നാലുകെട്ട്

  അച്ചു വിൻറെ ഡയറി ---25 -ആം താള് --------

       മുത്ത ശ്ശനു സങ്കടായോ ?..അച്ചുവിന് ശരിക്കും സങ്കടായി ......

          മുത്തശ്ശൻ ഒരാഴ്ച ടൂറായിരുന്നില്ലേ .അച്ചുവിന് ബോറടിചൂട്ടോ . സങ്കടായി . ഇതുവരെ പാച്ചുവിൻറെ വിസാ ശരിയായില്ല.പാച്ചു അമേരിക്കാൻ സിറ്റിസനാ .ഇവിടെയാ ഉണ്ടായേ . ഇന്ത്യയിലേക്ക്‌ പോകാൻ അവന് വിസാ വേണം .അച്ചുവിന് ഇങ്ങോട്ട് പോരാനാ വിസാ . പാച്ചുവിന് സങ്കടാകും .ഏട്ടൻറെകൂട്ട് ഇന്ത്യക്കാരനല്ലാത്തതിനു .അവനേം ഇന്ത്യക്കാരനാക്കണം .എങ്ങിനെയാണാവോ ?. ഉണ്ണികൃഷ്ണനോട് പറയാം . ഉണ്ണികൃഷ്ണനോടു പറഞ്ഞാൽ അമേരിക്കക്കാര് കേൾകോആവോ .?

          മുത്തശ്ശൻറെ കൂടെ വരണന്നുണ്ട് .വിസയില്ലങ്കിൽ പാച്ചുവിനെ ഇന്ത്യയിൽ ഇറങ്ങാൻ സമ്മതിക്കില്ല .മുത്തശ്ശന് സങ്കടായി ഇല്ലേ .അമ്മയ്ക്കും എല്ലാർക്കും സങ്കടാ .അച്ചുവിനാ കൂടുതൽ സങ്കടം . അച്ചു മുത്തശ്ശൻറെ കൂടെ പൊയ്ക്കൊള്ളാൻ അച്ഛൻ പറഞ്ഞു .അച്ചുവിനിഷ്ട്ടാണ് . പക്ഷേ പാച്ചുവിനെ വിട്ട് അച്ചു ഇല്ല .അമ്മക്കും വിഷമാകും .മുത്തശ്ശനും അമ്മമ്മയും ഇല്ലങ്കിൽ അവനെ നോക്കാൻ അവൻറെ ഏട്ടൻ വേണ്ടേ ?. അതുകൊണ്ടാ . മുത്തശ്ശൻ കുറച്ചു ദിവസം കൂടിത്താമാസിച്ചങ്കിൽ അച്ചുവും പോരാമായിരുന്നു . 

       അച്ചു വലിയകുട്ടിയായി .ഏട്ടനായി . പാച്ചുവിനേം അമ്മയേയും അച്ചുകൊണ്ടുപോയാൽ മതി .അച്ചനിപ്പം വരാൻപറ്റില്ല .അച്ഛൻ പറഞ്ഞതാണ് . അച്ചുഏട്ടനാണങ്കിലും കൊച്ചുകുട്ടിയല്ലേ .അച്ചുവിന് ടെൻഷനാകുന്നുണ്ടിട്ടോ ?.അച്ചുവിന് പറ്റുമായിരിക്കും .പക്ഷേ ലഗേജ് എടുക്കാനാ പ്രശ്നം . പിന്നെ ഇത്രയും സമയം വിമാനത്തിൽ പാച്ചുവിനേയും വച്ച് .അവൻ വികൃതിയാ .ചിലപ്പോൾ ഉറക്കെ കരയും .വിമാനത്തിൽ തോട്ടിൽ ശരിയാക്കാം . എന്നാലും കരഞ്ഞാൽ കൊഴപ്പാകും .എന്താ ചെയ്യാ .                    .