നാലുകെട്ട്

പ്രവേശനോത്സവം ഒരു പഠനോത്സവത്തിന്റെ തുടക്കം......

    കറി ച്ചിത്താനം ശ്രീ കൃഷ്ണാ ഒക്കേഷണൽ ഹയർ സെക്കന്ററി ഞാൻ പഠിച്ച വിദ്യാലയമാണ്. അവിടുത്തെ ഒരോ മണൽ തരിയും എനിക്ക് പരിചിതമാണ്. പഠിച്ചിരുന്ന കാലത്തുള്ള ആകരിങ്കൽ ഭിത്തിയുള്ള ആ പഴയ ക്ലാസ്റൂം ഇന്നും അതേപടി അവിടെയുണ്ട്. എന്റെ ഗൃഹാതുരത്വ സങ്കൽപ്പത്തിൽ നിറഞ്ഞു നിൽക്കുന്ന ആ ക്ലാസ് റൂംഅവിടെച്ചെല്ലുമ്പോൾ ഒക്കെ ശ്രദ്ധിക്കാറുണ്ട്. ആ പഴയ വള്ളി നിക്കറുകാരന്റെ പരിഭ്രമത്തോടെ ആ ബഞ്ചിൽപ്പോയി ഇരുന്നിട്ടുണ്ട്.ചൊക്ക് കഷ്ണങ്ങളും കല്ലുപെൻസിലും സൂക്ഷിച്ചു വക്കാറുള്ള ആകരിങ്കൽ ഭിത്തിയിലെ വിടവുകൾ എനിക്കിന്നും ഹരം പകർന്നിട്ടുണ്ട്.

        ആ പുണ്യ ക്ഷേത്രത്തിലാണ് പുതിയ കുരുന്നുകളെ വരവേൽക്കാനുള്ള പ്രവേശനോത്സവം, ഐശ്വര്യ ദീപം തെളിച്ച് ഉത്ഘാടനം ചെയ്യാനുള്ള മഹാഭാഗ്യം എന്നെ തേടി വന്നത്. എനിക്ക തൊരു വെറും ചടങ്ങായിരുന്നില്ല., എന്റെ ഹൃദയം കൊണ്ടാണ് ഞാനാ തിരി തെളിച്ചത്
     ആ സരസ്വതീ ക്ഷേത്രത്തിലെ പഠനവും ഒരുത്സവമാകട്ടെ, കഞ്ഞുങ്ങൾക്ക് മാധുര്യമൂറുന്ന ഒരു മഹോത്സവം....