അമീബ. [കീശക്കഥകൾ -1 11]"ഈ തിരഞ്ഞെടുപ്പിൽ അങ്ങ് സ്ഥാനാർത്ഥി ആണോ?""അതെ "" ഈ തൊണ്ണൂറാം വയസിലും അങ്ങയെ സമ്മതിയ്ക്കണം. എന്നാലും മറ്റു പാർട്ടിക്കാരൊക്കെ ചെറുപ്പക്കാർക്ക് അവസരം കൊടുക്കുമ്പോൾ അങ്ങയുടെ പാർട്ടി മാത്രം.?""എൻ്റെ ചെറിയ പാർട്ടിയാണ്. എൻ്റെ പേരിൻ്റെ ആദ്യത്തെ അക്ഷരമല്ലേ പാർട്ടിയ്ക്കുള്ളത്. അപ്പോ ഞാൻ മത്സരിയ്ക്കണ്ടതല്ലേ.? മുന്നണി ഞങ്ങൾക്ക് ഒരു സീററാണ് തന്നത്. അപ്പം എങ്ങിനെ ചെറുപ്പക്കാരെ പരിഗണിയ്ക്കും?"" പാർട്ടി ചെയർമാനും അങ്ങു തന്നെയല്ലേ?""അതിന് നല്ല പരിചയം ഉള്ളവർ വേണ്ടേ.? അതുകൊണ്ടാണ്. ഒരാൾ മാത്രം പൂരിപക്ഷമുള്ള നിയമസഭയിൽ മന്ത്രി സ്ഥാനം കിട്ടിയതും അങ്ങിനെയാണ്."" അങ്ങയുടെ പാർട്ടിയിലെ അണികൾക്കെതിർപ്പില്ലേ?" "ഒരു വലിയ പാർട്ടി പിളർന്നു പിളർന്ന് അല്ലേ ഈ പാർട്ടി ഉണ്ടായത്. വേറൊരാൾ കൂടെ പാർട്ടിയിൽ ഉണ്ടായാൽ വീണ്ടും പിളർന്നാലോ? അതു കൊണ്ട് പാർട്ടിയിൽ ആർക്കും മെമ്പർഷിപ്പ് കൊടുത്തിട്ടില്ല."