നാലുകെട്ട്

ഓണത്തിനു മുമ്പ്  പാതാളത്തിലേക്ക് ഒരു യാത്ര .......

        ലൂറെ ഗുഹ . ഒരു മായികലോകം . യക്ഷിക്കഥകളിലെ ഭീകര കോട്ടകൾ പോലെ . ഭൂമിക്കടിയിലേക്ക് നമ്മൾക്കിറങ്ങിപ്പോകാം. പടികളിറങ്ങിചെല്ലുംപഴെ വർണ്ണക്കാഷ്ച്ചകൾ . കോടിക്കണക്കിന് വർഷങ്ങൾ  കൊണ്ട് ലയിംസ്ടോണ് ,വെള്ളം ,മറ്റു മിനറൽസ് എന്നിവ കൊണ്ട് രൂപം കൊണ്ടത് . പലവിചിത്ര ആകൃതിയിൽ .മഞ്ഞിൻറെ നിറം . വജ്രത്തിന്റെ കടുപ്പം .

       കിഴക്കൻ അമേരിക്കൻ പർവതനിരകൾക്കുള്ളിൽ നിന്ന് ഉണ്ടായ ഒരു തണുത്ത വായുപ്രവാഹമാണ് ഈ ഗുഹയിലേക്ക് വഴിതുറന്നത് . 1878 -ൽ . ചിലസ്ഥലങ്ങളിൽ ഒരു പത്തുനിലകെട്ടിടത്തിന്റെ  വലിപ്പം .'ഫ്രൈഡ് എഗ്ഗ് ' ആകൃതിയിൽ രൂപപ്പെട്ടിരിക്കുന്നത് കൌതുകകരം . ഞൊറിഞ്ഞുടുത്ത സെറ്റ് മുണ്ട് പോലെയോ ,മനോഹരകൊത്തുപണികളുള്ള കൽത്തൂണുകൾ പോലെയോ വലുതും ചെറുതുമായ വിചിത്രരൂപങ്ങൾ . ഒരു സ്ഥലത്ത് സ്പടികജലം .18 -20 -ഇഞ്ച് ആഴമേ ഉള്ളു . മുകളിലെ വിചിത്രആകൃതികൾ ഒരു മായക്കണ്ണാടീയിൽ എന്നപോലെ പ്രതിഭലിപ്പിക്കുന്നു .മറക്കാനാവാത്ത ഒരു മായക്കാഴ്ച . 

             ലോകത്തിലെ ഏറ്റവും വലിയ ഒരു പ്രകൃതിദത്ത സംഗീതോപകരണം അവിടെ രൂപം കൊണ്ടിരിക്കുന്നു . 'ഗ്രേറ്റ്‌സ്റ്റാലിക് പ്യ്പ് ഓർഗൻ 'അവിടെ ഉണ്ടാക്കുന്ന ചെറിയ ഒരു ശബ്ധം പോലും മൂന്നേക്കർ ഉള്ള ആ ഗുഹ മുഴുവൻ മുഴങ്ങുന്നതായി തോന്നുന്നു . ആ ഗുഹയിൽ നിന്ന് പുറത്തു കിടക്കുമ്പോൾ പാതളവസിയായ മാവേലിത്തമ്പുരാനെ ആണ് ഓർത്തു  പോയത് .