പുരസ്ക്കാര നിറവിൽ സാനുമാഷ് ശ്രീ.എം.കെ.സാനു .എൻ്റെ പ്രിയപ്പെട്ട സാനുമാഷ്.ഇരുപതാമത്തെ വയസിൽ അദ്ധ്യാപകനായി. നീണ്ട നാൽപ്പത് വർഷം മഹാരാജാസിൽ. അദ്ദേഹത്തിൻ്റെ എഴുത്തു പേനക്ക് വഴങ്ങാത്തതൊന്നുമില്ല.അദ്ദേഹത്തിൻ്റെ പ്രഭാഷണങ്ങൾ സാമൂഹിക മാറ്റങ്ങൾക്ക് ആക്കം കൂട്ടി. സാമൂഹിക സാംസ്ക്കാരിക സാഹിത്യ മേഘലകളിലെ സമഗ്ര സംഭാവക്ക് ഇത്തവണത്തെ ദേശാഭിമാനി പുരസ്ക്കാരത്തിന് അദ്ദേഹത്തെ അർഹനാക്കി. എറണാകുളത്തെ പ്രബോധാ ട്രസ്റ്റുമായുള്ള പ്രവർത്തനത്തിലാണ് അദ്ദേഹത്തെ അടുത്തറിയാനിടയായത്. എൻ്റെ "കൃഷ്ണൻ്റെ ചിരി " എന്ന പുസ്തകം അദ്ദേഹമാണ് പ്രകാശനം ചെയ്തത്. എൻ്റെ മറ്റു പുസ്തകങ്ങളെപ്പറ്റിയും അദ്ദേഹം സൂചിപ്പിച്ചു.അൽഭുതം തോന്നി'ഈ തിരക്കിനിടയിലും നിസാരനായ എൻ്റെ എഴുത്തിനെ ഇത്ര ആധികാരികമായി വിലയിരുത്തിയപ്പോൾ. ഈ തൊണ്ണൂറ്റി ആറാം വയസിലും പൊതുമണ്ഡലത്തിൽ നിറഞ്ഞു നിൽക്കുന്ന സാനുമാഷ് ഞങ്ങൾക്കൊക്കെ വലിയ പ്രചോദനമാണ്