നാലുകെട്ട്

അച്ചു നാട്ടിലേക്ക് [ അച്ചു ഡയറി-2 12 ]

      മുത്തശ്ശാ ഞങ്ങൾക്ക് വെക്കേഷനായി. നാട്ടിലേക്ക് പോരുകയാണ്. അമ്മയും പാച്ചുവും മാത്രമേ ഉള്ളു. അച്ഛൻ പിന്നീട് വരും.അച്ചൂന്  sൻഷൻ ഉണ്ട്. പാച്ചൂ ന്റെ കാര്യം ഓർത്ത്.ഒരു കാര്യം വിചാരിച്ചാൽ അതു നടക്കുന്നത് വരെ വാശി പിടിക്കും.
   വിമാനത്തിൽക്കയറിയപ്പഴേ അവന് എയർ ഹോസ്റ്റസ് ഒരു ഗിഫ്റ്റ് കൊടുത്തു. അവന് സന്തോഷായി.. അവന്റെ മുമ്പിലുള്ള ടി.വി.അച്ചുവച്ചു കൊടുത്തു. അവനിഷ്ടമുള്ള കാർട്ടൂൺ. കുറേ നേരം അങ്ങിനെ പോകും അപ്പഴേക്കും ഉറങ്ങിയാൽ രക്ഷപെട്ടു.
ദൂ ബായിൽ ഇറങ്ങിയാൽ പത്തു മണിക്കൂർ ഉണ്ട് കണക്ഷൻ ഫ്ലൈറ്റിന്.പേരശ്ശി എയറോ ഡ്രോമിൽ വന്നു പി ക്ക് ചെയ്തു. ആദി യേട്ടനും ആമിക്കുട്ടിയെം കണ്ടപ്പോൾ സന്തോഷായി.അവരുടെ വീട്ടിലേക്ക് പോയി. ഉറക്കം വന്നു. എന്നാലും ഉറങ്ങാൻ തോന്നിയില്ല. അവരുമായി ക്കളിച്ചു മതിയായില്ല മുത്തശ്ശാ. സമയമായി .പോരണ്ടി വന്നു . ആകെ സങ്കടായി.
         രാത്രി ഫ്ലൈയിറ്റിന് നാട്ടിലേക്ക് പോരും. നാടുകാണാൻ ധൃതി ആയി. മൂന്നു വർഷത്തിലധികമായി നാട് കണ്ടിട്ട്. മാമ്പഴോം, ചക്കപ്പഴോം ഒക്കെത്തീർന്നു എന്നമ്മ മ്മ പറഞ്ഞു. അതാ അച്ചൂന് വിഷമം എന്നാലും എല്ലാവരേയും കാണാല്ലോ? പാച്ചു ഇൻഡ്യ കണ്ടിട്ടേയില്ല മുത്തശ്ശാ. അവൻ അമേരിക്കൻ സിറ്റി സനാ. അവിടെയല്ലേ അവനുണ്ടായത്. എല്ലാവരെയും നാടും കാണാനുള്ള കൊതിയോടെ അച്ചു നാളെ എത്തും മുത്തശ്ശാ..