സന്തോഷ് കുളങ്ങര എന്ന കർമ്മയോഗി..ശ്രീ.സന്തോഷ് കുളങ്ങര. ഞാനദ്ദേഹത്തിന്റെ ഒരാരാധകനാണ്. അദ്ദേഹത്തിന്റെ യാത്രാവിവരണങ്ങളിൽ പ്രചോദനം ഉൾക്കൊണ്ടാണ് ഞാൻ "യാത്രാ നുറുങ്ങുകൾ " എന്നൊരു പരമ്പര സോഷ്യൽ മീഡിയയിൽ തുടങ്ങിയത്. ഇഗ്ലണ്ട്, അമേരിക്ക, യു. എ. ഈ, എന്നിവിടങ്ങളിലെ കുറേ സ്ഥലങ്ങൾ ഇതിനകം പൂർത്തിയാക്കിക്കഴിഞ്ഞു. ഇൻഡ്യയിലെ പ്രധാന സ്ഥലങ്ങളെയും ഇതിനകം എഴു.തിക്കഴിഞ്ഞു. എന്റെ അടുത്ത പുസ്തകം അതാണ്.സഫാരി ചാനലിന്റെ ഒരു സ്ഥിരം സന്ദർശകനാണ് ഞാൻ. ലേബർ ഇൻഡ്യ എന്ന പ്രസിദ്ധീകരണവും എന്നെ ഏറെ സ്വാധീനിച്ചിട്ടുണ്ട്. ഡിസംബർ ഏഴിലെ "അറിവരങ്ങ് " സമർപ്പിക്കാൻ അദ്ദേഹം തന്നെ വേണമെന്ന് മടിച്ചു മടിച്ചാണവതരിപ്പിച്ചത്. അദ്ദേഹം സമ്മതിച്ചു.ലേബർ ഇൻഡ്യ എന്ന അറിവിന്റെ ഇടവും, സഫാരി ചാനലിന്റെ നിറവും ഏതാണ്ട് ഒറ്റക്ക് കൈകാര്യം ചെയ്യുന്ന അദ്ദേഹത്തെ മനസ്സുകൊണ്ട് നമസ്ക്കരിച്ചാണ് ഞാൻ അവിടുന്ന് തിരിച്ചു പോന്നത്