നാലുകെട്ട്

  അച്ചുവിന് ഏറ്റവും ഇഷ്ട്ടം "കൊക്കനട്ട് ട്രീയാ "

    മുത്തശ്ശാ ഇന്നു എൻവയർ മെൻറ് ഡേ ആണ് .ഒരു ട്രീ കൊണ്ടുചെല്ലണം ടീച്ചർ പറഞ്ഞു .അച്ചു കൊക്കനട്ട് ട്രീ കൊണ്ടോയാലോ എന്ന് തോന്നണു .അച്ചുവിന് ഏറ്റവും ഇഷ്ട്ടം കൊക്കനട്ട് ട്രീയാ .കരിക്കും വെള്ളം അചൂനിഷ്ട്ടാ .അത് മുഴുവൻ ഗ്ലൂക്കൊസ്സാ .അച്ഛൻ പറഞ്ഞു .എന്തൊരു മധുരം .നാക്ക് തരിക്കും .നല്ല തണുപ്പും . അതിൻറെ ഓലകൊണ്ടാ അപ്പുവേട്ടൻ പന്തുണ്ടാക്കിത്തന്നെ .അടുക്കളയിൽ നാളികേരം പൊട്ടിക്കുമ്പോൾ അച്ചു ഓടി ചെല്ലും .അതിലെ വെള്ളം കുടിക്കാനാ . ചിരകിവക്കുംപോൾ അച്ചു ഒരുകൈ നിറയെ വാരിക്കൊണ്ടോടും .അതു കഴിക്കാനെന്തു രസാ .അങ്ങിനെ അമേരിക്കയിൽ അച്ചുകണ്ടിട്ടില്ല .അമ്മമ്മ വഴക്കുപറയും .എന്നാലും ചിരിചോണ്ടാ വഴക്കുപറയാ. അമ്മയ്ക്ക് അടിച്ചുവാരാൻ ചൂലുണ്ടാക്കാൻ അച്ചുവും കൂടാറുണ്ട് . 

   സ്കൂളിൽ നിന്ന് അച്ചുവിന് ഒരു പ്ലാൻറ് കിട്ടി .ഇഷ്ട്ടമുള്ളത് എടുത്തോളാൻ പറഞ്ഞു . അച്ചു എടുത്തത് നെല്ലി.. അച്ചു തന്നെ അത് കുഴിച്ചിട്ടു . നെല്ലിക്കാ അച്ചുവിനിഷ്ട്ടമില്ലായിരുന്നു .അതിന് കയ്പ്പാ . പക്ഷേ അതുകഴിഞ്ഞ് വെള്ളം കുടിച്ചാൽ അതിന് മധുരം .അതെന്താ അങ്ങിനെ ?.

  അച്ചുവിന് പ്ലാന്റ് നടാനിഷ്ട്ടാ .പക്ഷേ അതിനൊരു ദിവസം എന്തിനാ ..എല്ലാദിവസവും നാട്ടുകൂടെ .