തൈര് മുളക് [തനതു പാകം - 32 ]കൊണ്ടാട്ടം മുളകിന് പറ്റിയ എരിവു കുറഞ്ഞ, വലിയ പച്ചമുളക് അരക്കിലോ വാങ്ങി ഉപ്പും മഞ്ഞപ്പൊടിയും ഇട്ട വെള്ളത്തിൽ ഒരു മണിക്കൂർ ഇട്ടു വയ്ക്കണം. മുളക് എടുത്ത് കത്തി കൊണ്ട് കുറച്ചു നീളത്തിൽ കീറി വയ്ക്കണം.അതിൽ പാകത്തിന് പൊടിയുപ്പും, മഞ്ഞൾപ്പൊടിയും ചേർത്ത് തിരുമ്മി ഒരു ദിവസം അടച്ചു വയ്ക്കണം.ഒരു ചീനച്ചട്ടിയിൽ കുറച്ച് വെണ്ണ ഇട്ട് ചൂടാക്കണം. നന്നായി ഉരുകി ചൂടായാൽ നമ്മൾ തയാറാക്കി വച്ച പച്ചമുളക് അതിലിട്ട് ഒന്ന് ഉലത്തി എടുക്കണം.അതിലേക്ക് ഒരു കപ്പ് കട്ട തൈർ ചേർത്ത് ഇളക്കി വററിക്കയണം.അത് ഒരു പാത്രത്തിൽ ഇട്ട് കുറച്ചു തൈര് കൂടിച്ചേർത്തു അടച്ചു വയ്ക്കണം. പിറ്റെ ദിവസം അത് ഒരു സ്റ്റീൽപ്ലെയിറ്റിൽ വെയിലത്തുവച്ച് ഉണക്കണം. വൈകിട്ട് വീണ്ടും മുളക് ഈ തൈരിൽ ഇട്ടു വയ്ക്കണം.ആ തൈരു മുഴുവൻ ആഗീരണം ചെയ്തു വീർത്ത മുളക് വീണ്ടും പിറേറദിവസം വെയിലത്തിടണം. അങ്ങിനെ രണ്ടു ദിവസം ആവർത്തിക്കണം. നന്നായി ഉണക്കി ജലാംശം വററിച്ച തൈര് മുളകിന് നല്ല സ്വാ ദാണ്.