പാവയ്ക്കാ അച്ചാർ [തനതു പാകം 43] നല്ല പാവയ്ക്കാ ചെറുതായി അരിഞ്ഞെടുക്കണം. അതിൻ്റെ കുരുവും മററും കളഞ്ഞ് വൃത്തിയാക്കിയിട്ട് വേണം അരിയാൻ. അതിൽ ഉപ്പ്, പഞ്ചസാര, കുരുമുളക് പൊടി, മഞ്ഞപ്പൊടി, കായപ്പൊടി എന്നിവ കൂട്ടി ഇളക്കിയോജിപ്പിക്കൂക.. ഒരു നല്ല സ്റ്റീൽ തളികയിൽ നിരത്തി വെയിലത്ത് വച്ച് വെള്ളം വററിച്ചെടുക്കുക. നല്ല ഉരുളിയിൽ നല്ലണ്ണ ഒഴിക്കുക.വെളിയണ്ണ ആയാലും മതി. കയ്പ്പ് ശമനം കിട്ടാൻ വെളിയണ്ണയാണ് നല്ലത്. എണ്ണ മൂത്തു കഴിഞ്ഞാൽ അതിൽ അരിഞ്ഞുവച്ച കരിവേപ്പിലയും കാന്താരിമുളകും ചേർക്കണം. പാകമായാൽ ജലാംശം വറ്റിയ പാവയ്ക്കാ അതിൽ ചേർക്കണം നന്നായി ഇളക്കണം. നന്നായി ഉലന്നു കഴിഞ്ഞാൽ അതിൽ സ്വൽപ്പം മുളക് പൊടി ചേർത്ത് ഇളക്കണം.തീയണച്ചതിന് ശേഷവും നന്നായി ഇളക്കിക്കൊണ്ടിരിയ്ക്കണം. ചൂടാറിയാൽ ചില്ലു പാത്രത്തിൽ പകർന്ന് അടച്ചു വയ്ക്കണം വളരെക്കാലം ഉപയോഗിക്കാം. നല്ല സ്വാദിഷ്ടമായ പാവയ്ക്കാ അച്ചാർ അങ്ങിനെ ഉണ്ടാക്കി എടുക്കാം.