നാലുകെട്ട്

അച്ചു ഉണ്ണികൃഷ്ണന്റെ കട്ട ഫാനാ [അച്ചു ഡയറി-176]

      ഇന്ന് ഉണ്ണികൃഷ്ണന്റെ ഹാപ്പി ബർത്ത് ഡേ അല്ലേ? അവിടെ ഉണ്ണികൃഷ്ണന്റെ വേഷം കെട്ടി ശോഭായാത്ര ഉണ്ടാകും അല്ലേ മുത്തശ്ശാ. അമേരിക്കയിൽ ഇതൊന്നുമില്ല. ഇസ്ക്കോണിന്റെ അമ്പലമുണ്ട്. അവിടുത്തെ ഉണ്ണികൃഷ്ണനെ അച്ചൂനിഷ്ടല്ല. നാട്ടിലേയാ നല്ല ഭംഗി. ഒരു പ്രാവശ്യം അ ച്ചു ഉണ്ണികൃഷ്ണന്റെ വേഷം കെട്ടിയിട്ടുണ്ട്. മയിൽപ്പീലി ഒക്കെ തലയിൽ ചൂടി..... നാട്ടിലേക്ക് വരാൻ തോന്നണു. 

      ഉണ്ണികൃഷ്ണന്റെ മുഴുവൻ കഥയും അച്ചു വായിച്ചിട്ടുണ്ട്. കാളിയനെ ഓടിച്ച് കാളിന്ദിയിലെ വിഷം മാറ്റി ശുദ്ധമാക്കിയതാ അച്ചൂന് ഏറ്റവും ഇഷ്ടം. സ്കൂളിൽ എൻ വയർമെന്റ് ഡേയിൽ അച്ചു ഈ കഥ പറഞ്ഞു. എല്ലാവർക്കും ഇഷ്ടായി. അച്ചൂന് ഉണ്ണികൃഷ്ണനേയാ ഏറ്റവും ഇഷ്ടം. ഉണ്ണികൃഷ്ണന്റെ ഒരു കട്ട ഫാനാ അച്ചു. 

  അന്ന് അമ്മമ്മരാവിലെ മുതൽ ഒന്നും കഴിക്കില്ലന്നമ്മ പറഞ്ഞു.ഉമിനീരു പോലും ഇറക്കില്ലത്രെ. മിഡ്നൈറ്റിലാ ഉണ്ണികൃഷ്ണൻ ഉണ്ടായത്. അതു കഴിഞ്ഞേ കഴിക്കൂ. പുറന്നാളിന് ആരെങ്കിലും പട്ടിണി കിടക്വോ? നല്ല സദ്യ ഉണ്ടാക്കി കഴിക്കണ്ടതല്ലേ? .ആരാ പറയുക. മുത്തശ്ശന് ഒന്നു പറഞ്ഞു കൂടേ......