നാലുകെട്ട്

       പവിത്രമോതിരം -----{ നാലുകെട്ട് -55  }

        രണ്ടു പവിത്രമോതിരങ്ങളാണ് മുത്തശ്ശന്റെ സമ്പാദ്യത്തിൽ ഉണ്ടായിരുന്നത് .  പരിപാവനമായി മുത്തശ്സൻ കരുതിയിരുന്ന "പയ്യന്നൂർ പവിത്രമോതിരം ". ദര്ഭപുല്ലുകൊണ്ട് കർമ്മങ്ങൾക്ക് ഉപയോഗിക്കുന്ന " ദർഭപവിത്രം " ത്തിൻറെ ആകൃതിയാണ് ഇതിനാധാരം . പ്രത്യേക രീതിയിലുള്ള ആ  "പവിത്ര കെട്ടാണ് " പൂണൂൽ കേട്ടുന്നതിനും ബ്രാഹ്മമണ ർ അവലംബിക്കാറ് . .വലത് കയിലെ ചെറൂവിരലിനും  , നടുവിരലിനും ഇടയിലുള്ള മോതിര വിരലിലാണ് { പവിത്രവിരൽ } ഇത് ധരിക്കുക .

         സൂര്യ ചന്ദ്രന്മ്മാരുടേയും ,ത്രിമൂർത്തികളുടെയും ,സപ്തർഷികളുടെയും ,നാലുവേദങ്ങളൂടേയും ,സാന്നിധ്യ സങ്കൽപ്പം ഈ മോതിരത്തിൽ സന്നിവേധിപ്പിചിട്ടുണ്ടത്രേ  അതുകൊണ്ട് നല്ല വൃത ശൂദ്ധി ഉള്ളവർ മാത്രമേ ഇത് ധരിക്കാവൂ എന്ന് മുത്തശ്സൻ പറയാറുണ്ട്‌ . കർമ്മങ്ങൾക്ക് ഈ മോതിരം  ധരിച്ചവർ  "ദർഭ പവിത്രം " ധരിക്കേണ്ടതില്ലത്രേ   . സുഴിമ്ന്നാനാഡി ഉൾപ്പെടെ മൂന്ന് പ്രധാന നാഡീവ്യൂഹത്തെ സംവേദിച്ചു ,പവിത്രക്കെട്ടിൽ യോജിപ്പിച്ച് കുണ്ഡലിനീ ശക്തിയെ ഉത്തേജിപ്പിക്കുന്ന യോഗാ സങ്കൽപ്പവും ഇതിൽ അന്തർലീനമാണ് .

     ആറംമുളകണ്ണാടി പോലെതന്നെ ഇതും നമ്മുടെ പൈതൃക സമ്പത്താണ്‌ . പക്ഷേ  വിശ്വാസങ്ങളുടേയും    ,മിത്തുകളുടെയും ,വൃതശുദ്ധിയുടേയും   ഒരു വൈദിക പരിവേഷം ഇതിന് കൂടുതൽ ഉണ്ടന്നുമാത്രം .ഗുരു കാരണവൻമ്മാരെ ധ്യാനിച്ച്‌ ആ മോതിരം വിരളിൽ ധരിച്ചപ്പോൾ ഉണ്ണിക്ക് എന്തോ ഒരു വൈദ്യുത തരംഗം ശരീരത്തിൽ വ്യാപിച്ചപോലെ തോന്നി .