നാലുകെട്ട്

  മ്യൂസിയം ബാറ്റിൽ ഷിപ്പ് ...............

   ഒരു പടുകൂറ്റൻ പടക്കപ്പൽ .നേരിട്ടിതുവരെ കണ്ടിട്ടില്ല . ഹൂസ്ടനിൽ "മ്യൂസിയം ബാറ്റിൽ  ഷിപ്പിൽ " എത്തിയതങ്ങിനെയാണ് . ആ ഗതകാല പ്രതാപിയെ ദൂരെ നിന്നുകണ്ടപ്പോഴേ മനസ്സൊന്നു കിടുങ്ങി .കടും നീലനിറം .ഒരു ഉരുക്ക് കോട്ട .അതിൻറെ ഡക്കിൽ കയറിയപ്പോൾ ത്തന്നെ അവൻറെ പ്രഹരശേഷി  വ്യക്ത്തമായി . പടുകൂറ്റൻ പീരങ്കികൾ പലദിശകളിലേക്ക് തിരിച്ച്‌ ഉറപ്പിച്ചിരിക്കുന്നു .അതിൽ "ബോഫോര്സ് തോക്ക് "പെട്ടന്നാണ് കണ്ണിൽ പെട്ടത് . ഒരു ഇന്ത്യാക്കാരന് ആ പേര് മറക്കാൻ സാധിക്കില്ല . അത്ര അധികം  കോളിളക്കം ഉണ്ടാക്കിയതാണല്ലോ അത് .

  രണ്ട് ലോകമഹായുദ്ധങ്ങളിലുംഅമേരിക്കക്കുവേണ്ടി അവൻ പങ്കെടുത്തിട്ടുണ്ട് .അതുപോലെ മറ്റനേകം ചെറു യുദ്ധങ്ങളിലും . ഒരുകാലത്ത് അമേരിക്കൻ നാവികസേനയുടെ പതാക വാഹിനി ആയിരുന്നു അവൻ .  നൂറ് വർഷത്തിന് മേൽ പ്രായമുള്ള ഈ ഭീകരനെ പ്രായം ബാധിചിട്ടില്ലന്നു തോന്നി . 553 -അടിയോളംനീളമുള്ള അവനെ നന്നായി പരിപാലിച്ചിരിക്കുന്നു .

    അതിൻറെ അകത്തെ സൌകര്യങ്ങൾ നമ്മുടെ ഭാവനക്കപ്പുറമാണ് . അന്നത്തെ യുദ്ധക്കപ്പലിൽ ഇത്രമാത്രം സൌകര്യം ഉണ്ടങ്കിൽ ഇപ്പഴത്തെ അത്യന്താധുനിക യുദ്ധ ക്കപ്പലുകൾ എങ്ങിനെ ആയിരിക്കും !.

    ഇനിയും വേണമെങ്കിൽ ഒരങ്കത്തിന്‌ ബാല്യമുണ്ട് എന്ന് വിളിച്ചോതി  ആ വീരനായകാൻ നമുക്ക് വിടനൽകി .