നാലുകെട്ട്

   ഇർമ്മാ കൊടുംകാറ്റ്  [ അച്ചു ഡയറി-177]

അച്ചൂന് പേടിയാകുന്നു മുത്തശ്ശാ. അച്ചൂന്റെ ഒരു പെൻഫ്രണ്ടിന്റെ കാര്യം എഴുതിയിരുന്നല്ലോ? അവനിപ്പോൾ ഫ്ലോറി ഡയിലാ. അവിടെ കൊടുംകാറ്റ് ആഞ്ഞടിക്കാൻ പോകുകയാ. കാറ്റഗറി - 5. അവനോട് അച്ഛനേം അമ്മേം കൂട്ടി ഉടനെ വെർജീനിയക്ക് പോരാൻ പറഞ്ഞതാ.അച്ചുവിന്റെ വീട്ടിൽ താമസിക്കാം. അവർ പുറപ്പെട്ടിരുന്നു. അച്ചു കാത്തിരിക്കുകയായിരുന്നു.

     അപ്പഴാ അവന്റെ അച്ഛന്റെ ഫോൺ. അവർ ട്രാഫിക് ബ്ലോക്കിൽ കുടുങ്ങി.ഇനിയും ഇരുപതു മണിക്കൂർ ഡ്രൈവുണ്ട്. അവർ കാറ്റിന്റെ ശല്യമില്ലാത്ത ഒരു സ്ഥലത്തേക്ക് പോവുകയാ. രണ്ടു ദിവസത്തേക്കുള്ള ഫുഡ് മാത്രമേ സ്റ്റോക്കുള്ളു. അതു കൊണ്ട് വരുന്നില്ലത്രേ. അച്ചൂന് സങ്കടായി.അവർ തിരിച്ചു പോയാൽ... കൊടും കാറ്റും .വെള്ളപ്പൊക്കോം... അച്ചൂന് ഓർക്കുമ്പോൾ പേടിയാകുന്നു. 
       അച്ചു ടി.വിയുടെ മുമ്പിലാണ്.CNN News. ഇപ്പഴാ അറിഞ്ഞത് കാറ്റിന്റെ ഡയറക്ഷൻ മാറി എന്ന്.ലോഗിൻ താമസിക്കാൻ തീരുമാനിച്ചിടത്തേക്കാ കാറ്റ്. അവനെ വിളിച്ചിട്ടു കിട്ടുന്നില്ല. ലോഗിന് ഒന്നും പറ്റരുതേ. അവൻ എ വിടെ ആയാലും സെയ്ഫായിരുന്നാൽ മതി. അച്ചൂന് ഒന്നും ചെയ്യാൻ പറ്റില്ല.പ്രാർത്ഥിക്കാം. ഉണ്ണികൃഷ്ണനോട് പറയാം. ഉണ്ണികൃഷ്ണന് കാറ്റിനെ തോൽപ്പിക്കാനറിയാം. അച്ചു വായിച്ചിട്ടുണ്ട്. അമ്പത്തി ആറ് ലക്ഷം പേരാ രക്ഷപെട്ട് പോരുന്നത്.ഇവർ എവിടെത്താമസിക്കും. എന്തു കഴിക്കും.
     അച്ചു അയച്ചുകൊടുത്ത മയ്യിൽപ്പീലി അവന്റെ കയ്യിൽ ഉണ്ടാകും. അത് കയ്യിൽപ്പിടിച്ച് പ്രാർത്ഥിച്ചാൽ മതി. അവനെ വിളിച്ചിട്ട് കിട്ടുന്നുമില്ല. ലോഗിന് ഒന്നും പറ്റാതിരുന്നാൽ മതിയായിരുന്നു.