നാലുകെട്ട്

  മനസിലും ഉത്സവത്തിൻറെ കൊടിയിറക്കം .........

                   ഉത്സവത്തിന്‌ കൊടിയിറങ്ങുകയാണ് . എൻറെ മനസ്സ് ഒരു 55 -വർഷം പുറകോട്ടുപോയി . പൂതുക്കോവിൽഏകാദശിവിളക്ക് ഞങ്ങളുടെ ഉത്സവമാണ് . ആനയും മേളവും വച്ചുവാണിഭവും ,കൂത്തും കഥകളിയും കുറത്തിയാട്ടവും ...എന്നുവേണ്ട എല്ലാം ..ശാന്തമായ ഈ ഗ്രാമീണഅന്തരീക്ഷം ശ ബ്ദായമാനമാക്കും . ആനയുടെ ചൂരുവരെ ആസ്വാദ്യകരം . ഉത്സവത്തിന്‌ കൊടികയരുമ്പോൾ മനസും ഒരു പ്രത്യേക തലത്തിലെത്തുന്നു . അന്ന് അതുവരെ സമ്പാദിച്ചുവച്ച നാണയത്തുട്ടുകളുടെ കുടുക്ക പൊട്ടിക്കും . അനിയത്തിക്ക് വള ബലൂണ്‍ എനിക്ക് ഒരു തോക്ക് . പൊട്ടാസ് വച്ച് പോട്ടിക്ക്കുന്ന തോക്ക് . അനിയത്തിക്ക് പേടിയാണ് . അവളുടെ പുറകില്ചെന്നു കാഞ്ചി വലിക്കും .
എല്ലാം പെട്ടന്നു കഴിഞ്ഞു . ആനയെ ഇരുത്തിപ്പൂജിച്ച് കൊടിയിറക്കി ആറാട്ടിന് പുറപ്പെടും . കൊടിമരത്തിൽനിന്ന് ആ കൊടിക്കൂറ താഴുമ്പോൾ മനസിന്‌ ഒരു വിഷമമാണ് . ഇനി അടുത്തവർഷതെക്കുള്ള കാത്തിരുപ്പാണ് . നാണയത്തുട്ടുകൾ ശേഖരിക്കാൻ പുതിയ മണ്കുടുക്ക വാങ്ങി കാത്തിരിക്കും .    

Cli