അവനും കിട്ടി ഒരു സമ്മാനം.അതാ അച്ചൂന് കൂടുതൽ സന്തോ ഷായേ....