മുത്തശ്ശാ അച്ചു വല്ലാത്ത ഡിലമയിലാ [ അച്ചു ഡയറി - 100 2] മുത്തശ്ശാഞങ്ങൾക്കിപ്പം വെക്കേഷനാണ്.അച്ഛനും അമ്മക്കും ഓഫീസിലും വീട്ടിലുമായി പൊരിഞ്ഞ പണി. എല്ലാവരും ഒന്നിച്ചിരുന്ന് ഒന്നു സംസാരിക്കാൻ പോലും സമയമില്ല.അതിനാണ് എല്ലാവരും കൂടി ഒരാഴ്ച്ചത്തെ ഒരു ടൂർ പ്ലാൻ ചെയ്തത്. രണ്ടു പേരൊടും ഒരാഴ്ച്ച ലീവെടുക്കാൻ പറഞ്ഞു. റിസോർട്ടും ഫ്ളൈറ്റും ബുക്ക് ചെയ്തു. അച്ചു ആ ണ് ടൂ'ർ പ്ലാൻ ചെയ്തത്. ടൂറിൻ്റെ ഒരോ മണിക്കൂറും വിശദമായി പ്ലാൻ ചെയ്ത് ഒരു നല്ല ടൂർ പായ്ക്കേജ് തന്നെ അച്ചു തയാറാക്കിയിരുന്നു. എല്ലാവരും അങ്ങിനെ ത്രില്ലടിച്ചിരിക്കുമ്പഴാണ് അച്ചുവിനൊരസൗകര്യം, അച്ചൂ ന് സ്കൂളിൽ ഓളീബോളിൻ്റെയും ,ബാസ്ക്കറ്റ്ബോളിൻ്റെയും സിലക്ഷൻ ട്രയൽ.അച്ചുവിന് വളരെക്കാലത്തെ ആഗ്രഹമായിരുന്നു സ്ക്കൂൾ ടീമിൽ കയറുക എന്നത്. അത് കൃത്യം ഈ സമയത്തു തന്നെ വന്നു. അച്ചൂന് സങ്കടായി. എല്ലാവർക്കും വിഷമമായി. ടൂർ ക്യാൻസൽ ചെയ്യണോ എന്നു വരെ അവർ ആലൊചിച്ചു.അമ്മക്കാണ് കൂടുതൽ വിഷമം. അച്ചു ഒറ്റക്ക് താമസിക്കുന്നത്, ഇനി സി ലക്ഷൻ കിട്ടാതിരുന്നാലോ അതിനൊക്കെ പുറമേ എന്നെ കൂടാതെ ടൂർ പോകണ്ടി വരുന്നത്. എല്ലാം അമ്മക്ക് പ്രശ്നമാണ്. അവസാനം അച്ചു സിലക്ഷൻ കഴിഞ്ഞാൽ ടൂറിന് നിങ്ങൾ എവിടെ ആയാലും ജോയിൻ ചെയ്തൊളാം എന്നു പറഞ്ഞു സമാധാനിപ്പിച്ചു.അമ്മയ്ക്കും അച്ഛനും ഇങ്ങിനെ ഒരു ചെയ്ഞ്ച് അത്യാവശ്യമാണ് മുത്തശ്ശാ.