നാലുകെട്ട്

      സന്തോഷ് എച്ചിക്കാനം... ഇന്നൊരു ദന്തഗോപുരവാസി......

  ഞാൻ പ്രിന്റഡ് മീഡിയ ഉപേക്ഷിച്ച് സോഷ്യൽ മീഡിയയിൽ വന്നവനാണ്. ഇവിടെ ദന്തഗോപുരവാസികൾ ഇല്ല. എല്ലാവരും ഭുമിയിൽ കാലുറപ്പിച്ച് നിൽക്കുന്നവർ. അവരുടെ രചനകൾക്ക് ജാഡകൾ ഇല്ല.അവകാശവാദങ്ങളും. തുറന്ന എഴുത്ത്.

    പിന്നെ എന്തിന് പുസ്തകമാക്കുന്നു? അദ്ദേഹത്തിന്റെഅടുത്ത ചോദ്യം. എന്റെ "അച്ചുവിന്റെ ഡയറി " പുസ്തകമാക്കുന്നുണ്ട്. സോഷ്യൽ മീഡിയയിലെ സൗഹൃദകൂട്ടായ്മയാണ് അതിനിത്രയും പ്രാധാന്യം ഉണ്ടാക്കിത്തന്നത്. അത് ബുക്ക് ആക്കാൻ ധൈര്യം തന്നതും. എനിക്ക് സോഷ്യൽ മീഡിയയിലെ എഴുത്തുകാരോട് ബഹുമാനമാണ്. കടപ്പാടും ഉണ്ട്.ഇതിനൊടകം അവർ തന്ന കമന്റുകൾ തന്നെ പുസ്തകത്തിന്റെ അവതാരികക്കുതകുന്നതാണ്ട്. അത്ര മനോഹരമാണ് ആ കുറിപ്പുകൾ പലതും. ഇവിടെ എന്റെ എഴുത്ത് വായി ക്കപ്പെടുന്നു എന്നെനിക്കറിയാനും പറ്റും. ഞങ്ങൾ പാവങ്ങൾ ജീവിച്ചു പോകട്ടെ.......