നാലുകെട്ട്

  കൈക്കുമ്പിളിലെ പാൽപ്പായസം.....

      ഒരു കൈക്കുമ്പിളിൽ നിറയെ പാൽപ്പായസം. കൊതിയൂറുന്ന നറുമണം. അതാ സ്വദിച്ച് കഴിക്കണം. അപ്പഴാണ് പെരുവിരലിനിടയിലൂടെ ഒരു തുള്ളി ചോർന്നു പോകുന്നു. പെട്ടന്ന് കൈ തിരിച്ച് ആ ഒഴുകിപ്പോയ പാൽപ്പായസം നക്കിക്കുടിച്ചു.പിന്നെ സംഭവിച്ചതെന്തന്നു പറയണ്ടല്ലോ? കൈക്കുമ്പിളിലെ പാൽപ്പായസം മുഴുവൻ നിലത്തു വീണു..

             അമ്പലങ്ങളിലും പള്ളികളിലും ദൈവത്തെ അന്വേഷിച്ച് നമ്മൾ ഓടി നടക്കുന്നു. സ്വന്തം കൈക്കുമ്പിളിൽ നിറഞ്ഞു നിൽക്കുന്ന ഈശ്വരചൈതന്യം നമ്മൾ അറിയുന്നില്ല. നമ്മുടെ തന്നെ ഉള്ളിലാണ് ദൈവം. നമ്മുടെ മനസാക്ഷിയിലും, ഹൃദയത്തിലും ആണ് ഈശ്വരൻ.നമ്മുടെ നല്ല പ്രവർത്തികളാകണം ഈശ്വരപൂജ. ബാക്കി എല്ലാം ദൈവങ്ങളുമായുള്ള ഉടമ്പടിയാണ്. ദൈവവുമായി ഉപാധികളോടെ ഒരു ടമ്പടി ആവശ്യമില്ല....