നാലുകെട്ട്

അച്ചുവിൻറെ അത്ഭുത ബാഗ് ...........

മുത്തശ്ശാ അലാഡിൻറെ അത്ഭുത വിളക്കിൻറെ കഥ മുത്തശ്ശനറിയോ ? .അലാഡിൻ എന്തു വിചാരിച്ചാലും ആ അത്ഭുത വിളക്കിലെ ഭൂതം സാധിച്ചു കൊടുക്കും . അതുപോലെ അച്ചുവിന് ഒരു അത്ഭുത ബാഗ് കിട്ടിയിട്ടുണ്ട് . അച്ചു മന്ത്രം ജപിച്ച് ആ മാജിക് സ്റ്റിക്ക് കൊണ്ട് ഒരു മാജിക് കാണിച്ചാൽ ആബാഗ് എല്ലാം തരും .അച്ചു മാജിക് പഠിക്കുന്നുണ്ട് അങ്ങിനെ കിട്ടിയതാ ഈ ബാഗ് . ആ ബാഗ് മാത്രം ഞാൻ മുത്തശ്ശന് തരില്ല . അച്ചുവിന് അമേരിക്കയിൽ ചെല്ലുമ്പോൾ അത്യാവശ്യമുണ്ട് . ആർക്കും കൊടുക്കില്ല .പാച്ചു വലുതായാൽ ചിലപ്പോൾ അവന് കൊടുക്കും .

പാച്ചുവിൻറെ ചോറൂണ് അടുത്തു .അവന് ഒരു സമ്മാനം കൊടുക്കണം .അച്ചുവിൻറെ മാജിക് ബാഗിൽ നിന്ന് ഉണ്ടാക്കിക്കൊടുക്കാം ഈ ബാഗിൽ ഭൂതമില്ല . അച്ചുവിന് ഭൂതത്തെ പേടിയാ . അതുകൊണ്ട് അതിനുപകരം മാജിക് സ്ടിക്കാ .